ຮອງລັດຖະມົນຕີ ກະຊວງປ້ອງກັນປະເທດ ຕ້ອນຮັບ
ຫົວໜ້າການເມືອງ ວິທະຍາຄານປ້ອງກັນຊາດ ສສ ຫວຽດນາມ
ວັນທີ 23 ທັນວາ 2022 ນີ້, ຢູ່ທີ່ກະຊວງປ້ອງກັນປະເທດ, ສະຫາຍ ພົນຕີ ວົງຄຳ ພົມມະກອນ ຮອງລັດຖະມົນຕີກະຊວງປ້ອງກັນປະເທດ
ພ້ອມດ້ວຍ
ຄະນະ ໄດ້ໃຫ້ການຕ້ອນຮັບການເຂົ້າຢ້ຽມຂໍ່ານັບຂອງ ສະຫາຍ ພົນໂທ ເລື່ອງ ດິງຮົງ ຫົວໜ້າການເມືອງວິທະຍາຄານປ້ອງກັນຊາດ
ສສ ຫວຽດນາມ
ພ້ອມ
ດ້ວຍຄະນະ, ເນື່ອງໃນໂອກາດເດີນທາງມາຢ້ຽມຢາມພົບປະອະດີດນັກສຶກສາລາວທີ່ເຄີຍສຶກສາຢູ່ວິທະຍາຄານປ້ອງກັນຊາດ ສສ
ຫວຽດນາມ
ໃນລະຫວ່າງ
ວັນທີ 22-24 ທັນວາ 2022 ນີ້.
ໃນໂອກາດດັ່ງກ່າວນີ້, ສະຫາຍ ພົນຕີ ວົງຄຳ ພົມມະກອນ ໄດ້ກ່າວສະແດງຄວາມຍິນດີຕ້ອນຮັບດ້ວຍໄມຕີຈິດມິດຕະພາບອັນອົບອຸ່ນ ແລະ ສະໜິດ ສະໜົມ ພ້ອມທັງຕີລາຄາສູງຕໍ່ການຢ້ຽມຢາມເຮັດວຽກຢູ່ ສປປ ລາວ ຂອງຄະນະຜູ້ແທນວິທະຍາຄານປ້ອງກັນຊາດ ສສ ຫວຽດນາມ ໃນຄັ້ງນີ້ ເຊິ່ງໄດ້ປະ ກອບສ່ວນຢ່າງຕັ້ງໜ້າເຂົ້າໃນການກໍ່ສ້າງນາຍທະຫານລາວໃນໄລຍະຜ່ານມາ, ທັງເປັນການປະກອບ ສ່ວນສຳຄັນເຂົ້າໃນການເພີ່ມທະວີສາຍພົວພັນມິດຕະ ພາບທີ່ເປັນມູນເຊື້ອ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງ ສອງຊາດ, ສອງກອງທັບ ລາວ-ຫວຽດນາມ ພ້ອມທັງອວຍພອນ ໃຫ້ຄະນະຜູ້ແທນວິທະຍາຄານປ້ອງກັນຊາດ ສສ ຫວຽດນາມ ໃນການເດີນທາງມາຢ້ຽມຢາມຄັ້ງນີ້ໄດ້ຮັບຜົນສຳເລັດຢ່າງຈົບງາມ.
ສະຫາຍ ພົນໂທ ເລື່ອງ ດິງຮົງ ໄດ້ກ່າວສະແດງຄວາມຂອບໃຈຕໍ່ ສະຫາຍຮອງລັດຖະມົນຕີກະຊວງປ້ອງກັນປະເທດ ທີ່ໃຫ້ການຕ້ອນຮັບອັນອົບອຸ່ນ ດ້ວຍໄມຕີຈິດມິດຕະພາບສະໜິດສະໜົມທີ່ເຕັມໄປດ້ວຍຄວາມຮັກແພງ ພ້ອມທັງລາຍງານຜົນຂອງການເຂົ້າພົບປະອະດີດນັກສຶກສາລາວທີ່ເຄີຍສຶກສາ ຢູ່ວິທະຍາຄານປ້ອງກັນຊາດ ສສ ຫວຽດນາມ ໃຫ້ສະຫາຍຮອງລັດຖະມົນຕີຮັບຊາບອີກດ້ວຍ.
ແຫຼ່ງທີ່ມາ: ໜັງສືພິມກອງທັບ
ວັນທີ 26/12/2022