ຫົວໜ້າກົມໃຫຍ່ພະລາທິການກອງທັບ ເຄື່ອນໄຫວຢ້ຽມຢາມ ແລະ ເຮັດວຽກ ຢູ່ກອງພົນທີ 2
ໃນວັນທີ 19 ທັນວາ 2022 ນີ້, ສະຫາຍ ພົນຕີ ຄຳເພັດ ສີຊານົນ ຫົວໜ້າກົມໃຫຍ່ພະລາທິການກອງທັບ ພ້ອມດ້ວຍຄະນະ
ໄດ້ລົງເຄື່ອນໄຫວຢ້ຽມ
ຢາມ ແລະ ເຮັດວຽກຢູ່ກອງພົນທີ 2 ໂດຍການຕ້ອນຮັບຂອງ ສະຫາຍ ພັນເອກ ຄຳດີ ໄຊຍະວົງ
ຫົວໜ້າ
ການທະຫານ ກອງພົນທີ 2 ພ້ອມດ້ວຍຄະນະ.
ການລົງເຄື່ອນໄຫວໃນຄັ້ງນີ້, ແມ່ນເພື່ອຊຸກຍູ້ຕິດຕາມກວດກາໂຄງການກໍ່ສ້າງພື້ນນຖານໂຄງລ່າງຂອງບັນດາກົມກອງທີ່ຂຶ້ນກັບກອງພົນທີ 2. ໃນນັ້ນ, ມີກອງພັນໃຫຍ່ 202, ກອງພັນ 614, ກອງພັນ 263, ກອງພັນ 409 ແລະ ໂຮງໝໍຂອງກອງພົນ ເປັນຕົ້ນແມ່ນການກໍ່ສ້າງເຮືອນນອນ, ຫ້ອງການສະໂມ ສອນ, ເຮືອນຄົວ ແລະ ກະລາລົດ ເຊິ່ງຈຳນວນໜຶ່ງເປັນທຶນຊ່ວຍເຫຼືອຂອງຂັ້ນເທິງ ແລະ ທຶນທີ່ກົມກອງສາມາດກຸ້ມຕົນເອງໄດ້.
ໂອກາດນີ້, ສະຫາຍ ພົນຕີ ຄຳເພັດ ສີຊານົນ ກໍໄດ້ມີຄຳເຫັນແນະນຳໃຫ້ຄະນະພັກ-ຄະນະບັນຊາແຕ່ລະກົມກອງ ຈົ່ງພ້ອມກັນເອົາໃຈໃສ່ຍົກສູງນຳໃຈ ເພິ່ງຕົນເອງ ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ ໂດຍຖືເອົາວຽກງານປູກຝັງ-ລ້ຽງສັດເປັນທ່າແຮງ ເພື່ອສ້າງແຫຼ່ງລາຍຮັບເຂົ້າໃນການພັດ ທະນະກົມກອງໃຫ້ມີແບບແຜນທີ່ທັນສະໄໝຂື້ນໄປເລື້ອຍໆ. ໂອກາດນີ້, ສະຫາຍ ຫົວໜ້າກົມໃຫຍ່ພະລາທິການກອງທັບ ກໍໄດ້ນຳເອົາເຄື່ອງກິລາຈຳນວນ ໜື່ງມອບໃຫ້ບັນດາກົມກອງຕື່ມອີກ.
ແຫຼ່ງທີ່ມາ: ສຸວັນໂນ ທະລັງສີ
ວັນທີ 22/12/2022