ປະກາດໃຫ້ນາຍທະຫານຢູ່ກອງບັນຊາການທະຫານແຂວງຈໍາປາສັກ
ພັກການເພື່ອກຽມຮັບບໍານານ
ສະຫາຍ ພົນຕີ ຄໍາເພັດ ສີຊານົນ ກຳມະການຄະນະປະຈຳພັກກະຊວງປ້ອງກັນປະເທດ ຫົວໜ້າກົມໃຫຍ່ ພະລາທິການກອງທັບ ເປັນປະທານ
ພິທີປະກາດໃຫ້ນາຍທະຫານຢູ່ ກອງບັນຊາການທະຫານແຂວງຈໍາປາສັກ ພັກການເພື່ອກຽມຮັບບໍານານ ໄດ້ຈັດຂື້ນໃນວັນທີ 6 ມິຖຸນາ
2024 ນີ້, ຢູ່ທີ່ຫ້ອງປະຊຸມຂອງກົມກອງໂດຍການເຂົ້າຮ່ວມເປັນປະທານຂອງ ສະຫາຍ ພົນຕີ ຄໍາເພັດ ສີຊານົນ ກຳມະການຄະນະປະຈຳພັກ
ກະຊວງປ້ອງກັນປະເທດ ຫົວໜ້າກົມໃຫຍ່ ພະລາທິການກອງທັບ, ມີສະຫາຍ ພັນເອກ ສິດປະເສີດ ນວນມະນີວົງ ຄະນະພັກກອງບັນຊາການ
ຫົວໜ້າການທະຫານກອງບັນຊາການທະຫານແຂວງຈໍາປາສັກ, ມີບັນດາກົມ, ຄະນະພັກ-ຄະນະບັນຊາ 5 ຫ້ອງ, ພະແນກການທີ່ກ່ຽວຂ້ອງ
ເຂົ້າຮ່ວມ.
ສະຫາຍ ພັນເອກ ປອ ສົມຜິດ ແກ້ວວັນທອງ ຮອງຫົວໜ້າກົມເສນາພະລາ ກົມໃຫຍ່ ພະລາທິການກອງທັບ ໄດ້ຜ່ານຂໍ້ຕົກລົງຂອງ ກະ
ຊວງປ້ອງກັນປະເທດ ສະບັບເລກທີ 2414/ກປທ ລົງວັນທີ 2 ເມສາ 2024 ວ່າດ້ວຍການອະນຸມັດໃຫ້ນາຍທະຫານຢູ່ກອງບັນຊາການທະ
ຫານແຂວງຈໍາປາສັກ ພັກການເພື່ອກຽມຮັບບໍານານ. ໂດຍອີງຕາມ ກົດໝາຍນາຍທະຫານກອງທັບປະຊາຊົນລາວ ໃນພາກທີ III ໝວດທີ1
ມາດຕາ 33 ວ່າດ້ວຍອາຍຸກະສຽນຮັບບຳນານຂອງນາຍທະຫານ, ອີງຕາມການຄົ້ນຄວ້າຕົກລົງເຫັນດີເປັນເອກະພາບຂອງກອງປະຊຸມຄະນະ
ປະຈຳພັກ ກະຊວງປ້ອງກັນປະເທດ ແລະ ການຄົ້ນຄວ້ານໍາສະເໜີຂອງກົມໃຫຍ່ການເມືອງກອງທັບ. ໃນນັ້ນກະຊວງປ້ອງກັນປະເທດ ຕົກລົງ
ອະນຸມັດໃຫ້ ສະຫາຍ ພັນເອກ ລັດຕະນະວົງ ຫຼວງກິ່ງ ຮອງຫົວໜ້າກອງບັນຊາການ ຮັບຜິດຊອບວຽກງານພະລາທິການ, ຫົວໜ້າຫ້ອງພະລາ
ທິການກອງບັນຊາການທະຫານແຂວງຈຳປາສັກ ພັກການ ເພື່ອກຽມຮັບບໍານານ.
