ຮອງຫົວໜ້າກົມໃຫຍ່ການເມືອງກອງທັບ ລົງພົບປະ
ພະນັກງານ-ນັກຮົບ ທີ່ກະກຽມຊ້ອມຮົບຮ່ວມລາວ-ຈີນ

    ໃນວັນທີ 3 ກໍລະກົດ 2024 ນີ້, ສະຫາຍ ພົນຈັດຕະວາ ໄພວັນ ຈັນທະພົມມາ ຮອງຫົວໜ້າກົມໃຫຍ່ການເມືອງກອງທັບ, ຮອງຫົວໜ້າ
ຄະນະຊີ້ນໍາວຽກງານການເມືອງ, ມີກົມໂຄສະນາ, ກົມນະໂຍບາຍ ພ້ອມຄະນະ ໄດ້ລົງພົບປະໂອ້ລົມພະນັກງານ-ນັກຮົບ ແຕ່ລະເຫຼົ່າຮົບວິຊາສະ
ເພາະຂອງກອງ ພັນໃຫຍ່ 11 ທີ່ກະກຽມເຂົ້າຮ່ວມບັ້ນຊ້ອມຮົບຮ່ວມ ລາວ-ຈີນ "ໂລ້ກໍາບັງມິດຕະພາບ-2024" ໃນຄັ້ງນີ້.

     ສະຫາຍ ພັນເອກ ຄໍາສາຍ ມົນດວງສິງ ຫົວໜ້າພະແນກການເມືອງ ກອງພັນໃຫຍ່ 11 ໄດ້ລາຍງານຄວາມພ້ອມກ່ຽວກັບການ ຫ້າງຫາກະ
ກຽມ ເພື່ອສຸມໃສ່ຈັດຕັ້ງປະຕິບັດ ບັນດາວຽກງານຂອງແຕ່ລະເຫຼົ່າຮົບ ຂອງພັນໃຫຍ່ 11 ທີ່ໄດ້ຮັບມອບໝາຍໃຫ້ເຂົ້າຮ່ວມຊ້ອມຮົບຮ່ວມລາວ-ຈີນ
ໃນຄັ້ງນີ້, ເຊິ່ງຄະນະຮັບຜິດຊອບວຽກງານດ້ານຕ່າງໆ ໄດ້ເອົາໃຈໃສ່ຊີ້ນໍາ-ນໍາພາ ແລະ ມອບໝາຍຄວາມຮັບຜິດຊອບດ້ານການເມືອງຂອງຕົນເອງ,
ສຸມທຸກເຫື່ອແຮງ ເຂົ້າໃນການກະກຽມຊ້ອມຮົບ ເພື່ອຮັບປະກັນໃຫ້ບັ້ນຊ້ອມຮົບຄັ້ງນີ້ ໄດ້ຮັບປະສິດທິພາບ ແລະ ປະສິດທິຜົນສູງ, ສ່ວນດ້ານ
ວຽກງານດູແລທັບ ສາມາດຮັບປະກັນ ໃຫ້ພະນັກງານ-ນັກຮົບ ໄດ້ກິນອີ່ມນຸ່ງອຸ່ນ, ອາຫານສະອາດ ຖືກຫຼັກອະນາໄມ ທັງໄດ້ຈັດຕັ້ງກຳລັງສາລະ
ເວຈຸດສະໜາມ ຮ່ວມກັບອໍານາດການປົກຄອງ ເພື່ອຮັບປະກັນ ຮັກສາໄດ້ຄວາມສະຫງົບ 100%.

     ໂອກາດນີ້, ສະຫາຍ ພົນຈັດຕະວາ ໄພວັນ ຈັນທະພົມມາ ກໍໄດ້ສະແດງຄວາມຍ້ອງຍໍຊົມເຊີຍຕໍ່ທຸກພາກສ່ວນ ທີ່ໄດ້ມີຄວາມຫ້າວຫັນ, ເອົາ
ໃຈໃສ່ຕໍ່ໜ້າທີ່ການເມືອງຂອງຕົນເປັນຢ່າງດີ, ພ້ອມທັງເນັ້ນໜັກໃຫ້ທຸກພາກສ່ວນ ຈົ່ງຕັ້ງໜ້າສຸມໃສ່ການຫັດແອບຊ້ອມຮົບດ້ວຍຄວາມຮັບຜິດ
ຊອບສູງ, ເພີ່ມທະວີ ຄວາມສາມັກຄີ ຢ່າງແໜ້ນແຟ້ນກັບເພື່ອນກອງທັບ ປົດປ່ອຍປະຊາຊົນ ຈີນ ເພື່ອກຳໄດ້ບັນດາທິດສະດີ, ຫຼັກການຂອງການ
ຊ້ອມຮົບ ໃນຄັ້ງນີ້ ນໍາມາພັດທະນາກອງທັບປະຊາຊົນ ລາວ ກໍຄື ກົມກອງ ໃຫ້ມີແບບແຜນທັນສະໄໝ ກ້າວຂຶ້ນຢ່າງບໍ່ຢຸດຢັ້ງ.

ແຫຼ່ງຂ່າວໂດຍ ຂກທ
ວັນທີ 05/07/2024