ໜ່ວຍພັກກົມກໍາລັງພົນດໍາເນີນກອງປະຊຸມໃຫຍ່ສະມາຊິກພັກ ຄັ້ງທີ VI

ສະຫາຍ ພົນຈັດຕະວາ ສົມພອນ ມິດຕະພອນ ກໍາມະການຄະນະພັກກະຊວງປ້ອງກັນປະເທດ ຮອງຫົວໜ້າກົມໃຫຍ່ເສນາທິການກອງທັບ ​ເປັນ​ປະທານ

    ວັນທີ 30 ເມສາ 2024 ນີ້, ໜ່ວຍພັກກົມກໍາລັງພົນ ໄດ້ດໍາເນີນກອງປະຊຸມໃຫຍ່ສະມາຊິກພັກ ຄັ້ງທີVI, ໂດຍການເປັນປະທານຂອງ ສະ
ຫາຍ ພົນຈັດຕະວາ ສົມພອນ ມິດຕະພອນ ກໍາມະການຄະນະພັກກະຊວງປ້ອງກັນປະເທດ ຮອງຫົວໜ້າກົມໃຫຍ່ເສນາທິການກອງທັບ, ມີຄະ
ນະໜ່ວຍພັກ, ພະນັກງານສະມາຊິກພັກສົມບູນ ສໍາຮອງແລະ ແຂກຖືກເຊີນ ເຂົ້າຮ່ວມ.

     ສະຫາຍ ພັນເອກ ສໍາລານ ສີລິໂພຄໍາ ເລຂາໜ່ວຍພັກ ຫົວໜ້າກົມກໍາລັງພົນ ໄດ້ຜ່ານບົດລາຍງານການເມືອງທັງສອງພາກ ໃນໄລຍະຜ່ານມາ
ຄະນະໜ່ວຍພັກກົມກໍາລັງພົນ ໄດ້ຖືເອົາວຽກງານສຶກສາອົບຮົມການເມືອງ-ນໍາພາແນວຄິດ ເຮັດໃຫ້ພະນັກງານ ສະມາຊິກພັກ-ນັກຮົບ ຢ່າງເປັນ
ປົກກະຕິ ໂດຍນໍາເອົາບັນດາມະຕິ, ຄໍາສັ່ງ, ແນວທາງຂອງພັກ ຕິດພັນກັບຂະບວນການມາຈັດຕັ້ງເຜີຍແຜ່ ເຮັດໃຫ້ສະມາຊິກພາຍໃນໜ່ວຍພັກ ມີ
ແນວຄິດອຸ່ນອຽນທຸ່ນທ່ຽງ ເຊື່ອໝັ້ນຕໍ່ການນໍາພາຂອງພັກ ແລະ ອຸດົມການສັງຄົມນິຍົມ ມີຄວາມໜັກແໜ້ນປອດໃສ ໃນການປະຕິບັດໜ້າທີ່ດ້ວຍ
ຄວາມຫ້າວຫັນ ປະກອບສ່ວນ ແລະ ເຂົ້າຮ່ວມຂະບວນການຕ່າງໆຢ່າງຕັ້ງໜ້າ, ຕາມແບບແຜນນໍາພາ 5 ຫຼັກການ 3 ທິດນໍາ ຂອງພັກ ວຽກງານ
ກໍ່ສ້າງພັກ-ພະນັກງານ ຄະນະໜ່ວຍພັກໄດ້ເອົາໃຈໃສ່ກໍ່ສ້າງໜ່ວຍພັກໃຫ້ກາຍເປັນໜ່ວຍພັກປອດໃສ, ເຂັ້ມແຂງ ແລະ ໜັກແໜ້ນ ເອົາຄຸນນະພາບ
ເປັນຈຸດໜັກຕັ້ນຕໍ ບົນພື້ນຖານປະຕິບັດຕາມຫຼັກການລວມສູນປະຊາທິປະໄຕ ນໍາພາເປັນໝູ່ຄະນະ, ແບ່ງວຽກໃຫ້ບຸກຄົນຮັບຜິດຊອບ ດໍາເນີນຊີວິດ
ການເມືອງເປັນປົກກະຕິ, ໄດ້ຈັດຕັ້ງໃຫ້ມະຫາຊົນກ້າວໜ້າ ເປີດບັນຮໍ່າຮຽນເອກະສານສະໜັບສະໜູນເຂົ້າພັກ 5 ສະຫາຍ ແລະ ຮຽນກົດລະບຽບ
ພັກ 4 ສະຫາຍ, ສະເໜີສະມາຊິກພັກສໍາຮອງເຂົ້າສົມບູນ ຂຶ້ນເປັນສົມບູນ 4 ສະຫາຍ, ສາມາດຕີລາຄາແບ່ງປະເພດຄຸນທາດຂອງສະມາຊິກພັກ
ປະເພດແຂງ 32 ສະຫາຍ, ກາງ 2 ສະຫາຍ, ສະມາຊິກພັກອ່ອນ ແລະ ເສຍທາດຂາດຄຸນແມ່ນບໍ່ມີ, ວຽກງານພະລາທິການ-ເຕັກນິກ ຮັບປະກັນ
ແກ້ໄຂຊິວິດການເປັນຢູ່ ຄະນະໜ່ວຍພັກ ໄດ້ຊຸກຍູ້ສົ່ງເສີມເອົາການເພີ່ມພູນພະລິດຜົນຕາມທ່າແຮງບົມຊ້ອນ ໂດຍສະເພາະແມ່ນການລ້ຽງງົວ
ລວມປັດຈຸບັນມີງົວ32ໂຕ, ຄິດເປັນມູນຄ່າ 112.000.000 ກວ່າກີບ, ພ້ອມນີ້ໃນກອງປະຊຸມສະມາຊິກພັກ ຍັງໄດ້ປ່ອນບັດຄັດເລືອກເອົາຄະນະ
ໜ່ວຍພັກຊຸດໃໝ່ ສາມາດເລືອກໄດ້ຄື: ສະຫາຍ ພັນເອກ ສໍາລານ ສີລິໂພຄໍາ ເປັນເລຂາໜ່ວຍພັກ, ພັນເອກ ສຸກສະຫວັດ ດາລາສຸກ ເປັນຮອງເລ
ຂາໜ່ວຍພັກ, ພັນເອກ ບຸນເພັງ ເທບພະພອນ ເປັນກໍາມະການກວດກາ-ປ້ອງກັນ, ພັນໂທ ທອງວັນ ສິນທະພາວົງ, ພັນໂທ ທະນູສີນ ເທບພະວົງ.

