ຮອງລັດຖະມົນຕີກະຊວງປ້ອງກັນປະເທດ ລົງຢ້ຽມຢາມ ແລະ ໂອ້ລົມ
ພະນັກງານ-ນັກຮົບໂຮງຮຽນທະຫານຊາຍແດນ 712
ວັນທີ 12 ມັງກອນ 2023 ນີ້, ຢູ່ໂຮງຮຽນທະຫານຊາຍແດນ 712 ໄດ້ຈັດພິທີຕ້ອນຮັບ ພົນໂທ ຄຳລຽງ ອຸທະໄກສອນ ຮອງລັດຖະມົນຕີກະຊວງປ້ອງ
ກັນປະເທດ, ຫົວໜ້າກົມໃຫຍ່ເສນາທິການກອງທັບ ໂດຍການຕ້ອນຮັບຂອງ ພົນຈັດຕະວາ ສີພັນ ພຸດທະວົງ
ຫົວໜ້າກົມທະຫານຊາຍແດນ ກົມໃຫຍ່ເສ
ນາທິການກອງທັບ ພ້ອມດ້ວຍຄະນະພັກ-ຄະນະອຳນວຍການ ຕະຫຼອດຮອດຄູ-ອາຈານ ແລະ ພະນັກງານນັກຮົບ
ທົ່ວໂຮງຮຽນທະຫານຊາຍແດນ 712 ເຂົ້າ
ຮ່ວມ.
ພັນເອກ ສັກສົມບັດ ແກ້ວສິດທິວົງ ຫົວໜ້າການທະຫານໂຮງຮຽນທະຫານຊາຍແດນ 712 ໄດ້ຂຶ້ນລາຍງານສະພາບລວມໂດຍຫຍໍ້ ເຊິ່ງໄດ້ຍົກເຫັນ ວ່າ: ຜ່ານມາຄະນະພັກ-ຄະນະອຳນວຍການໄດ້ເອົາໃຈໃສ່ຊີ້ນຳ-ນຳພາພະນັກງານ-ນັກຮົບ, ສຶກສາອົບຮົມການເມືອງນຳພາແນວຄິດໃຫ້ພະນັກງານ-ນັກຮົບ ມີແນວຄິດອຸ່ນອ່ຽງທຸ່ນທ່ຽງເຊື່ອໝັ້ນຕໍ່ການນຳພາຂອງພັກ, ກົດໝາຍຂອງລັດ, ຂໍ້ກຳນົດກົດລະບຽບຂອງກອງທັບ, ໂດຍສະເພາະ ກໍຄືກົມໃຫຍ່ເສນາທິ ການກອງທັບ ເພື່ອປັບປຸງ-ກໍ່ສ້າງກຳລັງເຫຼົ່າຮົບທະຫານຊາຍແດນ, ຈັດຕັ້ງການອົບຮົບ-ຫັດແອບຕາມໂຄງການຫຼັກສູດການຮຽນ-ການສອນ ໂດຍປິ້ນອ້ອມ 4 ໜ້າທີ່ໃຫຍ່ 26 ແຜ່ນງານທີ່ຄະນະພັກກະຊວງປ້ອງກັນປະເທດວາງອອກ ສຸມໃສ່ອົບຮົມທາດແທ້ມູນເຊື້ອຂອງພັກ, ຂອງຊາດ, ຂອງກອງທັບ ແລະ ຂອງ ກົມກອງ ໂຄສະນາເຜີຍແຜ່ຜ່ານສື່ມວນຊົນ, ຈັດຕັ້ງດຳເນີນຊີວິດການເມືອງ, ຄົ້ນຄວ້າຮ່ຳຮຽນເອກະສານ ແບບແຜນວິທີເຮັດວຽກ 7 ລະບອບ 18 ວຽກ ໃນໄລຍະຜ່ານມາ, ໂຮງຮຽນທະຫານຊາຍແດນ 712 ໄດ້ສຳເລັດການກໍ່ສ້າງນາຍສິບທະຫານຊາຍແດນ ແລະ ບຳລຸງນາຍທະຫານບັນຊາຂັ້ນໝວດ, ກອງ ຮ້ອຍປະກອບມີ: ຂັ້ນນາຍສິບທະຫານຊາຍແດນ 5 ຊຸດ ມີ 860 ສະຫາຍ, ບຳລຸງນາຍທະຫານບັນຊາ 4 ຊຸດ ມີ 200 ສະຫາຍ ແລະ ຊັ້ນກາງລະບົບ 2 ປີ ຈຳນວນ 40 ສະຫາຍ ໃນສົກຮຽນ 2022-2023.
ໂອກາດດຽວກັນນີ້, ທ່ານ ພົນໂທ ຄຳລຽງ ອຸທະໄກສອນ ໄດ້ໂອ້ລົມຕໍ່ຄະນະພັກ-ຄະນະອຳນວຍການ ແລະ ພະນັກງານ-ນັກຮົບ ເນື່ອງໃນໂອກາດລົງມາ ຢ້ຽມຢາມໂຮງຮຽນທະຫານຊາຍແດນ 712 ກ່ອນອື່ນໝົດ ທ່ານ ຮອງລັດຖະມົນຕີກະຊວງປ້ອງກັນປະເທດ ໄດ້ຊົມເຊີຍຕໍ່ຄະນະພັກ-ຄະນະອຳນວຍການທີ່ ໄດ້ຊີ້ນຳ-ນຳພາພະນັກງານ-ນັກຮົບພາຍໃນໂຮງຮຽນເຮັດສຳເລັດໜ້າທີ່ໃນໄລຍະຜ່ານມາ ຕາມການມອບໝາຍຂອງຂັ້ນເທິງ ເຫັນໄດ້ວ່າພະນັກງານ-ນັກຮົບ ໂດຍສະເພາະຄູ-ອາຈານໄດ້ສຸມທຸກສະຕິປັນຍາຊອກຫາຄວາມຮູ້ມາຖ່າຍທອດໃຫ້ນັກຮຽນ ເພື່ອເປັນການປັບປຸງ-ກໍ່ສ້າງກຳລັງເຫຼົ່າຮົບທະຫານຊາຍແດນໃຫ້ ເປັນກຳລັງທີ່ມີແບບແຜນທັນສະໄໝ ສະຫາຍຍັງໄດ້ແໜ້ນໜັກໃຫ້ຄະນະພັກ-ຄະນະອຳນວຍການສືບຕໍ່ຊີ້ນຳ-ນຳພາ, ພະນັກງານ-ນັກຮົບ ພ້ອມດ້ວຍຄູ-ອາ ຈານ ແລະ ນັກຮຽນທີ່ມາຮຽນຢູ່ໂຮງຮຽນທະຫານຊາຍແດນນີ້ ສ້າງໃຫ້ກາຍເປັນພະນັກງານ-ນັກຮົບທີ່ມີຄວາມຮູ້ຄວາມສາມາດ ເພື່ອເຮັດກຳລັງເຫຼົ່າຮົບທະ ຫານຊາຍແດນກ້າວຂຶ້ນຢ່າງບໍ່ຢຸດຢັ້ງ.
ແຫຼ່ງທີ່ມາ: ບຸນເກີດ
ວັນທີ 16/01/2023