ກອງປະຊຸມ ຜັນຂະຫຍາຍຜົນສຳເລັດວຽກງານກໍ່ສ້າງຮາກຖານການເມືອງ
ພັດທະນາຊົນນະບົດ ແລະ ວຽກງານ 3 ສ້າງ
ໃນວັນທີ 17 ກຸມພາ 2023 ນີ້, ກົມກໍ່ສ້າງຮາກຖານໄດ້ຈັດກອງປະຊຸມຜັນຂະຫຍາຍຜົນສຳເລັດວຽກງານກໍ່ສ້າງຮາກຖານການເມືອງ ພັດທະນາຊົນນະ
ບົດຮອບດ້ານແກ້ໄຂຄວາມທຸກຍາກ ແລະ ວຽກງານ 3 ສ້າງທົ່ວປະເທດ ( 2016-2021) ໃຫ້ກົມກອງກຳລັງຫຼວງ-ກຳລັງທ້ອງຖິ່ນ, ໂດຍການເປັນປະທານ ຂອງ ສະຫາຍ ພົນໂທ ປອ ທອງລອຍ ສິລິວົງ ຮອງລັດຖະມົນຕີກະຊວງປ້ອງກັນປະເທດ ຫົວໜ້າກົມໃຫຍ່ການເມືອງກອງທັບ, ມີຄະນະນຳກົມໃຫຍ່, ຫ້ອງ
ວ່າການກະຊວງ, ຫ້ອງການ ປກຊ-ປກສ ສູນກາງ, ກົມກອງອ້ອມຂ້າງກະຊວງ, ຄະນະອຳນວຍການບັນດາວິທະຍາຄານ, ໂຮງຮຽນ,
ຄະນະພັກ-ຄະນະບັນຊາ,
ກອງພົນ, ກອງບັນຊາການທະຫານນະຄອນຫຼວງ, ກອງບັນຊາການທະຫານທະຫານແຂວງວຽງຈັນ, ກອງບັນຊາການທະຫານອາກາດ, ກອງພັນໃຫຍ່ເຂົ້າ
ຮ່ວມ.
ສະຫາຍ ພົນຈັດຕະວາ ບົວໄລ ພົມມະວົງ ຫົວໜ້າກົມກໍ່ສ້າງຮາກຖານ ໄດ້ສະຫຼຸບຕີລາຄາການຈັດ ຕັ້ງປະຕິບັດວຽກງານກໍ່ສ້າງຮາກຖານການເມືອງ ຕິດພັນກັບວຽກງານພັດທະນາຊົນນະບົດຮອບດ້ານ ແກ້ໄຂຄວາມທຸກຍາກ ແລະ ວຽກງານ 3 ສ້າງ ໄລຍະຜ່ານມາ (2016-2021 ແລະ ທິດທາງຮອດປີ 2025) ຍ້ອນຄະນະພັກ-ຄະນະບັນຊາແຕ່ລະຂັ້ນ ແລະ ພະນັກງານຮາກຖານໄດ້ຖືເອົາວຽກງານການເມືອງ-ແນວຄິດເປັນສຳຄັນ, ຫັນເອົາແນວທາງນະໂຍ ບາຍຂອງພັກ, ລະບຽບ, ກົດໝາຍ ແລະ ບັນດາເອກະສານຕ່າງໆລົງເຜີຍແຜ່ຢ່າງເປັນປົກກະຕິ ແລະ ກວ້າງຂວາງ ເຮັດໃຫ້ຖັນແຖວພະນັກງານ, ທະຫານ -ຕຳຫຼວດ, ປະຊາຊົນບັນດາເຜົ່າ ແລະ ຊັ້ນຄົນຕ່າງໆ ມີຄວາມຮັບຮູ້ເຂົ້າໃຈ, ປະຊາຊົນມີຄວາມຕື່ນຕົວປະກອບສວ່ນເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ, ເປັນເຈົ້າການເຂົ້າຮ່ວມການພັດທະນາເສດຖະກິດ-ສັງຄົມ, ຫັນປ່ຽນການດຳເນີນຊີວິດແບບຄອງເດີມນຳເອົາເຕັກນິກ, ວິຊາ ການໃໝ່ເຂົ້າໃນການຜະລິດ, ສ້າງອາຊີບທີ່ໝັ້ນຄົງ, ຕັ້ງໜ້າແກ້ໄຂຄວາມທູກຍາກນັບມື້ກວ້າງຂວາງ ແລະ ດີຂຶ້ນເທື່ອລະກ້າວ. ໄດ້ຊຸກຍູ້ປະຊາຊົນຫັນການ ຜະລິດເປັນສິນຄ້າດ້ວຍການຈັດຕັ້ງເປັນກຸ່ມຜະລິດເຊັ່ນ: ຫັດຖະກຳ, ປຸງແຕ່ງ, ລ້ຽງສັດໄດ້ 253 ກຸ່ມ ມີ 9.038 ຄອບຄົວ, ສາມາດສ້າງຄອບຄົວວັດ ທະນະທຳໄດ້ 4.500 ຄອບຄົວ, ໄດ້ກໍ່ສ້າງເສັ້ນທາງເຊື່ອມຈອດກັນລະຫວ່າງບ້ານຕໍ່ບ້ານມີຈຳນວນ 23 