ກະຊວງປ້ອງກັນປະເທດ ປາຖະກະຖາວັນສໍາຄັນຂອງຊາດ

ສະຫາຍ ພົນຕີ ສອນທອງ ພົມລາວົງ ຮອງຫົວໜ້າກົມໃຫຍ່ການເມືອງກອງທັບ ​ເປັນ​ປະທານ

    ວັນທີ 29 ພະຈິກ 2024 ນີ້, ກະຊວງປ້ອງກັນປະເທດ ໄດ້ປາຖະກະຖາ ວັນຊາດ ທີ 2 ທັນວາ ຄົບຮອບ 49 ປີ (2 ທັນວາ 1975-2 ທັນ
ວາ-2024), ໂດຍການເປັນປະທານ ແລະ ປາຖະກະຖາຂອງ ສະຫາຍ ພົນຕີ ສອນທອງ ພົມລາວົງ ຮອງຫົວໜ້າກົມໃຫຍ່ການເມືອງກອງທັບ,
ມີບັນດາກົມ, ກອງ ແລະ ພະນັກງານ-ນັກຮົບ ທົ່ວກະຊວງປ້ອງກັນປະເທດ ເຂົ້າຮ່ວມ.

     ສະຫາຍ ພົນຕີ ສອນທອງ ພົມລາວົງ ໄດ້ຍົກໃຫ້ເຫັນຄວາມໝາຍສຳຄັນ ແລະ ມູນເຊື້ອອັນອົງອາດກ້າຫານຂອງບັນພະບູລຸດຂອງປວງຊົນ
ລາວບັນດາເຜົ່າ ພາຍໃຕ້ການນຳພາຂອງ ພັກປະຊາຊົນປະຕິວັດລາວ ໄດ້ສາມັກຄີກັນຕໍ່ສູ້ຢ່າງພິລະອາດຫານ ຕ້ານການຮຸກຮານ ແລະ ການປົກ
ຄອງຂອງຈັກກະພັດລ່າເມືອງຂຶ້ນແບບເກົ່າ ແລະ ແບບໃໝ່ສາມາດປົດປ່ອຍປະເທດຊາດໄດ້ຢ່າງມີໄຊ ແລະ ສະຖາປະນາ ສາທາລະນະລັດ ປະ
ຊາທິປະໄຕ ປະຊາຊົນລາວ ຂຶ້ນຢ່າງສະຫງ່າຜ່າເຜີຍໃນ ວັນທີ 2 ທັນວາ 1975, ວັນທີ 2 ທັນວາ ແມ່ນວັນທີ່ມີຄວາມໝາຍ ຄວາມສຳຄັນສຳ
ລັບທົ່ວພັກ, ທົ່ວລັດ ແລະ ທົ່ວປວງຊົນລາວທັງຊາດ, ແມ່ນວັນແຫ່ງໄຊຊະນະອັນຍິ່ງໃຫຍ່ໃນປະຫວັດສາດແຫ່ງການຕໍ່ສູ້ເປັນພັນໆປີ ຂອງຊາດ
ລາວ ທີ່ປະຊາຊົນລາວບັນດາເຜົ່າໄດ້ມີອິດສະຫຼະພາບ ແລະ ໄດ້ເປັນເຈົ້າຂອງປະເທດຢ່າງແທ້ຈິງ, ວັນແຫ່ງການກ້າວສູ້ຍຸກສະໄໝໃໝ່ ແຫ່ງສັນ
ຕິພາບ ເອກະລາດ ປະຊາທິປະໄຕ ເອກະພາບ ວັດທະນາຖາວອນ ແລະ ມີຜົນສຳເລັດໃນການປົກປັກຮັກສາ ແລະ ສ້າງສາພັດທະນາປະເທດ
ຊາດ. ໃນຕະຫຼອດໄລຍະ 49 ປີທີ່ຜ່ານມາ ແຫ່ງການປົກປັກຮັກສາ ແລະ ສ້າງສາພັດທະນາປະເທດຊາດ ໄດ້ເຕີບໃຫຍ່ເຂັ້ມແຂງຂະຫຍາຍຕົວ
ທາງດ້ານການເມືອງ, ດ້ານເສດຖະກິດ, ວັດທະນາທຳ-ສັງຄົມ ແລະ ການຕ່າງປະເທດ ນັບມື້ຂະຫຍາຍຕົວດີຂຶ້ນເປັນກ້າວໆ ໃນເວທີປະຊາຄົມໂລກ.

     ການປາຖະກະຖາໃນຄັ້ງນີ້, ກໍເພື່ອເປັນການສຶກສາອົບຮົມການເມືອງ-ນຳພາແນວຄິດ ໃຫ້ພະນັກງານ-ນັກຮົບທົ່ວກະຊວງປ້ອງກັນປະເທດ
ກໍາໄດ້ເນື້ອໃນ, ຄວາມໝາຍ ຄວາມສຳຄັນ ຂອງວັນຊາດທີ 2 ທັນວາ ເຊີ່ງເປັນວັນປະຫວັດສາດອັນສຳຄັນຂອງຊາດ, ຂອງພັກ ແລະ ເປັນການ
ຮ່ຳຮຽນເອົາແບບຢ່າງຄຸນງາມຄວາມດີ, ຄຸນສົມບັດ, ສິນທຳປະຕິວັດ ຂອງນັກປະຕິວັດຂອງພັກ-ລັດ, ທາດແທ້ມູນເຊື້ອປະຕິວັດ, ຄວາມຈົງຮັກ
ພັກດີອັນສູງສົ່ງ, ຄວາມເດັດໜຽວແໜ້ນອັນສະຫຼາດສ່ອງໃສ, ແບບແຜນການນຳພາບັນຊາ ແລະ ແບບແຜນດຳລົງຊີວິດທີ່ປອດໃສ, ບົດຮຽນອັນ
ລ້ຳຄ່າ ແລະ ພ້ອມກັນເສີ່ມສ້າງມູນເຊື້ອຂອງຊາດຂອງພັກ ກໍຄືພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ໃຫ້ຈະເລີນຮຸ່ງເຮືອງ
ຕະຫຼອດໄປ.

ແຫຼ່ງຂ່າວໂດຍ ຂກທ
ວັນທີ 03/12/2024