ກົມໃຫຍ່ເສນາທິການກອງທັບ ສະຫຼຸບວຽກງານປ້ອງກັນພາຍໃນ ປະຈໍາປີ 2023

     ວັນທີ 07 ກຸມພາ 2024 ນີ້, ກົມໃຫຍ່ເສນາທິການກອງທັບ ສະຫຼຸບວຽກງານປ້ອງກັນພາຍໃນ ປະຈໍາປີ 2023 ແລະ ທິດທາງແຜນການ
ປະຈໍາປີ 2024, ໂດຍການເປັນປະທານ ຂອງ ສະຫາຍ ພົນຈັດຕະວາ ສົມພອນ ມິດຕະພອນ ກໍາມະການຄະນະພັກກະຊວງປ້ອງກັນປະທດ
ຮອງຫົວໜ້າກົມໃຫຍ່ ເສນາທິການກອງທັບ, ມີຜູ້ຕາງໜ້າບັນດາກົມ, ຫ້ອງການ, ພະແນກການ, ຄະນະພັກ-ຄະນະບັນຊາ ກົມກອງຮາກຖານ
ທີ່ຂຶ້ນກັບກົມໃຫຍ່ເສນາທິການ ເຂົ້າຮ່ວມ.

     ສະຫາຍ ພັນເອກ ຈັນທາ ບຸນນະວົງ ຫົວໜ້າຫ້ອງການເມືອງ ກົມໃຫຍ່ເສນາທິການ ໄດ້ຜ່ານບົດສະຫຼຸບວຽກງານປ້ອງກັນພາຍໃນ ປະຈໍາ
ປີ 2023 ແລະ ທິດທາງແຜນການ ປະຈໍາປີ 2024, ຕະຫຼອດໄລຍະ 1 ປີ ຜ່ານມາຄະນະນໍາກົມໃຫຍ່ເສນາທິການ ໄດ້ຊີ້ນໍາຫ້ອງການເມືອງ
ກໍຄື: ພະແນກປ້ອງ ກັນພາຍໃນ ແລະ ຄະນະພັກ-ຄະນະບັນຊາ ກົມກອງຮາກຖານກໍາແໜ້ນສະພາບການເມືອງພາຍໃນກໍາ ໄດ້ເຫດການ, ປະ
ກົດການຂອງພະນັກງານ-ນັກຮົບດ້ານດີ-ດ້ານຫຍໍ້ທໍ້ ຕອບຕ້ານ ແລະ ສະກັດກັ້ນປະກົດການຫຍໍ້ທໍ້ຢູ່ພາຍໃນ, ເຊິ່ງສາມາດສັງເກດຕີລາຄາແບ່ງ
ປະເພດ ດ້ານຄຸນທາດການເມືອງ ຂອງນາຍ ແລະ ພົນທະຫານ, ປະເພດ I ປະເພດປອດໃສດ້ານການເມືອງ ມີຈໍານວນ 6.977 ກວ່າສະຫາຍ
ເທົ່າກັບ 99,14 %, ປະເພດ II ສັບສົນດ້ານການເມືອງ, ເສດຖະກິດ, ວັດທະນະທໍາສັງຄົມບໍ່ຈະແຈ້ງ ຈໍານວນ 60 ກວ່າສະຫາຍ ເທົ່າກັບ
0,85 %, ໃນນັ້ນຄະນະພັກ-ຄະນະບັນຊາ ແຕ່ລະຂັ້ນ ໄດ້ເອົາໃຈໃສ່ ສຶກສາອົບຮົມການເມືອງ-ນໍາພາແນວຄິດ ໃຫ້ນາຍ ແລະ ພົນທະຫານ ໄດ້
ເຊຶ່ອມຊຶມເອົາບັນດາມະຕິ, ຄໍາສັ່ງ, ຂໍ້ກໍານົດກົດລະບຽບແນວທາງຂອງພັກ-ລັດ ພ້ອມກັນຍົກສູງສະຕິລະວັງຕົວ ຊອກຫາວິທີການ ຕອບຕ້ານ