     ໂອກາດນີ້, ສະຫາຍ ພົນຈັດຕະວາ ສົມພອນ ມິດຕະພອນ ກໍໄດ້ສະແດງຄວາມຍ້ອງຍໍຊົມເຊີຍ ແລະ ມີຄໍາເຫັນໂອລົມຕໍ່ຄະນະໜ່ວຍພັກຊຸດ
ໃໝ່ ພ້ອມທັງເນັ້ນໜັກໃຫ້ຍົກສູງຄວາມຮັບຜິດຊອບໜ້າທີ່ຂອງຕົນ ຕັ້ງໜ້າຝືກຝົນຫຼໍຫຼອມຕົນເອງ ກາຍເປັນສະມາຊິກພັກ ທີ່ມີຄຸນທາດການເມືອງ
ໜັກແໜ້ນ ມີຄຸນສົມບັດສີນທໍາປະຕິວັດ, ຖືເອົາແບບແຜນການນໍາພາຂອງພັກ ລວມສູນປະຊາທິປະໄຕ ເຮັດວຽກເປັນໝູ່ຄະນະ ບຸກຄົນຮັບຜິດຊອບ
ເພີ່ມທະວີຄວາມສາມັກຄີພາຍໃນ ໃຫ້ເປັນປືກແຜນແໜ້ນໜາ ປັບປຸງແບບແຜນວິທີເຮັດວຽກ ໃຫ້ມີຄວາມກ້າວໜ້າທັນສະໄໝ ໄປພ້ອມກັບການ
ກໍ່ສ້າງໜ່ວຍພັກໃຫ້ປອດໃສ ເຂັ້ມແຂງ ໜັກແໜ້ນຢ່າງບໍ່ຢຸດຢັ້ງ.

ແຫຼ່ງຂ່າວໂດຍ ພຸດທະວອນ
ວັນທີ 02/05/2024