ມອບ-ຮັບໜ້າທີ່ ຫົວໜ້າອົງການໄອຍາການທະຫານຂັ້ນສູງລະຫວ່າງຜູ້ເກົ່າ ແລະ ຜູ້ໃໝ່
ວັນທີ 29 ພຶດສະພາ 2024 ນີ້, ອົງການໄອຍາການທະຫານຂັ້ນສູງ ກົມໃຫຍ່ການເມືອງກອງທັບ ໄດ້ຈັດພິທີມອບ-ຮັບໜ້າທີ່ຫົວໜ້າອົງ
ການໄອຍາການທະຫານຂັ້ນສູງລະຫວ່າງ ສະຫາຍ ພົນຈັດຕະວາ ສີໄຫວ ໄມພອນ ຫົວໜ້າອົງການໄອຍາການທະຫານຂັ້ນສູງ (ຜູ້ເກົ່າ) ແລະ
ສະຫາຍ ພັນເອກ ອຳເພັດ ພົມມະກອນ ຫົວໜ້າອົງການໄອຍາການທະຫານຂັ້ນສູງ (ຜູ້ໃໝ່), ໂດຍການເປັນປະທານຂອງ ສະຫາຍ ພົນຕີ ສອນ
ທອງ ພົມລາວົງ ກຳມະການຄະນະປະຈຳພັກກະຊວງປ້ອງກັນປະເທດ ຮອງຫົວໜ້າກົມໃຫຍ່ການເມືອງກອງທັບ, ມີຄະນະພັກ-ຄະນະນໍາກົມ,
ອົງການຫ້ອງການ ເເລະ ພະນັກງານຫຼັກແຫຼ່ງເຂົ້າຮ່ວມ.
ສະຫາຍ ພົນຈັດຕະວາ ສີໄຫວ ໄມພອນ ຫົວໜ້າອົງການໄອຍາການທະຫານຂັ້ນສູງ ( ຜູ້ເກົ່າ ) ໄດ້ຜ່ານບົດສະຫຼຸບວຽກງານທີ່ໄດ້ນໍາພາ
ຈັດຕັ້ງປະຕິບັດໂດຍສັງເຂບ ພາຍຫຼັງທີ່ໄດ້ຮັບການແຕ່ງຕັ້ງເປັນຫົວໜ້າອົງການໄອຍາການທະຫານຂັ້ນສູງ ໄດ້ເອົາໃຈໃສ່ຕໍ່ວຽກງານສຶກສາອົບຮົມ
ການເມືອງ-ນຳພາແນວຄິດໃຫ້ພະນັກງານ, ສະມາຊິກພັກຕະຫຼອດຮອດ ນາຍ ແລະ ພົນທະຫານເຊື່ອມຊຶມກຳແໜ້ນມະຕິ, ແນວທາງນະໂຍ
ບາຍຂອງພັກວາງອອກໃນແຕ່ລະໄລຍະ, ເຊື່ອມຊຶມ ມູນເຊື້ອປະຫວັດສາດຂອງຊາດ, ຂອງພັກ, ຂອງກອງທັບ ແລະ ມະຕິຄໍາສັ່ງຂອງຂັ້ນເທິງ
ຢ່າງເຂັ້ມງວດ, ກໍ່ສ້າງພັກ-ພະນັກງານ ແລະ ປັບປຸງການຈັດຕັ້ງ, ເອົາໃຈໃສ່ກໍ່ສ້າງໜ່ວຍພັກ ແລະ ສະມາຊິກພັກ ໃຫ້ປອດໃສ, ເຂັ້ມແຂງ ແລະ
ໜັກແໜ້ນຕາມ 05 ຫຼັກການ 03 ທິດນໍາຂອງພັກຢ່າງເຂັ້ມງວດ ໂດຍຕິດພັນກັບການກໍ່ສ້າງກົມກອງປອດໃສ, ປອດໄພ ແລະ ປອດຄະດີ ຕະ
ຫຼອດໄລຍະເວລາທີ່ຕົນ ນໍາພາ-ຊີ້ນໍາ ໜ່ວຍພັກໄດ້ຮັບໃບຢັ້ງຢືນເປັນໜ່ວຍພັກປອດໃສ, ເຂັ້ມແຂງ,ໝັກແໜ້ນ 08 ສະໄໝຕິດຕໍ່ກັນ ແລະ ໄດ້
ຮັບທຸງໄຊ ໜ່ວຍພັກປອດໃສ, ເຂັ້ມແຂງ, ໜັກແໜ້ນ 05 ສະໄໝຕິດຕໍ່ກັນ 01 ຜືນ, ເປັນກົມກອງປອດໃສ, ປອດໄພ, ປອດຄະດີ ປະເພດ I
