ຄະນະພັກຮາກຖານ ສູນເຂົ້າ - ແກ້ລະຫັດກົດລັບ 986
ສໍາເລັດກອງປະຊຸມໃຫຍ່ສະມາຊິກພັກ ຄັ້ງທີ VI

ສະຫາຍ ພົນໂທ ຄໍາລຽງ ອຸທະໄກສອນ ກໍາມະການສູນກາງພັກ, ຮອງເລຂາຄະນະບໍລິງານພັກ ກະຊວງປ້ອງກັນປະເທດ ​​ເປັນ​ປະທານ

    ກອງປະຊຸມໃຫຍ່ສະມາຊິກພັກ ຄັ້ງທີ VI ຂອງຄະນະພັກຮາກຖານສູນເຂົ້າ-ແກ້ລະຫັດກົດລັບ 986 ໄດ້ອັດລົງດ້ວຍຜົນສຳເລັດ ໃນວັນ
ທີ 26 ກໍລະກົດ 2024 ນີ້, ໂດຍການເປັນປະທານຂອງສະຫາຍ ພົນໂທ ຄໍາລຽງ ອຸທະໄກສອນ ກໍາມະການສູນກາງພັກ, ຮອງເລຂາຄະນະບໍລິ
ຫານງານພັກ ກະຊວງປ້ອງກັນປະເທດ, ເລຂາຄະນະບໍລິຫານງານພັກກົມໃຫຍ່ເສນາທິການກອງທັບ, ມີສະມາຊິກພັກສົມບູນ-ສໍາຮອງ, ແຂກ
ຖືກເຊີນ ເຂົ້າຮ່ວມ.

     ສະຫາຍ ພັນໂທ ກົມມະລີ ແກ່ນພະຈັນ ເລຂາຄະນະພັກຮາກຖານສູນເຂົ້າ-ແກ້ລະຫັດກົດລັບ 986, ໄດ້ຍົກໃຫ້ເຫັນ ການຈັດຕັ້ງປະຕິບັດ
ທິດທາງແຜນການ ແລະ ມະຕິຂອງຄະນະພັກໃນຊຸມປີຜ່ານມາ, ໝາກຜົນລວມຍອດໃນການນໍາພາ-ຊີ້ນໍາ, ຄວາມສາມັກຄີ ພາຍໃນຄະນະພັກ
ກໍ່ຄືທົ່ວກົມກອງ ມັນແມ່ນຄວາມບາກບັ່ນ, ຄວາມພະຍາຍາມບຸກບື່ນສູ້ຊົນຂອງບັນດາສະຫາຍໃນຄະນະພັກ ແລະ ສະມາຊິກພັກ, ພະນັກງານ-
ນັກຮົບທຸກສະຫາຍ, ບົດລາຍງານການເມືອງໄດ້ຕີລາຄາຢ່າງຖືກຕ້ອງກ່ຽວກັບດ້ານທີ່ຍັງຄົງຄ້າງ, ບັນດາສາເຫດທີ່ພາໃຫ້ມີຈຸດດີ ແລະ ສາເຫດທີ່
ພາໃຫ້ມີຈຸດອ່ອນ, ເຫັນດີເປັນເອກະພາບກ່ຽວກັບບາງຂໍ້ສະຫຼຸບສັງລວມ ທີ່ມີລັກສະນະບົດຮຽນພຶດຕິກໍາຕົວຈິງໃນການປັບປຸງກໍ່ສ້າງພັກ-ກໍ່ສ້າງ
ກໍາລັງ ເປັນຕົ້ນແມ່ນວຽກງານສຶກສາອົບຮົມການເມືອງ-ແນວຄິດ, ວຽກອົບຮົມ-ຫັດແອບ ແລະ ສຶກສາຄົ້ນຄວ້າຮໍ່າຮຽນຍົກລະດັບຄວາມຮູ້-ຄວາມ
ສາມາດທາງດ້ານການເມືອງ-ການທະຫານ ແລະ ວິຊາສະເພາະເປັນວຽກແຖວໜ້າດ້ວຍການໝູນໃຊ້ວິທີການ, ມາດຕະການທີ່ສອດຄ່ອງກັບຈຸດ
ພິເສດສະພາບການໃໝ່, ກອງປະຊຸມໄດ້ເປັນເອກະສັນຮັບຮອງເອົາແຜນການທິດທາງນໍາພາ, ຄາດໝາຍສູ້ຊົນແຕ່ປີ ( 2023-2028 ) ວຽກງານ
ກໍ່ສ້າງພັກ-ພະນັກງານ ເອົາໃຈໃສ່ກໍ່ສ້າງພັກຕາມ 5 ຫຼັກການ 3 ທິດນໍາຂອງພັກໂດຍສຸມໃສ່ກໍ່ສ້າງພັກທາງດ້ານການເມືອງແນວຄິດ, ດ້ານການຈັດ
ຕັ້ງ ແລະ ແບບແຜນການນໍາພາ.

