ປະກາດບົ່ງຕົວແຕ່ງຕັ້ງຮອງເລຂາ, ກຳມະການຄະນະພັກ, ຮອງຫົວໜ້າການ ທະຫານກອງບັນຊາການທະຫານແຂວງຄຳມ່ວນ
ວັນທີ 9 ກຸມພາ 2023 ນີ້, ໄດ້ຈັດພິທີປະກາດບົ່ງຕົວແຕ່ງຕັ້ງຮອງເລຂາ, ກຳມະການຄະນະພັກ, ຮອງຫົວໜ້າການທະຫານ ກອງບັນຊາການທະຫານ
ແຂວງຄຳມ່ວນ ໂດຍການເປັນປະທານຂອງ ສະຫາຍ ພົນຕີ ສອນທອງ ພົມລາວົງ ກຳມະການຄະນະປະຈຳພັກກະຊວງປ້ອງກັນປະເທດ, ຮອງຫົວໜ້າກົມ
ໃຫຍ່ການເມືອງກອງທັບ, ສະຫາຍ ພົນຈັດຕະວາ ສົມແຄນ ອັບປະສອນ ກຳມະການປະຈຳພັກແຂວງ, ເລຂາຄະນະພັກ, ຫົວໜ້າການເມືອງ ກອງບັນຊາ
ການທະຫານແຂວງຄຳມ່ວນ, ມີຄະນະຈັດຕັ້ງແຂວງ, ຫ້ອງວ່າການປົກຄອງ, ປກສ, ຄະນະພັກ-ຄະນະບັນຊາອົງການ 5 ຫ້ອງ, ພະແນກການທີ່ກ່ຽວຂ້ອງ,
ກົມກອງຮາກຖານເຂົ້າຮ່ວມ. ສະຫາຍ ນາງ ມຸນທາ ລັດຖະຈັກ ຮອງຫົວໜ້າຄະນະຈັດຕັ້ງແຂວງຄຳມ່ວນ ໄດ້ຜ່ານມະຕິຕົກລົງຂອງຄະນະປະຈຳພັກແຂວງ
ຄຳມ່ວນ ວ່າດ້ວຍ ການບົ່ງຕົວແຕ່ງຕັ້ງກຳມະການຄະນະປະຈຳພັກ, ຮອງເລຂາຄະນະພັກ ແລະ ກຳມະການຄະນະພັກ ກອງບັນຊາການທະຫານແຂວງຄຳ
ມ່ວນ.
ໃນນີ້, ຕົກລົງບົ່ງຕົວ ແຕ່ງຕັ້ງ ສະຫາຍ ພັນເອກ ບຸນເລີດ ບຸບຜາວັນ ເປັນກຳມະການຄະນະປະຈຳພັກ, ຮອງເລຂາຄະນະພັກ, ສະຫາຍ ພັນເອກ ບຸນຍົງ ແກ້ວມະນີ ເປັນກຳມະການຄະນະພັກ ກອງບັນຊາການທະຫານແຂວງຄຳມ່ວນ. ຈາກນັ້ນ, ສະຫາຍ ພົນຈັດຕະວາ ສີທາ ດວງມະລາ ຫົວໜ້າກົມພະນັກງານ ກົມໃຫຍ່ການເມືອງກອງທັບ ໄດ້ຜ່ານຂໍ້ຕົກລົງຂອງກະຊວງປ້ອງກັນປະເທດ ວ່າດ້ວຍການແຕ່ງຕັ້ງ ຮອງຫົວໜ້າການທະຫານ, ຮອງຫົວໜ້າຫ້ອງເສນາທິ ການ, ຮອງຫົວໜ້າຫ້ອງການ ກອງບັນຊາການທະຫານແຂວງຄຳມ່ວນ, ກະຊວງປ້ອງກັນປະເທດຕົກລົງແຕ່ງຕັ້ງ ສະຫາຍ ພັນໂທ ສົມພານ ເມືອງຈັນ ເປັນ ຮອງຫົວໜ້າການທະຫານ ທັງເປັນຫົວໜ້າຫ້ອງເສນາທິການ, ສະຫາຍ ພັນໂທ ໂພຄູນ ສຸພັນນາ ເປັນຮອງຫົວໜ້າຫ້ອງເສນາທິການ ແລະ ສະຫາຍ ພັນໂທ ບຸນສອງ ສີດາຄຳ ເປັນຮອງຫົວໜ້າຫ້ອງການ ແລະ ບໍລິຫານ ກອງບັນຊາການທະຫານແຂວງຄຳມ່ວນ.
ໂອກາດນີ້, ສະຫາຍ ພົນຕີ ສອນທອງ ພົມລາວົງ ໄດ້ກ່າວສະແດງຄວາມຍ້ອງຍໍຊົມເຊີຍຜົນງານ ຕໍ່ຜູ້ທີ່ໄດ້ຮັບໜ້າທີ່ໃໝ່ ຈົ່ງຍົກສູງຄວາມຮັບຜິດຊອບ ໜ້າທີ່ການເມືອງທີ່ການຈັດຕັ້ງຂັ້ນເທີ່ງມອບໝາຍໃຫ້ສູງເດັ່ນ, ສືບຕໍ່ນຳພາ-ຊີ້ນຳສຶກສາອົບຮົມການເມືອງ-ນຳພາແນວຄິດ ໃຫ້ພະນັກງານ-ນັກຮົບ ພາຍໃນ ກົມກອງຢ່າງກວ້າງຂວາງ, ສ້າງບາດກ້າວບຸກທະລຸທາງດ້ານຈິນຕະນາການອັນໃໝ່ ເປັນເຈົ້າການເຂົ້າຮ່ວມໃນພາລະກິດປົກປັກຮັກສາ ແລະ ສ້າງສາພັດທ ນາປະເທດຊາດ, ເພີ່ມທະວີຄວາມເປັນເອກະພາບສູງເຮັດວຽກເປັນໝູ່ຄະນະແບ່ງໃຫ້ບຸກຄົນຮັບຜິດຊອບໃນການຄົ້ນຄວ້າ, ຕັດສິນບັນຫາຕ່າງໆ, ປະຕິບັດ ແບບແຜນວິທີເຮັດວຽກຕາມຫຼັກການລວມສູນປະຊາທິປະໄຕຢ່າງເຂັ້ມງວດ, ເສີມຂະຫຍາຍມູນເຊື້ອອັນດີງາມຂອງກົມກອງໃຫ້ດີຂຶ້ນ, ເອົາໃຈໃສ່ໃນການ ດຳເນີນຊີວິດການເມືອງໃຫ້ເຂັ້ມແຂງ, ກ້າຕຳນິຕິຊົມຊ່ວຍເຫຼືອກໍ່ສ້າງເຊິ່ງກັນ ແລະ ກັນ ດ້ວຍຄວາມຈິງໃຈ, ຍົກສູງນ້ຳໃຈເພິ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ. ພ້ອມກັນນັ້ນ, ກໍຕ້ອງເອົາໃຈໃສ່ປັບປຸງແລະພັດທະນາກົມກອງໃຫ້ມີແບບແຜນແລະທັນສະໄໝເປັນກ້າວໆ.
ແຫຼ່ງທີ່ມາ: ເກດມະນີ ສຸວັນນະລາດ
ວັນທີ 15/02/2023