ສະຫາຍ ພົນເອກ ຈັນສະໝອນ ຈັນຍາລາດ ເຂົ້າຢ້ຽມຂ່ຳນັບ
ນາຍົກລັດຖະມົນຕີ ແຫ່ງ ສສ ຫວຽດນາມ

    ໃນວັນທີ 25 ກໍລະກົດ 2024 ນີ້. ສະຫາຍ ພົນເອກ ຈັນສະໝອນ ຈັນຍາລາດ ຮອງນາຍົກລັດຖະມົນຕີ ລັດຖະມົນຕີກະຊວງປ້ອງກັນປະ
ເທດ ແຫ່ງ ສປປ ລາວ ພ້ອມດ້ວຍຄະນະໄດ້ເຂົ້າຢ້ຽມຂ່ຳນັບ ສະຫາຍ ຟາມ ມິງ ຈິງ ນາຍົກລັດຖະມົນຕີແຫ່ງ ສສ ຫວຽດນາມ.

     ໃນໂອກາດທີ່ເດີນທາງມາວາງພວງມາລາໄຫວ້ອາໄລ ສະຫາຍ ຫງວຽນ ຟູ ຈ້ອງ ເລຂາທິການໃຫຍ່ ຄະນະບໍລິຫານງານສູນກາງພັກກອມມູ
ນິດຫວຽດນາມ ທີ່ນະຄອນຫຼວງຮ່າໂນ້ຍ ສສ ຫວຽດນາມ. ໂອກາດນີ້ ສະຫາຍ ພົນເອກ ຈັນສະໝອນ ຈັນຍາລາດ ຮອງນາຍົກລັດຖະມົນຕີ ລັດ
ຖະມົນຕີກະຊວງປ້ອງກັນປະເທດ ແຫ່ງ ສປປ ລາວ. ກໍ່ໄດ້ສະແດງຄວາມຂອບອົກຂອບໃຈ ຕໍ່ສະຫາຍ ຟາມ ມິງ ຈິງ ນາຍົກລັດຖະມົນຕີແຫ່ງ
ສສ ຫວຽດນາມ ພ້ອມຄະນະ. ທີ່ໃຫ້ກຽດຕ້ອນຮັບອັນອົບອຸ່ນ ແລະ ສະໜິດສະໜົມ ທີ່ເຕັມໄປດ້ວຍໄມຕີຈິດມິດຕະພາບອັນດູດດື່ມ ແລະ ແໜ້ນ
ແຟ້ນ ຊື່ງເປັນການປະກອບສ່ວນສຳຄັນໃນການຮ່ວມມືອັນພິເສດ ແລະ ການຮ່ວມມືຮອບດ້ານ ລະຫວ່າງສອງພັກ, ສອງລັດ ແລະ ປະຊາຊົນສອງ
ຊາດ ລາວ-ຫວຽດນາມ, ຫວຽດນາມ-ລາວ ທີ່ມີມູນເຊື້ອມາແຕ່ຍາວນານໃຫ້ຈະເລີນງອກງາມ, ເພີ່ມພູນຄູນສ້າງຍິ່ງໆຂື້ນ. ພ້ອມດຽວກັນນີ້ ສະ
ຫາຍ ພົນເອກ ຈັນສະໝອນ ຈັນຍາລາດ ກໍ່ໄດ້ສະແດງຄວາມຮູ້ສືກເສຍໃຈ ແລະ ໄຫວ້ອາໄລຕໍ່ການຈາກໄປ ຂອງສະຫາຍ ຫງວຽນ ຟູ ຈ້ອງ ເລຂາ
ທິການໃຫຍ່ຄະນະບໍລິຫານງານສູນກາງພັກຄອມມູນິດຫວຽດນາມ. ຊື່ງການຈາກໄປຂອງສະຫາຍ ເຮັດໃຫ້ພວກເຮົາເສົ້າສະຫຼົດຫຼາຍ.

     ພວກເຮົາຈະຈື່ຈຳຜົນງານທີ່ດີເດັ່ນຂອງ ສະຫາຍ ຫງວຽນ ຟູ ຈ້ອງ ຕະຫຼອດໄປ ແລະ ເຊື່ອໝັ້ນວ່າພາຍໃຕ້ການນຳພາອັນເດັດດ່ຽວໜຽວແໜ້ນ
ຂອງສູນກາງພັກຄອມມູນິດຫວຽດນາມ, ປະຊາຊົນຫວຽດນາມຈະສາມາດຫັນຄວາມໂສກເສົ້າເປັນກຳລັງອັນເດັດດ່ຽວ ໜຽວແໜ້ນໄດ້ຢ່າງແນ່ນອນ
ແລະ ໄດ້ຮັບຜົນສຳເລັດໃໝ່ຢ່າງໃຫຍ່ຫຼວງກວ່າເກົ່າໃນການປ່ຽນແປງໃໝ່. ພ້ອມທັງພາລະກິດການສ້າງສາສັງຄົມນິຍົມຢ່າງບໍ່ຢຸດຢັ້ງ.

ແຫຼ່ງຂ່າວໂດຍ ຮ້ອຍເອກ ທອງມາ ໄຊຍະເພັງສາ
ວັນທີ 29/07/2024