ໃນວັນດຽວກັນກໍ່ໄດ້ມີພິທີປະກາດການຈັດຕັ້ງຮອງຫົວໜ້າກອງບັນຊາການ ຮັບຜິດຊອບວຽກງານພະລາທິການ ກອງບັນຊາການທະຫານ
ແຂວງຈຳປາສັກ ເຊິ່ງໄດ້ຈັດຂຶ້ນຢູ່ທີ່ສະໂມສອນຂອງກົມກອງໂດຍພາຍໃຕ້ການເປັນປະທານຂອງ ສະຫາຍ ພົນຕີ ຄໍາເພັດ ສີຊານົນ ກຳມະການ
ຄະນະປະຈຳພັກ ກະຊວງປ້ອງກັນປະເທດ ຫົວໜ້າກົມໃຫຍ່ພະລາທິການກອງທັບ, ມີຄະນະພັກ-ຄະນະບັນຊາ, ພະແນກການ, ກົມກອງ ແລະ
ແຂກຖືກເຊີນ ຈາກກຳລັງຫຼວງ, ກຳລັງທ້ອງຖີ່ນເຂົ້າຮ່ວມ.
ໃນພິທີ ສະຫາຍ ພັນເອກ ສົມຜິດ ແກ້ວວັນທອງ ຮອງຫົວໜ້າກົມເສນາພະລາ ກົມໃຫຍ່ພະລາທິການກອງທັບ ໄດ້ຂຶ້ນຜ່ານຂໍ້ຕົກລົງຂອງ
ກະຊວງປ້ອງກັນປະເທດ ສະບັບເລກທີ 2772/ກປທ ລົງວັນທີ 29 ເມສາ 2024 ວ່າດ້ວຍການແຕ່ງຕັ້ງຮອງຫົວໜ້າກອງບັນຊາການ ຮັບຜິດ
ຊອບວຽກງານພະລາທິການ ກອງບັນຊາການທະຫານແຂວງຈໍາປາສັກ ໃນນັ້ນກະຊວງປ້ອງກັນປະເທດຕົກລົງ ແຕ່ງຕັ້ງ ສະຫາຍ ພັນໂທ ຄຳສີງ
ພົມສຸພາ ເປັນ ຮອງກອງບັນຊາການ ຮັບຜິດຊອບວຽກງານພະລາທິການ ທັງເປັນຫົວໜ້າຫ້ອງພະລາທິການ ກອງບັນຊາການທະຫານແຂວງຈໍາ
ປາສັກ.
ໂອກາດນີ້ ສະຫາຍ ພົນຕີ ຄໍາເພັດ ສີຊານົນ ປະທານພິທີ ກໍ່ໄດ້ມີຄໍາເຫັນໂອ້ລົມ ແລະ ເນັ້ນໜັກຫຼາຍບັນຫາທີ່ສຳຄັນຕໍ່ຄະນະພັກ-ຄະນະບັນ
ຊາຕ້ອງເອົາໃຈໃສ່ສຶກສາອົບຮົມການເມືອງນໍາພາແນວຄິດຂອງພະນັກງານ-ນັກຮົບຢ່າງເປັນປົກກະຕິແລະຕໍ່ເນື່ອງ, ສ້າງແນວຄິດ-ສະຕິເພິ່ງຕົນເອງ,
ກຸ້ມຕົນເອງ, ສ້າງຄວາມເຂັ້ມແຂງດ້ວຍຕົນເອງຕາມເງື່ອນໄຂ ແລະ ຄວາມສາມາດຂອງກົມກອງ, ປົກປັກຮັກສາພາຫະນະເຕັກນິກ, ສ້າງວຽກງານ
ພະລາທິການກັບທີ່ໃຫ້ກາຍເປັນໜ້າທີ່ຂອງໝົດທຸກຄົນ, ມີຄວາມສະມັກຄີເປັນເອກະພາບ ປະຕິບັດຫຼັກການລວມສູນປະຊາທິປະໄຕ ເຮັດວຽກ
ເປັນໝູ່ຄະນະ, ແບ່ງວຽກໃຫ້ບຸກຄົນຮັບຜິດຊອບຢ່າງຈະແຈ້ງ, ສືບຕໍ່ເອົາໃຈໃສ່ປັບປຸງກໍ່ສ້າງກົມກອງໃຫ້ມີຄວາມສະອາດຈົບງາມ ເພື່ອສ້າງກົມກອງ
ໃຫ້ກາຍເປັນກົມກອງທີ່ມີແບບແຜນທັນໄໝດີຂຶ້ນເທື່ອລະກ້າວ.
ແຫຼ່ງຂ່າວໂດຍດາວົງ ບຸດຕະວົງ
ວັນທີ 07/06/2024