ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສໍາເລັດທຸກຫນ້າທີ່

ກອງ​ປະຊຸມ​ສ່ອງ​ແສງ​ວຽກ​ງານ​ຮອບດ້ານ ປະຈຳ​ໄຕ​ມາດ IV ເຂດ 2

 


     ວັນ​ທີ 29 ທັນວາ 2022 ຜ່ານ​ມານີ້, ໂຮງຮຽນ​ກໍ່ສ້າງ​ນາຍ​ສິບ​ເລກ 1 ໄດ້​ເປັນ​ເຈົ້າພາບ​ຈັດ​ກອງ​ປະຊຸມ​ສ່ອງ​ແສງ​ວຽກ​ງານ​ຮອບດ້ານ​ປະຈຳ​ໄຕ​ມາດ IV ເຂດ 2 ປະຈຳ​ປີ 2022 ແລະ ວາງ​ທິດ​ທາງ​ແຜນການ​ໃນ​ໄຕ​ມາດ I ປີ 2023. ໂດຍ​ການ​ເປັນ​ປະທານ​ຂອງ​ ສະຫາຍ ພົນ​ຈັດຕະວາ ບຸນ​ຊູ ດວງ​ຄຳ​ມີ ກຳມະ ການ​ຄະນະ​ປະຈຳ​ພັກ​ກະຊວງ ຫົວໜ້າ​ກົມ​ການ​ເງິນ ກະຊວງ​ປ້ອງ​ກັນ​ປະເທດ, ມີ​ ສະຫາຍ ​ພົນ​ຈັດຕະວາ ສີ​ລາ​ວົງ ບຸນ​ມີ​ໄຊ ຫົວໜ້າ​ການເມືອງ​ ໂຮງຮຽນ​ກໍ່ ສ້າງ​ນາຍ​ສິບ​ເລກ 1, ມີ​ຄະນະ​ພັກ-ຄະນະ​ບັນຊາ​ກອງ​ພົນ​ທີ 2, ກອງ​ບັນຊາ​ການ​ທະຫານ​ແຂວງ​ໄຊ​ຍະ​ບູ​ລີ, ກອງ​ບັນຊາ​ການ​ທະຫານ​ແຂວງ​ຫຼວງ​ພະ​ບາງ, ໂຮງໝໍ​ບໍລິເວນ 107, ໂຮງງານ​ປະສານ​ເຫຼົ່າ​ຫຼວງ​ພະ​ບາງ, ໄອ​ຍະ​ການ​ທະຫານ​ພາກ    ເໜືອ ແລະ ສານ​ທະຫານ​ພາກ​ເໜືອ ເຂົ້າ​ຮ່ວມ.

