ໂຮງຮຽນກໍ່ສ້າງນາຍສິບເລກ 2 ວຽງໄຊ ປິດຊຸດຮຽນນາຍສິບ ແລະ ກໍ່ສ້າງເລັ່ງລັດລະບົບ 1 ປີ
ໃນວັນທີ 28 ມິຖູນາ 2024 ນີ້, ໂຮງຮຽນກໍ່ສ້າງນາຍສິບເລກ 2 ວຽງໄຊ ໄດ້ປິດຮຽນຊຸດຮຽນ ພ້ອມມອບໃບປະກາສະນິຍະບັດ ໃຫ້ນັກ
ຮຽນນາຍສິບຊຸດທີ 27 ແລະ ນັກຮຽນ ກໍ່ສ້າງເລັ່ງລັດລະບົບ 1 ປີຊຸດທີ 6. ໂດຍການ ເປັນປະທານຂອງ ສະຫາຍ ພົນຕີ ວັນທອງ ບຸດຕະວົງ
ຮອງຫົວໜ້າກົມໃຫຍ່ເສນາທິການກອງທັບ, ມີກົມໂຮງຮຽນ, ກົມອົບຮົມ, ກົມກອງອອ້ມຂ້າງ, ມີພະນັກງານ ຄູ-ອາຈານ, ນັກຮຽນ-ນັກສຶກສາ
ຕະຫຼອດຮອດ ຜູ້ປົກຄອງ ຂອງນັກຮຽນ ເຂົ້າຮ່ວມ.
ສະຫາຍ ພັນໂທ ເຂັມພອນ ຈັນທະມາລາ ຮອງຫົວໜ້າການທະຫານ ໂຮງຮຽນກໍ່ສ້າງນາຍສິບເລກ 2 ວຽງໄຊ ໄດ້ຂຶ້ນຜ່ານບົດສະຫຼຸບວຽກ
ງານ ສິດສອນ - ຮ່ຳຮຽນ, ອົບຮົມ-ຫັດແອບ ປະຈຳສົກຮຽນ 2023 - 2024. ເປັນຕົ້ນລະບົບວັດທະນະທຳ ຕອນປາຍ ມໍ6, ມໍ7 ນັກຮຽນມີ
ໜ້າສອບເສັງ 569 ສະຫາຍ, ມໍ6 262 ສະຫາຍ, ເສັງໄດ້ 100% , ມໍ7 307 ສະຫາຍ ຍັງລໍຖ້າຜົນການສອບເສັງ, ໃນນັ້ນ ໄດ້ຈັດຕັ້ງ ອົບຮົມ
ນັກຮຽນ
ລະບົບກໍ່ສ້າງເລັ່ງລັດ ການທະຫານ, ການເມືອງ ຂັ້ນໝວດ, ຂັ້ນກອງຮ້ອຍ ລະບົບ 1 ປີ, ແບ່ງເປັນ 2 ເຫຼົ່າຄື: ເຫຼົ່າການເມືອງ, ເຫຼົ່າການ
ທະຫານ ເສັງໄດ້ 100% ແລະ ກໍ່ສ້າງ ນາຍສິບ ທະຫານຮາບ ຊຸດທີ 27 ຂອງສົກຮຽນ 2023 – 2024 ນັກຮຽນມີໜ້າສອບເສັງ 316 ສະຫາຍ
ສອບເສັງໄດ້ 100%, ໃນນີ້ ລະດັບການຮຽນດີຫຼາຍ 49 ສະຫາຍ ເທົາກັບ 15,51 %, ລະດັບການຮຽນດີ 255 ສະຫາຍ ເທົາກັບ 80,70%. ຕີ
ລາຄາມອບໝາຍໜ້າທີ່ ບັນຊາ ຂັ້ນຮອງໝວດ 231 ສະຫາຍ ເທົາກັບ 73,10%, ຂັ້ນຫົວໜ້າໝູ່ 76 ສະຫາຍ ເທົ່າກັບ 24,5% ແລະ ນັກຮຽນ
ຍັງໄດ້ຮັບການເລື່ອນຊັ້ນ ສິບຕີ ຂຶ້ນສິບເອກ 255 ສະຫາຍ, ເລື່ອນຊັ້ນ 2 ຂຶ້ນສິບເອກ 60 ສະຫາຍ, ພ້ອມນີ້ ຍັງໄດ້ມອບໃບປະກາສະນິຍະບັດ ໃຫ້
ນັກຮຽນໃນ 2 ລະບົບ ໂດຍການເປັນກຽດມອບຂອງ ສະຫາຍ ພົນຈັດຕະວາ ວົງມະນີຈັນ ສາມາວົງ ຫົວໜ້າການທະຫານໂຮງຮຽນ ຢ່າງສົມກຽດ.
ແຫຼ່ງຂ່າວໂດຍ ຄຳແປງ ຟອງສາຍໄໝ
ວັນທີ 03/07/2024