ກອງປະຊຸມໃຫຍ່ສະມາຊິກພັກຄັ້ງທີ VIII ຂອງໜ່ວຍພັກ ຫໍພິພິທະພັນປະຫວັດສາດກອງທັບ

ສະຫາຍ ພົນຈັດຕະວາ ແສງມະນີວອນ ຄຳມະນີ ກໍາມະການຄະນະພັກ ກະຊວງປ້ອງກັນປະເທດ, ຮອງຫົວໜ້າກົມໃຫຍ່ການເມືອງກອງທັບ ​ເປັນ​ປະທານ

    ວັນທີ 2 ສິງຫາ 2024 ນີ້, ໜ່ວຍພັກຫໍພິພິທະພັນປະຫວັດສາດກອງທັບ ໄດ້ຈັດກອງປະຊຸມໃຫຍ່ສະມາຊິກພັກຄັ້ງທີ VIII ໂດຍການເປັນ
ປະທານຂອງ ສະຫາຍ ພົນຈັດຕະວາ ແສງມະນີວອນ ຄຳມະນີ ກໍາມະການຄະນະພັກ ກະຊວງປ້ອງກັນປະເທດ, ຮອງຫົວໜ້າກົມໃຫຍ່ການເມືອງ
ກອງທັບ, ມີຄະນະໜ່ວຍພັກ, ແຂກຖືກເຊີນ ພ້ອມດ້ວຍສະມາຊິກພັກເຂົ້າຮ່ວມ.

     ສະຫາຍ ສີສຸມັງ ມີໄຊຜົນ ຫົວໜ້າອຳນວຍການ ຫໍພິພິທະພັນປະຫວັດສາດກອງທັບ ໄດ້ຂຶ້ນຜ່ານບົດລາຍງານການເມືອງທັງສອງພາກຕໍ່ກອງ
ປະຊຸມ ເຊິ່ງໄລຍະທີ່ຜ່ານມາ, ໄດ້ຖືເອົາວຽກງານສຶກສາອົບຮົມການເມືອງ-ນຳພາແນວຄິດເປັນກົກ ສອດຫ້ອຍເຂົ້າໃນທຸກຂົງເຂດວຽກງານລວມ
ຂອງກົມກອງໃນການຈັດຕັ້ງນໍາພາ, ເຊື່ອມຊຶມບັນດາແນວທາງແຜນນະໂຍບາຍຂອງພັກ, ລະບຽບກົດໝາຍຂອງລັດ ກໍ່ຄືຂໍ້ກໍານົດກົດລະບຽບຂອງ
ກອງທັບ ໂດຍປິ່ນອ້ອມ 4 ໜ້າທີ່ໃຫຍ່ 26 ແຜນງານ ຂອງຄະນະພັກກະຊວງປ້ອງກັນປະເທດວາງອອກ. ໄປຄຽງຄູ່ກັນນັ້ນ, ຍັງໄດ້ປັບປຸງກໍ່ສ້າງພັກ
ໃຫ້ ໜັກແໜ້ນ ເຂັ້ມແຂງ ທັງ 4 ດ້ານຄື: ດ້ານການເມືອງ-ແນວຄິດ, ດ້ານການຈັດຕັ້ງ ແລະ ແບບແຜນວິທີນຳພາ ໂດຍຖືເອົາຄຸນນະພາບເປັນກົກ
ຕິດພັນກັບການກໍ່ສ້າງໜ່ວຍພັກ ປອດໃສ ເຂັ້ມແຂງ ໜັກແໜ້ນ ບົນພື້ນຖານຍຶດໝັ້ນ 5 ຫຼັກການ 3 ທິດນໍາຂອງພັກ; ພ້ອມນີ້ ຍັງໄດ້ຊຸກຍູ້ອົງການ
ຈັດຕັ້ງມະຫານຊົນ ຊາວໜຸ່ມ-ແມ່ຍິງ ໄດ້ເຄື່ອນໄຫວຕາມພາລະບົດບາດຂອງຕົນ, ເພີ່ມທະວີຄວາມຮັບຜິດຊອບໜ້າທີ່ການເມືອງຕໍ່ຂົງເຂດວຽກງານ
ວິຊາສະເພາະໃນການປົກປັກຮັກສາ ແລະ ຈັດຕັ້ງວາງສະແດງຮູບພາບ, ວັດຖຸພັນປະຫວັດສາດມູນເຊື້ອຂອງກອງທັບ, ຜົນງານໄຊຊະນະຂອງກອງ
ທັບ ເພື່ອໂຄສະນາເຜີຍແຜ່ໃຫ້ມວນຊົນທັງພາຍໃນ ແລະ ຕ່າງປະເທດ ເຂົ້າມາສຶກສາຮ່ຳຮຽນ ແລະ ຢ້ຽມຊົມຕົວຈິງ. ໃນນີ້ມີນັກທ່ອງທ່ຽວທັງພາຍ
ໃນ ແລະ ຕ່າງປະເທດ ເຂົ້າມາຢ້ຽມຊົມທັດສະນະສຶກສາ 80.000 ເທື່ອຄົນ ໃນນັ້ນມີແຂກຕ່າງປະເທດ 9.500 ເທື່ອຄົນ.

     ໂອກາດນີ້, ຍັງໄດ້ພ້ອມກັນໃຊ້ສິດປະຊາທິປະໄຕປ່ອນບັດຄັດເລືອກເອົາ ຄະນະໜ່ວຍພັກຊຸດໃໝ່ ເຊິ່ງກອງປະຊຸມຄັ້ງປະຖົມມະລຶກຂອງໜ່ວຍ
ພັກໄດ້ເປັນເອກະສັນເລືອກເອົາ ສະຫາຍ ພັນໂທ ສິສຸມັງ ມີໄຊຜົນ ເປັນເລຂາໜ່ວຍພັກ, ສະຫາຍພັນໂທ ວຽງຄຳ ແນວຮັກພູມສະໄໝ ເປັນຮອງເລ
ຂາໜ່ວຍພັກ, ສະຫາຍພັນໂທ ໂມງຄໍາ ບົວລະວັນ, ສະຫາຍພັນໂທ ວົງເພັດ ສົມມະນີວັນ ແລະ ສະຫາຍ ພັນຕີ ວ່າຊົງ ໄຟດໍຊົ່ວຕົ່ງ ເປັນກຳມະການ
ຄະນະໜ່ວຍພັກ.

ແຫຼ່ງຂ່າວໂດຍ ໄຊສະຫວາດ ສົມພັນທະມິດ
ວັນທີ 05/08/2024