ປະກາດປັບປຸງການຈັດຕັ້ງພະນັກງານຂັ້ນນຳພາ-ບັນຊາ ຢູ່ໂຮງຮຽນທິດສະດີການເມືອງກອງທັບ

    ພິທີປະກາດປັບປຸງການຈັດຕັ້ງພະນັກງານຂັ້ນນຳພາ-ບັນຊາ ຢູ່ໂຮງຮຽນທິດສະດີການເມືອງກອງທັບ ໄດ້ຈັດຂຶ້ນໃນວັນທີ 03 ຕຸລາ 2024 ນີ້,
ໂດຍການເປັນປະທານຂອງ ສະຫາຍ ພົນຈັດຕະວາ ແສງມະນີວອນ ຄຳມະນີ ຮອງຫົວໜ້າກົມໃຫຍ່ການເມືອງກອງທັບ, ມີຄະນະພັກ-ຄະນະອຳ
ນວຍການ ແລະ ພະນັກງານຫຼັກແຫຼ່ງ ທົ່ວໂຮງຮຽນທິດສະດີການເມືອງກອງທັບ ເຂົ້າຮ່ວມ.

     ສະຫາຍ ພັນເອກ ຄໍາເອ້ຍ ສຸກແສງເໜືອ ຮອງຫົວໜ້າກົມພະນັກງານ ກົມໃຫຍ່ການເມືອງກອງທັບ ໄດ້ຂຶ້ນຜ່ານຂໍ້ຕົກລົງຂອງກະຊວງປ້ອງ
ກັນປະເທດ ວ່າດ້ວຍ ການແຕ່ງຕັ້ງພະນັກງານຂັ້ນນຳພາ-ບັນຊາ ຢູ່ໂຮງຮຽນທິດສະດີການເມືອງກອງທັບ, ໃນນີ້, ໄດ້ແຕ່ງຕັ້ງ ສະຫາຍ ພັນໂທ ສຸກ
ອິນທະມູນ ເປັນຮອງຫົວໜ້າການທະຫານ, ທັງເປັນຫົວໜ້າຫ້ອງອົບຮົມ-ກໍ່ສ້າງ, ສະຫາຍ ພັນໂທ ພູວັນ ທິບພະວົງ ເປັນຮອງຫົວໜ້າຫ້ອງການ
ເມືອງ, ສະຫາຍ ພັນໂທ ວິພາກອນ ບົວຄ່າສິດ ແລະ ສະຫາຍ ພັນໂທ ສຸລິຍາ ແກ້ວມະນີລາ ເປັນຮອງຫົວໜ້າຫ້ອງອົບຮົມ-ກໍ່ສ້າງ, ສະຫາຍ ພັນ
ໂທ ທະນູເພັດ ວັນມີໄຊ ເປັນຮອງຫົວໜ້າຄະນະວິຊາຄູເຫຼົ່າຮົບ. ຈາກນັ້ນ, ສະຫາຍ ພັນເອກ ໃຈເພັດ ວົງແສນສົມ ຮອງຫົວໜ້າກົມຈັດຕັ້ງພັກ
ກົມໃຫຍ່ການເມືອງກອງທັບ ກໍໄດ້ຜ່ານມະຕິຕົກລົງ ຂອງຄະນະພັກກະຊວງປ້ອງກັນປະເທດ ວ່າດ້ວຍການແຕ່ງຕັ້ງປ່ຽນແທນ ກຳມະການຄະນະ
ພັກ, ກຳມະການປະຈຳພັກ ແລະ ປະທານຄະນະກວດກາພັກ ໂຮງຮຽນທິດສະດີການເມືອງກອງທັບ. ໃນນີ້, ຄະນະພັກກະຊວງປ້ອງກັນປະເທດ
ຕົກລົງ: ແຕ່ງຕັ້ງ ສະຫາຍ ພັນເອກ ວິໄລ ເພັດມີໄຊ ຫົວຫ້ອງການເມືອງ ເປັນກໍາມະການປະຈຳພັກ ທັງເປັນປະທານຄະນະກວດກາພັກ, ສະຫາຍ
ພັນໂທ ສຸກ ອິນທະມູນ ຫົວໜ້າຫ້ອງອົບຮົມ-ກໍ່ສ້າງ ເປັນກຳມະການຄະນະພັກ, ສະຫາຍ ພັນໂທ ໜໍ່ແສງ ພົມມະຈັນ ຫົວໜ້າຄະນະຄູເຫຼົ່າຮົບ
ເປັນກຳມະການຄະນະພັກ ໂຮງຮຽນທິດສະດີການເມືອງກອງທັບ. ພ້ອມນັ້ນ, ໃນພິທີ ຍັງໄດ້ຜ່ານຂໍ້ຕົກລົງຂອງກົມໃຫຍ່ການເມືອງກອງທັບ ວ່າ
ດ້ວຍການແຕ່ງຕັ້ງຂັ້ນພະແນກການ, ກອງພັນ ແລະ ຜ່ານມະຕິຕົກລົງ ຂອງຄະນະພັກ ໂຮງຮຽນທິດສະດີການເມືອງກອງທັບ ວ່າດ້ວຍການແຕ່ງ
ຕັ້ງປ່ຽນແທນ ເລຂາ, ຮອງເລຂາ, ກຳມະການໜ່ວຍພັກ ທີ່ຂຶ້ນກັບຄະນະພັກໂຮງຮຽນທິດສະດີການເມືອງກອງທັບ ຈໍານວນໜຶ່ງຕື່ມອີກ.

ແຫຼ່ງຂ່າວໂດຍ ຂກທ
ວັນທີ 04/10/2024