ໂຮງຮຽນາຍສິບເຫຼົ່າຮົບ ທາບທາມບຸກຄະລາກອນສະໝັກຮັບເລືອກຕັ້ງເຂົ້າໃນ
ຄະນະບໍລິຫານງານພັກ ສະໄໝທີ I ຮອບທີ 2

    ວັນທີ 27 ກັນຍາ 2024 ນີ້, ໂຮງຮຽນາຍສິບເຫຼົ່າຮົບ ໄດ້ເປີດກອງປະຊຸມ ທາບທາມບຸກຄະລາກອນ ສະໝັກຮັບເລືອກຕັ້ງ ເຂົ້າຄະນະບໍ
ລິຫານງານພັກ ສະໄໝທີ I ຮອບທີ 2. ໂດຍເປັນປະທານຂອງ ສະຫາຍ ພົນຈັດຕະວາ ແສງມະນີວອນ ຄຳມະນີ ກຳມະການຄະນະພັກກະຊວງ
ປ້ອງກັນປະເທດ, ຮອງຫົວໝ້າກົມໃຫຍ່ການເມືອງກອງທັບ, ມີສະຫາຍ ພັນເອກ ພອນສະຫວັນ ສຸລິສັກ ເລຂາຄະນະພັກ ຫົວໜ້າການເມືອງ
ໂຮງຮຽນ, ສະຫາຍ ພັນເອກ ຄຳຈັນ ແສນມະນີ ຮອງເລຂາຄະນະພັກ ຫົວໜ້າການທະຫານໂຮງຮຽນ, ວິຊາການຈາກກົມຈັດຕັ້ງພັກ ແລະ ຜູ້
ແທນສົມບູນ-ສຳຮອງ ເຂົ້າຮ່ວມ.

     ສະຫາຍ ພັນເອກ ພອນສະຫວັນ ສຸລິດສັກ ໄດ້ຂຶ້ນຜ່ານບົດລາຍງານການເມືອງທັງສອງພາກ. ເຊິ່ງໄດ້ຍົກໃຫ້ເຫັນການນໍາພາຂອງຄະນະພັກ
ໂຮງຮຽນຕະຫຼອດໄລຍະທີ່ຜ່ານມາ ເພື່ອໃຫ້ຜູ້ແທນກອງປະຊຸມມີຄຳເຫັນຕີລາຄາ ໃນການປັບປຸງຮ່າງບົດລາຍງານການເມືອງ ແລະ ຮ່າງບົດສຳ
ຫຼວດການນຳພາລວມດັ່ງກ່າວໃຫ້ມີຄວາມສົມບູນກວ່າເກົ່າ. ຈາກນັ້ນ, ອະນຸກຳມະການທາບທາມບຸກຄະລາກອນ ກໍໄດ້ຜ່ານມາດຖານເງື່ອນໄຂ
ຜູ້ທີ່ສະໝັກຮັບເລືອກຕັ້ງເຂົ້າໃນຄະນະບໍລິຫານງານພັກຊຸດໄໝ່ ຕ້ອງເປັນຜູ້ທີ່ມີມາດຖານເງື່ອນໄຂຄົບຖ້ວນ, ຢຶດໝັ້ນອຸດົມການສັງຄົມນິຍົມ, ມີ
ຄຸນສົມບັດສິນທຳປະຕິວັດ, ມີທັດສະນະຫຼັກໝັ້ນການເມືອງໜັກແໜ້ນ, ມີຄວາມຈົງຮັກພັກດີຕໍ່ປະເທດຊາດ, ຕໍ່ປະຊາຊົນເປັນແບບຢ່າງນໍາໜ້າ
ໃນການປະຕິບັດກົດລະບຽບຂອງພັກ, ກົດໝາຍຂອງລັດ, ມີຄວາມຮູ້ຄວາມສາມາດອັນແນ່ນອນ, ມີແບບແຜນວິທີເຮັດວຽກທີ່ຖືກຕ້ອງ, ເຄົາລົບ,
ປະຕິບັດຫຼັກການລວມສູນປະຊາທິປະໄຕ ແລະ ມີສຸຂະພາບແຂງແຮງດີ.

     ໂອກາດນີ້, ສະຫາຍ ພົນຈັດຕະວາ ແສງມະນີວອນ ຄຳມະນີ ໄດ້ມີຄຳເຫັນຊີ້ນຳຕໍ່ກອງປະຊຸມ ພ້ອມທັງເນັ້ນໃຫ້ຄະນະພັກ-ຄະນະບັນຊາ ແຕ່
ລະຂັ້ນຈົ່ງໃຊ້ສິດຂອງຕົນໃນການປ່ອນບັດ ແລະ ຕ້ອງມີການໃຈ້ແຍກ ເບິ່ງທັດສະນະຄວາມຮູ້, ຄວາມສາມາດນຳພາ-ບັນຊາກົມກອງ, ມີຄຸນສົມບັດ
ສິນທຳປະຕິວັດ, ມີແບບແຜນວິທີເຮັດວຽກທີ່ດີ, ເຮັດວຽກເປັນໝູ່ຄະນະ, ບຸກຄົນຮັບຜິດຊອບ ບົນພື້ນຖານປະຕິບັດຫຼັກການລວມສູນປະຊາທິປະ
ໄຕ, ເຮັດສຳເລັດໜ້າທີ່ການເມືອງຂອງຕົນທີ່ການຈັດຕັ້ງຂອງຂັ້ນເທິງມອບໝາຍໃຫ້, ຈາກນັ້ນ, ຜູ້ແທນສົມບູນກໍໄດ້ໃຊ້ສິດຂອງຕົນປ່ອນບັດທາບ
ທາມເລືອກເອົາບຸກຄະລາກອນ ທີ່ສະໝັກຮັບເລືອກຕັ້ງເຂົ້າຄະນະບໍລິຫານງານພັກ ຂອງໂຮງຮຽນນາຍສີບເຫຼົ່າຮົບ ສະໄໝທີ I ຮອບ 2 ແລະ ໃຊ້
ສິດປ່ອນບັດເລືອກຕັ້ງເອົາຄະນະປະຈຳພັກ, ເລຂາ-ຮອງເລຂາ, ປະທານກວດກາ ແລະ ຮອງປະທານກວດກາ ສຳເລັດໄປຕາມແຜນການ.

ແຫຼ່ງຂ່າວໂດຍ ເຄນຫຼ້າ ຂຸນຈັນທະ
ວັນທີ 01/10/2024