ເສັ້ນ ສາມາດທຽວໄດ້ຕະຫຼອດປີ, ສ້າງໂຮງຮຽນສາ ມັນສຶກສາໄດ້ 7 ຫຼັງ, ນ້ຳລິນ 15 ແຫ່ງ, ກໍ່ສ້າງໂຮງໝໍນ້ອຍ-ສຸກສາລາ, ຫ້ອງການບ້ານ, ສ້າງເຮືອນປ້ອມໝັ້ນໄດ້ທັງໝົດ 24 ຫຼັງ, ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນໄດ້ 943 ໜ່ວຍ, ສ້າງບ້ານພັດທະນາໄດ້ 1.179 ບ້ານ, ອັນທີ່ພົ້ນເດັ່ນໃນສົກປີ 2019-2020 ຮັບຮອງເອົາບັນດາວິທະຍາ ໄລປອດຢາເສບຕິດໄດ້ 10 ແຫ່ງ, ໂຮງຮຽນຊັ້ນປະຖົມສຶກສາ ຈຳນວນ 2.765 ແຫ່ງ, ບ້ານທີ່ມີ ແລະ ສາມາດເຂົ້າເຖິງໂຮງຮຽນປະຖົມ ຫຼື ມັດທະຍົມ ຕົ້ນກວມ 98,79%, ໃນ 6 ເດືອນຕົ້ນປີ 2021 ບ້ານທີ່ເຂົ້າເຖິງນ້ຳສະອາດກວມ 93,88%, ບ້ານມີສຸກສາລາ, ມີຖົງຢາປະຈຳບ້ານກວມ 95,6%. ຜ່ານ ການຈັດຕັ້ງປະຕິບັດວຽກງານຂ້າງເທິງນັ້ນໄດ້ມີຄອບຄົວທຸກຍາກຫຼຸດລົງ ໃນປີ 2016 ຈຳນວນ 13.934 ຄອບຄົວ ແລະ ສາມາດລຶບລ້າງບ້ານທຸກຍາກໄດ້ 265 ບ້ານ, ສ້າງບ້ານພັດທະນາໄດ້ 420 ບ້ານ, ມີເມືອງພົ້ນທຸກ 53 ເມືອງ, ບ້ານພົ້ນທຸກ 4.792 ບ້ານ, ບ້ານໃຫຍ່ກາຍເປັນຕົວເມືອງໃນຊົນນະບົດ 14 ບ້ານ ແລະ ຈຳນວນເມືອງເຂັ້ມແຂງຮອບດ້ານ 5 ເມືອງ (ນະຄອນຫຼວງ ວຽງຈັນ 4 ເມືອງ ແລະ ຈຳປາສັກ 1ເມືອງ), ຜ່ານການຈັດຕັ້ງດຳເນີນການ ປະເມີນທົ່ວປະເທດໃນຕົ້ນປີ 2021 ສາມາດສ້າງແຂວງເປັນຫົວໜ່ວຍຍຸດທະສາດຄື: ນະຄອນຫຼວງວຽງຈັນ, ແຂວງສະຫວັນນະເຂດ ແລະ ແຂວງຈຳປາ ສັກ, ສ້າງເມືອງເປັນຫົວໜ່ວຍເຂັ້ມແຂງຮອບດ້ານ 3 ນະຄອນ 16 ເມືອງ ແລະ ສ້າງບ້ານເປັນຫົວໜ່ວຍພັດທະນາ 3.038 ບ້ານ.
ໃນໂອກາດດັ່ງກ່າວ, ສະຫາຍ ພົນໂທ ປອ ທອງລອຍ ສິລິວົງ ຍັງໄດ້ເນັ້ນໜັກຕໍ່ກອງປະຊຸມວ່າ: ຕ້ອງເພີ່ມທະວີຄວາມຮັບຜິດຊອບການເມືອງໃຫ້ສູງ ຕໍ່ວຽກງານກໍ່ສ້າງຮາກຖານ, ໃຫ້ຖືເປັນວຽກງານສຳຄັນໃນກົມກອງ ໂດຍສະເພາະແມ່ນຜູ້ທີ່ລົງເຮັດຕົວຈິງ, ເອົາໃຈໃສ່ປັບປຸງແບບແຜນວິທີເຮັດວຽກ ຕ້ອງ ມີແຜນການ, ມີຜູ້ຊີ້ນຳຊຸກຍູ້ ແລະ ມີຜູ້ຈັດຕັ້ງປະຕິບັດລະອຽດ, ມີການກວດກາສະຫຼຸບຖອດຖອນບົດຮຽນປົກກະຕິ, ຕ້ອງເພີ່ມທະວີຄວາມສາມັກຄີຢູ່ພາຍ ໃນເປັນເອກະພາບ, ສາມັກຄີກັບອຳນາດການປົກຄອງ ແລະ ປະຊາຊົນໃຫ້ແໜ້ນແຟ້ນກວ່າເກົ່າ, ຍາມໃດກໍ່ຕ້ອງຍົກສູງສະຕິລະວັງຕົວປະຕິບັດຢູ່ສະເໝີ, ເດັດຂາດບໍ່ຕົກເຂົ້າກົນອຸບາຍຂອງສັດຕູ ແລະ ກຸ່ມຄົນບໍ່ດີສວຍໃຊ້ ແລະ ອື່ນໆ.
ແຫຼ່ງທີ່ມາ: ຄຳປ໋ອກ
ວັນທີ 20/02/2023