ຈຳນວນ 08 ສະໄໝຕິດຕໍ່ກັນ ແລະ ໄດ້ເອົາໃຈໃສ່ກໍ່ສ້າງອົງການຈັດຕັ້ງມະຫາຊົນໃຫ້ມີມາດຖານ ແລະ ເງື່ອນໄຂຄົບຖ້ວນ ຕາມທີ່ໄດ້ກຳນົດໄວ້
ໃນລະບຽບພັກ ເພື່ອຂະຫຍາຍເຂົ້າພັກ. ຮັບປະກັນທາງດ້ານປະລິມານ ແລະ ຄຸນນະພາບ, ເອົາໃຈໃສ່ ແລະ ຖືສໍາຄັນໃນການກໍ່ສ້າງພະນັກງານ
03 ຮຸ່ນ ໂດຍສຸມໃສ່ຈັດຕັ້ງພະນັກງານລົງກໍ່ສ້າງຮາກຖານຢູ່ບັນດາກົມກອງຈໍານວນໜຶ່ງ, ຊັບຊ້ອນບຸກຄະລາກອນ ແລະ ຂຶ້ນແຜນກຳນົດພະນັກ
ງານນໍາພາ-ຄຸ້ມຄອງ ແລະ ກຳນົດຕຳແໜ່ງງານ ແລະ ໄດ້ອອກຂໍ້ຕົກລົງວ່າດ້ວຍມາດຖານເງື່ອນໄຂຂອງພະນັກງານໄອຍະການທະຫານ ແລະ ຜູ້
ຊ່ວຍ. ຕິດພັນກັບການຍົກລະດັບທິດສະດີ ການເມືອງ-ການປົກຄອງ, ຄວາມຮູ້ຄວາມສາມາດທາງດ້ານວິຊາ ສະເພາະ ແລະ ພາສາຕ່າງປະເທດ
ດ້ວຍຮູບການຕ່າງໆ, ເອົາໃຈໃສ່ການປັບປຸງບູລະນະກົງຈັກການຈັດຕັ້ງຂອງອົງການໄອຍະການທະຫານໃຫ້ເປັນລະບົບ, ມີ ປະສິດທິພາບ ແລະ
ເຂັ້ມແຂງຂຶ້ນເທື່ອລະກ້າວ ໂດຍໃຫ້ສອດຄ່ອງກັບກົດໝາຍ ແລະ ການເຕີບໃຫຍ່ຂະຫຍາຍຕົວ ຂອງກອງທັບ ໂດຍໄດ້ປັບປຸງລະບົບສາຍຕັ້ງ, ສາຍ
ຂວາງ ອົງການໄອຍະການທະຫານພາກ ເມື່ອກ່ອນຂຶ້ນກັບກອງ ບັນຊາທະຫານແຂວງ, ສະເໜີຂັ້ນເທິງຍົກຍ້າຍມາຂຶ້ນກັບອົງການໄອຍະການທະ
ຫານຂັ້ນສູງ ກົມໃຫຍ່ການເມືອງກອງທັບ ຮອບດ້ານສໍາເລັດ, ປັບປຸງຊັບຊ້ອນໂຄງຮ່າງບຸກຄະລາກອນໃສ່ໂຄງຮ່າງການຈັດຕັ້ງອົງການໄອຍະການ
ທະຫານຂັ້ນສູງ ແລະ ອົງການໄອຍະການທະຫານພາກສໍາເລັດ, ໃນນັ້ນໄດ້ສະເໜີຂັ້ນເທິງອານຸມັດສ້າງຫ້ອງການ ອົງການໄອຍະການທະຫານພາກ
ເໜືອ ສໍາເລັດປະມານ 90%, ຫ້ອງການອົງການໄອຍະການທະຫານພາກໃຕ້ ສໍາເລັດ, ຫ້ອງການອົງການໄອຍະການທະຫານຂັ້ນສູງ ສຳເລັດ ແລະ
ສະເໜີສ້າງອົງການໄອຍະການທະຫານພາກ ກາງ ພ້ອມສ້າງກົນໄກປະສານງານລະຫວ່າງອົງການໄອຍະການປະຊາຊົນສູງສຸດ ເພື່ອຂໍທຶນເຝິກອົບ
ຮົມວຽກງານ ໄອຍະການຢູ່ພາຍໃນ ແລະ ຕ່າງປະເທດ, ຂໍການຊ່ວຍເຫຼືອທາງດ້ານວັດຖຸອຸປະກອນຮັບໃຊ້, ພາຫະນະ ແລະ ງົບປະມານຈໍານວນ
