ກົມໃຫຍ່ເສນາທິການກອງທັບ ປະກາດໃຫ້ນາຍທະຫານພັກການຮັບບໍານານ

ສະຫາຍ ພົນຈັດຕະວາ ສົມພອນ ມິດຕະພອນ ກໍາມະການຄະນະພັກ ກະຊວງປ້ອງກັນປະເທດ ຮອງຫົວໜ້າກົມໃຫຍ່ເສນາທິການກອງທັບ ​ເປັນ​ປະທານ

    ວັນທີ 4 ມິຖຸນາ 2024 ນີ້, ກົມໃຫຍ່ເສນາທິການກອງທັບ ໄດ້ປະກາດໃຫ້ນາຍທະຫານພັກການຮັບບໍານານ, ໂດຍການເປັນປະທານຂອງ
ສະຫາຍ ພົນຈັດຕະວາ ສົມພອນ ມິດຕະພອນ ກໍາມະການຄະນະພັກກະຊວງປ້ອງກັນປະເທດ ຮອງຫົວໜ້າກົມໃຫຍ່ເສນາທິການກອງທັບ, ມີ
ຄະນະກົມ, ຫ້ອງການ, ພະແນກການ, ຄະນະພັກ-ຄະນະບັນຊາກົມກອງ ແລະ ພາກສ່ວນທີ່ກຽມຮັບເບ້ຍບໍານານ ເຂົ້າຮ່ວມ.

     ສະຫາຍ ພັນເອກ ເທບພະພອນ ຫອມດີ ຮອງຫົວໜ້າຫ້ອງການເມືອງ ກົມໃຫຍ່ເສນາທິການ ໄດ້ຜ່ານຂໍ້ຕົກລົງຂອງກະຊວງປ້ອງກັນປະເທດ
ວ່າດ້ວຍການອະນຸມັດໃຫ້ນາຍທະຫານ ຢູ່ກົມໃຫຍ່ເສນາທິການ ພັກການຮັບເບ້ຍບໍານານ, ອີງຕາມ ກົດໝາຍນາຍທະຫານກອງທັບປະຊາຊົນລາວ
( ສະບັບປັບປຸງ ) ໃນພາກທີ III ໝວດທີ1 ມາດຕາ 33 ວ່າດ້ວຍອາຍຸກະສຽນຮັບເບ້ຍບໍານານຂອງນາຍທະຫານ, ອີງຕາມ ການຄົ້ນຄວ້າ ແລະ ນໍາ
ສະເໜີຂອງກົມໃຫຍ່ການເມືອງກອງທັບ, ກະຊວງປ້ອງກັນປະເທດ ຕົກລົງ ອະນຸມັດໃຫ້ບັນດານາຍທະຫານຢູ່ ກົມໃຫຍ່ເສນາທິການ ພັກການຮັບ
ເບ້ຍບໍານານ ຈໍານວນ 25 ສະຫາຍ.

     ໂອກາດນີ້, ສະຫາຍ ພົນຈັດຕະວາ ສົມພອນ ມິດຕະພອນ ໄດ້ມີຄໍາເຫັນໂອ້ລົມ ແລະ ສະແດງຄວາມຍ້ອງຍໍຊົມເຊີຍຕໍ່ຜົນງານ ທີ່ບັນດາສະ
ຫາຍ ໄດ້ທຸ່ມເທເຫື່ອແຮງ, ສະຕິປັນຍາທີ່ໄດ້ປະກອບສ່ວນເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ, ກໍຄືປະກອບ
ສ່ວນເຂົ້າໃນການປັບປຸງຄ້າຍຄູ-ກໍ່ສ້າງກົມກອງ ໃນໄລຍະຜ່ານມາ ເຊິ່ງການປະກາດລຸລ່ວງກຽມຮັບເບ້ຍບໍານານໃນຄັ້ງນີ້ ກໍແມ່ນປະຕິບັດຕາມນະ
ແນວທາງຂອງພັກ-ລັດ ກໍຄືກະຊວງປ້ອງກັນປະເທດ ທີ່ມີຕໍ່ນາຍ ແລະ ພົນທະຫານທຸກສະຫາຍ ເມື່ອຮອດອາຍຸກະສຽນກໍຕ້ອງປະຕິບັດ ໃຫ້ຖືກ
ຕ້ອງຕາມແນວທາງກຽມເຂົ້າຮັບເບ້ຍບໍານານ ພ້ອມທັງເນັ້ນໜັກໃຫ້ບັນດາສະຫາຍ ສືບຕໍ່ຊີ້ນໍາ-ນໍາພາສຶກສາອົບຮົມລູກຫຼານ ປະຕິບັດລະບຽບກົດ
ໝາຍຂອງບ້ານເມືຶອງ ເຂົ້າຮ່ວມທຸກການເຄື່ອນໄຫວຢູ່ຮາກຖານ ເຮັດ​ໃຫ້ຮາກຖານມີຄວາມສະຫງົບ, ມີຄວາມເປັນລະບຽບຮຽບຮ້ອຍເປັນຫຼັກ
ແຫຼງຊຸກຍູ້ໃຫ້ເຂົາເຈົ້າ ເປັນເຈົ້າການປະກອບສ່ວນເຮັດວຽກງານປ້ອງກັນຊາດປ້ອງກັນ-ຄວາມສະຫງົບ ຢ່າງແຂງແຮງມີຄວາມຈະເລີນກ້າວໜ້າ
ຢ່າງບໍ່ຢຸດຢັ້ງ.

ແຫຼ່ງຂ່າວໂດຍ ພຸດທະວອນ
ວັນທີ 05/06/2024