ທຸກກົນອຸບາຍມ້າງເພທໍາລາຍຂອງສັດຕູ, ໂດຍສະເພາະພະແນກປ້ອງກັນພາຍໃນ ໄດ້ເອົາໃຈ ໃສ່ຄົ້ນຄວ້າກວດກາພະນັກງານ-ນັກຮົບ ເປັນຕົ້ນ
ການຍ້ອງຍໍ, ສະເໜີຊັ້ນ, ຜ່ານຊັ້ນການຍົກຍ້າຍ ເຂົ້່າ-ອອກ ການແຕ່ງຕັ້ງສັບຊ້ອນ ມອບໝາຍໜ້າທີ່ ຜ່ານການຈັດຕັ້ງປະຕິບັດສາມາດກວດກາ
ຄັດເລືອກໄດ້ ຜູ້ທີ່ປອດໃສດ້ານການເມືອງ ປະຫວັດການເຄື່ອນໄຫວແຕ່ລະໄລຍະຢ່າງຈະແຈ້ງ, ມີຄວາມສາມາດເຮັດ ສໍາເລັດໜ້າທີ່ການເມືອງ
ຂອງຕົນໄດ້ເປັນຢ່າງດີ, ໄປພ້ອມກັບການລົງຊຸກຍູ້ສ້າງຂະບວນການສ້າງກອງ ປອດໃສ-ປອດໄພ-ປອດຄະດີ ຕິດພັນກັບການກໍ່ສ້າງໜ່ວຍພັກ
ປອດໃສ, ເຂັ້ມແຂງ, ໜັກແໜ້ນ ແລະ ວຽກງານຮອບດ້ານຢ່າງເປັນຂະບວນການຟົດຟື້ນ ເຮັດໃຫ້ກົມກອງມີຄວາມສະຫງົບໂດຍພື້ນຖານ ແລະ
ສາມາດຕີລາຄາແບ່ງປະເພດຄື: ປະເພດ I ໄດ້ 44 ກົມກອງ, ປະເພດ II ໄດ້ 8 ກົມກອງ, ຜ່ານການຈັດຕັ້ງປະຕິບັດຂະບວນການສ້າງກອງ 3
ປອດ ໄດ້ເຮັດໃຫ້ມີໜ່ວຍພັກປອດໃສ ເຂັ້ມແຂງ ໜັກແໜ້ນ ຈໍານວນ 114 ໜ່ວຍ, ຈາກນັ້ນ ສະຫາຍ ພັນເອກ ເທບພະພອນ ຫອມດີ ຮອງ
ຫົວໜ້າຫ້ອງການເມືອງ ກົມໃຫຍ່ເສນາທິການ ໄດ້ຜ່ານຂໍ້ຕົກລົງ ວ່າດ້ວຍການມອບໃບຢັ້ງຢືນກອງປອດໃສ, ປອດໄພ, ປອດຄະດີ. ກົມໃຫຍ່
ເສນາທິການກອງທັບຕົກລົງ: ມອບໃບຢັ້ງຢືນໃຫ້ບັນດາກົມ, ຫ້ອງການ, ກອງພັນນ້ອຍ, ກອງຮ້ອຍເອກະລາດທີ່ຂຶ້ນກັບ ກົມໃຫຍ່ເສນາທິການ
ປະເພດທີ I ມີ 44 ກົມກອງ ແລະ ປະເພດ II ມີ 8 ກົມກອງ, ໃຫ້ກຽດມອບໃບຢັ້ງຢືນໂດຍ ສະຫາຍ ພົນຈັດຕະວາ ສົມພອນ ມິດຕະພອນ
ພ້ອມທັງຮັບຟັງການໂອ້ລົມ ແລະ ເນັ້ນໜັກຫຼາຍບັນຫາຈາກສະຫາຍປະທານ ອີກດ້ວຍ.

ແຫຼ່ງຂ່າວໂດຍ ພຸດທະວອນ ພົມມະວົງສາ
ວັນທີ 08/02/2024