     ໃນ​ກອງ​ປະຊຸມ​ບັນດາ​ກົມ​ກອງ​ກໍໄດ້​ພັດ​ປ່ຽນ​ກັນ​ລາຍ​ງານ​ສະພາບ​ການ​ທີ່​ພົ້ນ​ເດັ່ນ​ໃນ​ຂອບ​ເຂດ​ກົມ​ກອງ​ຂອງ​ຕົນ​ຮັບຜິດຊອບ​ຮັບປະກັນ​ເຮັດ​ໃຫ້​ສະພາບ
​ ມີ​ຄວາມ​ສະຫງົບ​ໂດຍ​ພື້ນຖານ, ເຊິ່ງ​ຄະ ນະ​ພັກ-ຄະນະ​ບັນຊາ​ແຕ່​ລະ​ກົມ​ກອງ​ໄດ້​ເອົາໃຈໃສ່​ຊີ້​ນຳ-ນຳພາ​ພະນັກງານ-ນັກຮົບ​ດ້ວຍ​ການ​ສຶກ​ສາ​ອົບຮົມ​ການ ເມືອງ​ນຳ ພາ-ແນວ​ຄິດ​ເປັນ​ປົກກະຕິ,ໄປ​ສົມ​ຄູ່​ກັບ​ການ​ນຳ​ເອົາ​ບັນດາ​ເອກະສານ, ມະຕິ, ຄຳ​ສັ່ງ​ແນ​ະນຳ ຕ່າງໆ​ມາ​ຈັດ​ຕັ້ງ​ປະຕິບັດ​ຜັນ​ຂະຫຍາຍ​ໃຫ້​ພະນັກງານ- ນັກຮົບ​ໄດ້​ຮັບ​ຮູ້​ເຂົ້າໃຈ​ແຈ້ງ​ຕໍ່​ແນວທາງ​ນະໂຍບາຍ​ຂອງ​ພັກ-ລັດ ກໍຄື​ຂໍ້​ກຳນົດ, ​ກົດ​ລະບຽບ​ຂອງ​ກອງທັບ​ຢ່າງ​ເຂັ້ມ​ງວດ, ຕິດ​ພັນ​ແໜ້ນ​ກັບ 4 ໜ້າທີ່​ໃຫຍ່ 26 ແຜນ​ງານ​ທີ່​ຄະນະ​ພັກ​ກະຊວງ​ປ້ອງ​ກັນ​ປະເທດ​ວາງ​ອອກ ແລະ 2 ວາລະແຫ່ງ​ຊາດ​ຂອງ​ພັກ ​ແລະ ​ລັດຖະບານ ​ວ່າ​ດ້ວຍ​ ການ​ແກ້​ໄຂ​ບັນຫາ​ເສດຖະກິດ- ການ​ເງິນ ​ແລະ ​ບັນ ຫາ​ຢາ​ເສບ​ຕິດ​ໃຫ້​ຂາດ​ຕົວ. ນອກ​ນັ້ນ​ຍັງ​ໄດ້​ສຸມ​ໃສ່​ວຽກ​ງານ​ອົບຮົມ-ຫັດ​ແອບ​ການເມືອງ, ການ​ທະຫານ, ພະລາທິການ-ເຕັກນິກ​ເປັນ​ ປະຈຳ​ເພື່ອ​ເຮັດ​ໃຫ້​ນາຍ​ ແລະ​ ພົນທະຫານ​ມີ​ຄວາມ​ຊຳນິ​ຊຳນານໃນ​ການ​ນຳ​ໃຊ້​ອາວຸດ​ຍຸ​ດໂທ​ປະກອນ​ຕ່າງໆ, ຊີ້​ນຳ​ກົມ​ກອງ​ຮາກ​ຖານ​ຈັດ​ຕັ້ງ​ກຳລັງ​ປ້ອງ​ກັນ ​ເວນຍາມ​ກຽມພ້ອມ​ສູ້​ຮົບ ໄປ​ພ້ອມ​ກັບ​ການ​ຫັນ​ເອົາ​ພະນັກງານ​ລົງ​ກໍ່ສ້າງ​ຮາກ​ຖານ​ການເມືອງ-ພັດທະນາ​ຊົນນະບົດ​ຮອບດ້ານ​ຕາມ​ມູນເຊື້ອ​ຂອງ​ກອງທັບ ເພື່ອ​ຕິດຕາມ​ສະພາບ​ການ​ຂອບ​ເຂດ​ຄວາມ​ຮັບຜິດຊອບ​ຂອງ​ຕົນ​ໃຫ້​ມີ​ຄວາມ​ສະຫງົບ​ໂດຍ​ພື້ນຖານ, ຄຸ້ມ​ຄອງ​ບົວລະບັດຜັດ​ເຊັດ​ວັດຖຸ, ກວດກາ​ພາຫະ ນະ​ເຕັກນິກ​ບໍ່​ໃຫ້​ເປ່​ເພ​ຕົກເຮ່ຍ​ເສຍ​ຫາຍ ​ເພື່ອ​ຮັບປະກັນ​ໃນ​ການ​ເຮັດ​ສຳເລັດ​ໜ້າທີ່​ການເມືອງ​ຂອງ​ກົມ​ກອງ ແລະ ການ​ຫັດ​ແອບ ຮ່ຳຮຽນ​ຮັບປະກັນ​ໄດ້ 100%, ວຽກ​ງານ​ແກ້​ໄຂ​ຊີວິດ​ການ​ເປັນ​ຢູ່​ແມ່ນ​ໄດ້​ຊຸກຍູ້​ໃຫ້​ພະນັກງານ-ນັກຮົບ ສຸມ​ໃສ່​ການ​ປູກ-ການ​ລ້ຽງຕາມ​ເງື່ອນໄຂ​ທ່າແຮງ​ບົ່ມ​ຊ້ອນ​ຂອງ​ຕົນ​ຮັບປະ ກັນ​ຕອບ​ສະໜອງ​ພຶດ​ຜັກ, ຊີ້ນ-ປາ​ເຂົ້າ​ເຮືອນຄົວ​ລວມ​ຫຸຼດ​ຜ່ອນ​ການ​ຊື້​ຈາກ​ທ້ອງ​ຕະຫຼາດ. ນອກ​ນັ້ນ, ​ຍັງ​ໄດ້​ສຸມ​ໃສ່​ການ​ພັດທະນາ​ຄ້າຍ​ຄູ​ໃຫ້​ແໜ້ນໜາ​ຖາ
ວອນ​ຕາມ​ແບບ​ວັດທະນະ​ທຳ​ຂຶ້ນ​ເປັນ​ກ້າວໆ. ໂອກາດ​ນີ້, ສະຫາຍ ພົນ​ຈັດຕະວາ ບຸນ​ຊູ ດວງ​ຄຳ​ມີ ໄດ້​ສະແດງ​ຄວາມ​ຍ້ອງຍໍ​ຊົມເຊີຍ​ຕໍ່ຜົນງານ​ທີ່​ບັນດາ​ກົມ​ ກອງ​ສ້າງ​ມາ​ໄດ້ ແລະ ເນັ້ນ​ໜັກ​ໃຫ້​ຄະນະ​ພັກ-ຄະນະ​ບັນຊາ​ທັງ​ກຳລັງ​ຫຼວງ-ກຳ​ລັງທ້ອງຖິ່ນ​ເອົາໃຈໃສ່​ສຶກ​ສາ​ອົບຮົມ​ການເມືອງ​-ນຳພາແນວ​ຄິດ​ໃຫ້​ພະນັກງານ- ນັກຮົບ​ເປັນ​ປົກກະຕິ, ສຸມ​ໃສ່​ຈັດ​ຕັ້ງ​ປະຕິບັດ 4 ໜ້າທີ່​ໃຫ່​ຍ່ 26 ແຜນ​ງານ​ທີ່​ຄະນະ​ພັກ​ກະຊວງ​ປ້ອງ​ກັນ​ປະເທດ​ວາງ​ອອກ​ໃຫ້​ປະກົດ​ຜົນ​ເປັນ​ຈິງ, ຈັດ​ຕັ້ງ​ລະ ​ບົບ​ປະຈຳການ​ກຽມພ້ອມ​ສູ້​ຮົບ​ໃຫ້​ເຂັ້ມແຂງ, ຫັນ​ລົງ​ກໍ່ສ້າງ​ຮາກ​ຖານ​ການເມືອງ​ກັບ​ອຳນາດ​ການ​ປົກຄອງ​ທ້ອງຖິ່ນ ຕິດ​ພັນ​ກັບ 4 ເນື້ອ​ໃນ 4 ຄາດໝາຍ ແລະ ຕາມ​ທິດ 3 ສ້າງ​ຂອງ​ພັກ​ຢ່າງ​ແຂງແຮງ, ເອົາໃຈໃສ່​ວຽກ​ງານ​ອົບຮົມ-ຫັດ​ແອບ ເປັນ​ປະ​ຈຳເພາະ​ເປັນ​ໜ້າ​ວຽກ​ຕົ້ນຕໍ​ຂອງ​ກອງທັບ​ເຮົາ ໄປ​ຄຽງ​ຄູ່​ກັບ ​ການ​ສ້າງ​ຂະ​ບວນ​ການ​ດ້ານ​ຕ່າງໆ​ເພື່ອ​ຕ້ອນຮັບ​ວັນ​ສ້າງຕັ້ງ​ກອງທັບ​ປະຊາຊົນ​ລາວ ຄົບຮອບ 74 ປີ ໃຫ້​ມີ​ບັນຍາກາດ​ຟົດຟື້ນ.

ແຫຼ່ງທີ່ມາ: ນ້ອຍຈັນໄພ ແກ້ວວັນເຮືອງ