ກົມວິທະຍາສາດ-ປະຫວັດສາດ ການທະຫານ ສຳຫຼວດພື້ນທີ່ເຂດແດນຈຸດທີ່ຕັ້ງກອງເຈົ້າຟ້າງຸ່ມ

    ວັນທີ 21 ມີນາ 2025 ນີ້, ກົມ ວິທະຍາສາດ-ປະຫວັດສາດ ການທະຫານ ກະຊວງປ້ອງກັນປະເທດ ສົມທົບກັບອົງການປົກຄອງນະ
ຄອນຫຼວງວຽງຈັນ, ຫ້ອງວ່າການປົກຄອງເມືອງສັງທອງ ແລະ ອຳນາດການການປົກຄອງບ້ານຫີນສິ່ວ ໄດ້ສຳຫຼວດເຂດແດນຈຸດສະຖານທີ່ຕັ້ງ
ກອງຟ້າງຸ່ມ ຢູ່ເມືອງສັງທອງ ແຫຼ່ງທ່ອງທ່ຽວທາງປະຫວັດສາດການທະຫານ ໂດຍມີ ສະຫາຍ ພັນເອກ ປອ ໂພນທອງ ພັນຈະເລີນພົນຮອງ
ຫົວໜ້າກົມ ວິທະຍາສາດ-ປະຫວັດສາດ ການທະຫານ, ສະຫາຍ ພົນຈັດຕະວາ ວຽງໄຊ ສົມວິຈິດ ອະດີດ ຫົວໜ້າກົມວິທະຍາສາດ-ປະຫວັດ
ສາດການທະຫານ ພ້ອມດ້ວຍພາກສ່ວນກ່ຽວຂ້ອງ ເຂົ້າຮ່ວມ.

     ສະຫາຍ ພັນໂທ ສຸກສັນ ຄ້າຍພົມ ຫົວໜ້າຫ້ອງການ ກົມວິທະຍາສາດ-ປະຫວັດສາດ ການທະຫານ ໄດ້ສະເໜີຈຸດປະສົງຂອງການສຳ
ຫຼວດ ວ່າ: ໂດຍປະຕິບັດຕາມທິດຊີ້ນຳ ຂອງກະຊວງປ້ອງກັນປະເທດ ໃນການກຳນົດເຂດແດນລະອຽດສະຖານທີ່ຕັ້ງກອງຟ້າງຸ່ມ ເປັນແຫຼ່ງ
ທ່ຽວທ່ອງທາງປະຫວັດສາດການທະຫານ ພາຍຫຼັງທີ່ໄດ້ຮັບການກໍ່ສ້າງເສັ້ນທາງເຂົ້າສຳເລັດມາໄລຍະໜຶ່ງ ເຫັນວ່າສະຖານທີ່ດັ່ງກ່າວ ມີຄວາມ
ສະດວກເປັນສາເຫດເຮັດໃຫ້ປະຊາຊົນສາມາດເຂົ້າໄປທຳມາຫາກິນ ແລະ ອາດຈະມີການທຳການຜະລິດຈະກາຍສູ່ຂໍ້ຫຍຸ້ງຍາກທີ່ຈະຕາມມາ
ດັ່ງນັ້ນ, ກະຊວງປ້ອງກັນປະເທດ ຊີ້ນຳໃຫ້ທຸກພາກສ່ວນທີ່ມີສ່ວນຮ່ວມຕ້ອງໄດ້ຮີບຮ້ອນກຳນົດເຂດເຂດແດນໃຫ້ລະອຽດຈະແຈ້ງ ພ້ອມທັງ
ປັກຫຼັກໝາຍກ້າວສູ່ຂັ້ນຕອນ ເຮັດຮົ້ວຕາໜ່າງເຫຼັກອ້ອມຮອບ ຮັກສາເຂດແດນໄວ້ກ່ອນ ເຊິ່ງແບ່ງເປັນ 2 ເຂດຄື: ເຂດກໍ່ສ້າງແຫຼ່ງທ່ອງທ່ຽວ
ສະຖານທີ່ຈຳລອງຄ້າຍ ຂອງກອງຟ້າງຸ່ມຕົວຈິງ ແລະ ສິ່ງອຳນວຍຄວາມສະດວກທັງໝົດປະມານ 4,5 ເຮັກຕາ ສ່ວນເຂດອະນຸລັກສະຫງວນ
ໄວ້ພາກຂະຫຍາຍ ທາງທິດເໜືອ 300 ແມັດ, ແຕ່ຈຸດທາງເຂົ້າຫາຕີນພູພະນັງ 450 ແມັດ, ທາງທິດໃຕ້ 1.500 ແມັດ ຮັກສາເຂດອ້ອມ
ຮອບໄວ້ດ້ານລະ 100 ແມັດເປັນເຂດສະຫງວນ.

     ທັງນີ້, ເພື່ອເປັນການຮັກສາເຂດດັ່ງກ່າວ ໄວ້ເປັນແຫຼ່ງທ່ອງທ່ຽວ ແລະ ຮຽນຮູ້ປະຫວັດສາດການທະຫານ ເປັນຕົ້ນກຳເນີດ ຂອງກອງ
ທັບປະຊາຊົນລາວ ໂດຍສະເພາະເຂດພາກກາງ ໄວ້ໃຫ້ຄົນຮຸ່ນສືບທອດໄດ້ສຶກສາຮຽນຮູ້ ແລະ ນຳໄປໃຊ້ເຂົ້າກັບຊີວິດຕົວຈິງ ຮໍ່າຮຽນເອົາມູນ
ເຊື້ອບົດຮຽນອັນດີງາມຂອງຄົນຮຸ່ນກ່ອນ.

ແຫຼ່ງຂ່າວໂດຍ ຂກທ
ວັນທີ 01/04/2025