ສະຫຼຸບການຈັດຕັ້ງຊ້ອມຮົບຮ່ວມ ລາວ-ຈີນ “ໂລ້ກໍາບັງມິດຕະພາບ-2024”
ກອງປະຊຸມ ສະຫຼຸບຕີລາຄາການຈັດຕັ້ງຊ້ອມຮົບຮ່ວມ ລາວ-ຈີນ “ໂລ້ກໍາບັງມິດຕະພາບ-2024” ໄດ້ຈັດຂຶ້ນໃນວັນທີ 30 ສິງຫາ 2024 ນີ້,
ໂດຍການເປັນປະທານຂອງ ສະຫາຍ ພົນໂທ ຄໍາລຽງ ອຸທະໄກສອນ ຮອງລັດຖະມົນຕີກະຊວງປ້ອງກັນປະເທດ, ຫົວໜ້າກົມໃຫຍ່ເສນາທິການກອງ
ທັບ, ມີຄະນະພັກ-ຄະນະບັນຊາບັນດາກົມກອງເຫຼົ່າຮົບ ແລະ ພາກສ່ວນທີ່ກ່ຽວຂ້ອງ ເຂົ້າຮ່ວມ.
ສະຫາຍ ພັນໂທ ສັນຕິ ຈັນທະລັງສອນ ຮອງຫົວໜ້າກົມອົບຮົມ ກົມໃຫຍ່ເສນາທິການກອງທັບ, ຄະນະຮັບຜິດຊອບເນື້ອໃນການຈັດຕັ້ງຊ້ອມ
ຮົບຮ່ວມ ລາວ-ຈີນ “ໂລ້ກໍາບັງມິດຕະພາບ-2024” ໄດ້ສະຫຼຸບຕີລາຄາຜົນການຈັດຕັ້ງຊ້ອມຮົບຮ່ວມ ລາວ-ຈີນ “ໂລ້ກໍາບັງມິດຕະພາບ-2024” ວ່າ:
ການຊ້ອມຮົບຮ່ວມ ລາວ-ຈີນ ເປັນການເຝິກຝົນຫຼໍ່ຫຼອມທາງດ້ານການເມືອງ, ເຝິກແອບທາງການທະຫານ, ສິລະປະຍຸດ, ຍຸດທະວິທີ ແລະ ວິຊາສະ
ເພາະ ຮ່ວມກັບປະເທດເພື່ອນມິດຍຸດທະສາດ, ຄະນະພັກ-ຄະນະບັນຊາກົມກອງເຫຼົ່າຮົບທີ່ເຂົ້າຮ່ວມຊ້ອມຮົບ ໄດ້ເອົາໃຈໃສ່ຊີ້ນໍາພະນັກງານ-ນັກຮົບ
ໃຫ້ຮັບຮູ້ເຂົ້າໃຈເຖິງຈຸດປະສົງ ແລະ ຄາດໝາຍ ຂອງການຊ້ອມຮົບຮ່ວມ ລາວ-ຈີນ ໃນຄັ້ງນີ້ ໄດ້ເປັນຢ່າງດີ, ແຕ່ລະສະຫາຍມີແນວຄິດການເມືອງ
ໜັກແໜ້ນ, ມີຄວາມອຸ່ນອ່ຽນທຸ່ນທ່ຽງ, ເຊື່ອໝັ້ນຕໍ່ການນໍາພາຂອງຄະນະພັກ-ຄະນະບັນຊາກົມກອງ ແລະ ຄະນະຊີ້ນໍາການຊ້ອມຮົບ, ປະຕິບັດ 7 ລະ
ບອບ 18 ວຽກ, ລະບຽບວິໄນຂອງກອງທັບ ແລະ ກົດລະບຽບພາກສະໜາມວາງອອກ ຢ່າງເຂັ້ມງວດ, ເປັນເຈົ້າການປະຕິບັດແຜນການເຄື່ອນໄຫວ
ຊ້ອມຮົບ ທີ່ທັງສອງຝ່າຍໄດ້ວາງອອກ, ຮັກສາໄດ້ຄວາມສາມັກຄີພາຍໃນ, ສາມັກຄີກັບກົມກອງເພື່ອນ, ກັບພໍ່ແມ່ປະຊາຊົນອ້ອມຂ້າງ ແລະ ຮັກສາ
ໄດ້ບັນຍາກາດຄວາມສາມັກຄີຮັກແພງ ສະໜິດສະໜົມກັບ ຝ່າຍຈີນ. ຈາກນັ້ນ, ສະຫາຍ ພັນເອກ ແສງອາລຸນ ແກ້ວສະຫວ່າງ ຮອງຫົວໜ້າກົມໂຄ
ສະນາອົບຮົມ ກົມໃຫຍ່ການເມືອງກອງທັບ ໄດ້ຜ່ານຂໍ້ຕົກລົງຂອງກະຊວງປ້ອງກັນປະເທດ ວ່າດ້ວຍການມອບໃບຍ້ອງຍໍ ໃຫ້ກົມກອງລວມໝູ່ 25
ກົມກອງ ແລະ ບຸກຄົນ 362 ສະຫາຍ, ຜ່ານຂໍ້ຕົກລົງຂອງກົມໃຫຍ່ການເມືອງກອງທັບ ວ່າດ້ວຍການມອບໃບຍ້ອງຍໍ ໃຫ້ກົມກອງລວມໝູ່ 21 ກົມ
ກອງ ແລະ ບຸກຄົນ 774 ສະຫາຍ, ໂດຍການມອບຂອງ ສະຫາຍ ພົນໂທ ຄໍາລຽງ ອຸທະໄກສອນ ແລະ ສະຫາຍ ພົນຕີ ພັນແສງ ບຸນພັນ ຮອງຫົວໜ້າ
ກົມໃຫຍ່ເສນາທິການກອງທັບ ຕາມລໍາດັບ.
ໂອກາດນີ້, ສະຫາຍ ພົນໂທ ຄໍາລຽງ ອຸທະໄກສອນ ໄດ້ສະແດງຄວາມຍ້ອງຍໍຊົມເຊີຍ ຕໍ່ຜົນສໍາເລັດຂອງການຈັດຕັ້ງຊ້ອມຮົບຮ່ວມ ລາວ-ຈີນ
“ໂລ້ກໍາບັງມິດຕະພາບ-2024”, ເຊິ່ງຄະນະຮັບຜິດຊອບແຕ່ລະພາກສ່ວນ ໄດ້ເອົາໃຈໃສ່ສຸມສະຕິປັນຍາ, ເຫື່ອແຮງ ເຂົ້າໃນການຊ້ອມຮົບໃນຄັ້ງນີ້ ເຮັດ
ໃຫ້ການຊ້ອມຮົບ ສໍາເລັດຢ່າງຈົບງາມ ພ້ອມກັນນັ້ນ, ຍັງໄດ້ຮຽກຮ້ອງໃຫ້ສືບຕໍ່ເພີ່ມທະວີວຽກງານສຶກສາອົບຮົມການເມືອງນຳພາແນວຄິດ ໃຫ້ນາຍ
ແລະ ພົນທະຫານ ພາຍໃນກົມກອງ ມີຄວາມຈົ່ງຮັກພັກດີຕໍ່ພັກ, ຕໍ່ປະເທດຊາດ ແລະ ເຮັດສໍາເລັດໜ້າທີ່ການເມືອງ ຕາມການຈັດຕັ້ງຂັ້ນເທິງມອບ
ໝາຍໃຫ້.
ແຫຼ່ງຂ່າວໂດຍ ບຸນຊ້ອຍ
ວັນທີ 29/08/2024