     ກອງປະຊຸມຍັງໄດ້ສຸມໃສ່ຄົ້ນຄວ້າຢ່າງເລິກເຊິ່ງໃນການນໍາໃຊ້ສິດປະຊາທິປະໄຕຂອງຕົນ ປ່ອນບັດເລືອກເອົາຄະນະພັກຮາກຖານຊຸດໃໝ່ ໃນ
ນີ້ໄດ້ເລືອກເອົາ: ສະຫາຍ ພັນໂທ ລໍາພັນ ບຸນພັນ ເປັນເລຂາ, ສະຫາຍ ພັນໂທ ກົມມະລີ ແກ່ນພະຈັນ ເປັນຮອງເລຂາ, ສະຫາຍ ພັນໂທ ພອນຄໍາ
ສຸກຂະພັນ ເປັນກໍາມະການປ້ອງກັນ, ສະຫາຍ ພັນໂທ ຄໍາໃບ ບຸນສຸວັນ ເປັນກໍາມະການກວດກາ, ສະຫາຍ ພັນໂທ ສົມເພັດ ຈັນທະບູນ ເປັນກໍາ
ມະການຈັດຕັ້ງ, ສະຫາຍ ພັນໂທ ຄໍາດາວ ສີຫາລາດ ເປັນກໍາມະການການຄັງ, ສະຫາຍ ພັນຕີ ລາພອນ ວົງຜາສຸກ ເປັນກໍາມະການໂຄສະນາ.

     ໂອກາດນີ້, ສະຫາຍ ພົນໂທ ຄໍາລຽງ ອຸທະໄກສອນ ໄດ້ ຮຽກຮ້ອງໃຫ້ຄະນະພັກຮາກຖານຊຸດໃໝ່ ກໍຄືບັນດາສະຫາຍສະມາຊິກພັກ ເອົາໃຈ
ໃສ່ຝຶກຝົນຫຼໍ່ຫຼອມຕົນເອງໃຫ້ມີຄຸນທາດການເມືອງໜັກແໜ້ນ, ປັບປຸງກໍ່ສ້າງກົມກອງ ໃຫ້ມີຄວາມເຕີບໃຫຍ່ເຂັ້ມແຂງ ຮັບປະກັນຕໍ່ໜ້າທີ່ວິຊາສະ
ເພາະກົດລັບ ໃຫ້ມີຄວາມປິດລັບ ແລະ ວ່ອງໄວ, ຄົ້ນຄວ້າປັບປຸງແກ້ໄຂຂໍ້ຄົງຄ້າງຕ່າງໆ ພ້ອມທັງຜັນຂະຫຍາຍມະຕິກອງປະຊຸມໃຫຍ່ຂອງຕົນ ເປັນ
ແຜນການອັນລະອຽດ, ເພີ່ມທະວີຄວາມຮັບຜິດຊອບການນໍາພາ-ຊີ້ນໍາ, ແບ່ງງານ, ແບ່ງຄວາມຮັບຜິດຊອບພາຍໃນຄະນະພັກ ກໍ່ຄືສະມາຊິກພັກ,
ພ້ອມຈັດຕັ້ງປະຕິບັດໃຫ້ມີຄຸນນະພາບ ແລະ ຜົນສໍາເລັດສູງ.

ແຫຼ່ງຂ່າວໂດຍ ເກດຕະວັນ
ວັນທີ 01/08/2024