ໜຶ່ງ ພ້ອມນັ້ນກໍໄດ້ແບ່ງປັນພາຫະນະ, ອຸປະກອນຮັບໃຊ້ອັນຈຳເປັນ ທີ່ໄດ້ຮັບຈາກການຊ່ວຍເຫຼືອຈາກອົງການໄອຍະການປະຊາຊົນສູງສຸດ ແລະ
ນໍາຂັ້ນເທິງ ໃຫ້ອົງການໄອຍະການທະຫານແຕ່ລະຂັ້ນ ເພື່ອນໍາໃຊ້ເຂົ້າໃນການປະຕິບັດສິດ ແລະ ໜ້າທີ່ໃຫ້ມີຄວາມສະດວກ ແລະ ຮັບປະກັນ
ເຮັດສຳເລັດໜ້າທີ່. ຈາກນັ້ນກໍໄດ້ເຊັນບົດບັນທຶກມອບ-ຮັບ ໜ້າທີ່ ລະຫວ່າງ ສະຫາຍ ພົນຈັດຕະວາ ສີໄຫວ ໄມພອນ ຫົວໜ້າອົງການໄອຍາການ
ທະຫານຂັ້ນສູງ ( ຜູ້ເກົ່າ ) ແລະ ສະຫາຍ ພັນເອກ ອຳເພັດ ພົມມະກອນ ຫົວໜ້າອົງການໄອຍາການທະຫານຂັ້ນສູງ ( ຜູ້ໃໝ່ ).
ໂອກາດນີ້, ສະຫາຍ ພົນຕີ ສອນທອງ ພົມລາວົງ ກໍາມະການຄະນະປະຈໍາພັກກະຊວງປ້ອງກັນປະເທດ ຮອງຫົວໜ້າກົມໃຫຍ່ການເມືອງ
ກອງທັບ ກໍໄດ້ໂອ້ລົມວ່າ: ໂດຍປະຕິບັດຕາມແນວທາງນະໂຍບາຍຂອງພັກ-ລັດ ກໍຄ ກະຊວງປ້ອງກັນປະເທດ ທີ່ມີຕໍ່ພະນັກງານ-ນາຍທະຫານ
ເມື່ອຮອດເວລາອາຍຸກະສຽນ ກໍຕ້ອງໄດ້ພັກຜ່ອນເຂົ້າຮັບການອຸດໜູນບໍານານ ຕາມກົດໝາຍຂອງນາຍທະຫານກອງທັບປະຊາຊົນລາວ, ພ້ອມ
ທັງໄດ້ເນັ້ນໜັກໃຫ້ຜູ້ທີ່ໄດ້ຮັບໜ້າທີ່ໃໝ່ເຊີດຊູ ແລະ ຍົກສູງພາລະບົດບາດການນໍາພາ-ຊີ້ນໍາ ຕໍ່ໜ້າທີ່ການເມືອງທີ່ໄດ້ມອບໝາຍ, ເປັນແບບຢ່າງ
ໃຫ້ພະນັກງານຂັ້ນລຸ່ມຢ່າງຮອບດ້ານ, ຖືເອົາວຽກງານສຶກສາອົບຮົມການເມືອງ-ນຳພາແນວຄິດ, ວຽກງານກໍ່ສ້າງພັກ-ພະນັກງານ ໃຫ້ມີຄວາມ
ເຂັ້ມແຂງໜັກແໜ້ນ, ເພີ່ມທະວີຄວາມສາມັກຄີພາຍໃນໝູ່ຄະນະ, ເປັນເຈົ້າການນໍາພາ-ຊີ້ນໍາໃຫ້ແທດເຖິງຕົວຈິງ, ຍຶດໝັ້ນຕາມ 05 ຫຼັກການ
03 ທິດນໍາຂອງພັກ, ປະຕິບັດຫຼັກການລວມສູນປະຊາທິປະໄຕ, ມີຄວາມເປັນເອກະພາບພາຍໃນທຸກຂົງເຂດວຽກງານ ຕັ້ງໜ້າປັບປຸງກໍ່ສ້າງກົມ
ກອງ ໃຫ້ມີຄວາມເຕີບໃຫຍ່ເຂັ້ມແຂງ, ເຮັດວຽກຢ່າງມີຫຼັກການວິທະຍາສາດມີແບບແຜນ ແລະ ທັນສະໄໝ, ເພື່ອພ້ອມເຮັດສໍາເລັດໜ້າທີ່ການ
ເມືອງຂອງກົມກອງຕາມການຈັດຕັ້ງຂັ້ນເທິງມອບໝາຍໃຫ້.
ແຫຼ່ງຂ່າວໂດຍ ໄຊສະຫວາດ ສົມພັນທະມິດ
ວັນທີ 30/05/2024