ເຜີຍແຜ່ຜົນສໍາເລັດ ກອງປະຊຸມສະໄໝສາມັນ
ເທື່ອທີ 7 ຂອງສະພາແຫ່ງຊາດ ຊຸດທີ IX ແລະ ສະພາປະຊາຊົນ ນວ ຊຸດທີ II

    ວັນທີ 26 ສິງຫາ 2024 ນີ້, ຢູ່ທີ່ກະຊວງປ້ອງກັນປະເທດ ສະມາຊິກສະພາແຫ່ງຊາດ ປະຈຳເຂດເລືອກຕັ້ງທີ I ແລະ ສະມາຊິກສະພາ
ປະຊາຊົນ ນະຄອນຫຼວງວຽງຈັນ ໄດ້ລົງພົບປະຜູ້ມີສິດເລືອກຕັ້ງ ແລະ ເຜີຍແຜ່ຜົນສໍາເລັດກອງປະຊຸມສະໄໝສາມັນ ເທື່ອທີ 7 ຂອງສະພາ
ແຫ່ງຊາດ ຊຸດທີ IX ແລະ ສະພາປະຊາຊົນ ນະຄອນຫຼວງວຽງຈັນ ຊຸດທີ II, ໂດຍການເປັນປະທານ ຂອງສະຫາຍ ພົນໂທ ສຸວອນ ເລືອງບຸນ
ມີ ກຳມະການສູນກາງພັກ ຮອງປະທານສະພາແຫ່ງຊາດ, ມີສະຫາຍ ພົນຕີ ປະສິດ ທ່ຽງທຳ ຮອງລັດຖະມົນຕີກະຊວງປ້ອງກັນປະເທດ, ມີ
ຄະນະນໍາກະຊວງປ້ອງກັນປະເທດ, ກົມໃຫຍ່ການເມືອງກອງທັບ, ກົມໃຫຍ່ເສນາທິການກອງທັບ, ຫ້ອງວ່າການກະຊວງປ້ອງກັນປະເທດ, ຄະ
ນະພັກ-ຄະນະບັນຊາ, ກົມ, ຫ້ອງການ, ກອງ ແລະ ພະນັກງານຫຼັກແຫຼ່ງອ້ອມຂ້າງກະຊວງປ້ອງກັນປະເທດ ເຂົ້າຮ່ວມ.

     ສະຫາຍ ຄໍາຝອງ ແສງສະຫວ່າງ ຮອງປະທານຄະນະກຳມະການຍຸຕິທຳ ແລະ ປກຊ-ປກສ ນະຄອນຫຼວງວຽງຈັນ ໄດ້ຂຶ້ນເຜີຍແຜ່ຜົນສໍາ
ເລັດຂອງກອງປະຊຸມສະໄໝສາມັນເທື່ອທີ 7 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ II ວ່າ: ກອງປະຊຸມໄດ້ພິຈາລະນາ ແລະ ຮັບ
ຮອງເອົາບັນຫາສໍາຄັນຕ່າງໆຂອງນະຄອນຫຼວງວຽງຈັນ. ຈາກນັ້ນ, ສະຫາຍ ພົນໂທ ສຸວອນ ເລືອງບຸນມີ ໄດ້ລາຍງານຜົນສໍາເລັດ ກອງປະຊຸມ
ສະໄໝສາມັນ ເທື່ອທີ 7 ຂອງສະພາແຫ່ງຊາດ ຊຸດທີ IX ເຊິ່ງກອງປະຊຸມໄດ້ຄົ້ນຄວ້າພິຈາລະນາວຽກງານສໍາຄັນຕ່າງໆຂອງຊາດ ເປັນຕົ້ນແມ່ນ
ໄດ້ຮັບຟັງລາຍງານໂດຍສັງລວມຂອງ ທ່ານ ນາຍົກລັດຖະມົນຕີ, ລັດຖະມົນຕີຈາກກະຊວງແຜນການ ແລະ ການລົງທຶນ, ກະຊວງການເງິນ ແລະ
ທະນາຄານແຫ່ງ ສປປ ລາວ ກ່ຽວກັບ ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ, ແຜນງົບປະມານແຫ່ງລັດ, ແຜນເງິນ
ຕາຕິດພັນການຈັດຕັ້ງປະຕິບັດສອງວາລະແຫ່ງຊາດ ໄລຍະ 6 ເດືອນຕົ້ນປີ 2024 ແລະ ແຜນການ 6 ເດືອນທ້າຍ ປີ 2024.

     ນອກນັ້ນ, ຍັງໄດ້ຮັບຟັງການຊີ້ແຈງອະທິບາຍຈາກກະຊວງ, ອົງການ 10 ພາກສ່ວນ ຕື່ມອີກ. ເຊິ່ງການເຜີຍແຜ່ໃນຄັ້ງນີ້, ແນໃສ່ເພື່ອເຮັດໃຫ້
ຄະນະພັກ-ຄະນະບັນຊາແຕ່ລະຂັ້ນ ແລະ ພະນັກງານຫຼັກແຫຼ່ງຜູ້ມີສິດເລືອກຕັ້ງມີຄວາມຮັບຮູ້ ແລະ ເຂົ້າໃຈຢ່າງເລິກເຊິ່ງຕໍ່ບັນດາເນື້ອໃນຈິດໃຈ
ທີ່ໄດ້ກຳນົດໄວ້ໃນມະຕິ ກອງປະຊຸມສະໄໝສາມັນ ເທື່ອທີ 7 ຂອງສະພາແຫ່ງຊາດ ແລະ ສະພາປະຊາຊົນ ນະຄອນຫຼວງວຽງຈັນ, ພ້ອມກັນ
ເປັນເຈົ້າການຜັນຂະຫຍາຍ, ຈັດຕັ້ງປະຕິບັດ ໃຫ້ເກີດໝາກຜົນຕົວຈິງ ແລະ ເພື່ອເປັນພື້ນຖານ ໃຫ້ຄະນະພັກ-ຄະນະບັນຊາແຕ່ລະຂັ້ນ ສືບຕໍ່ສຶກ
ສາອົບຮົມ ແລະ ນໍາເອົາເນື້ອໃນດັ່ງກ່າວໄປຈັດຕັ້ງຜັນຂະຫຍາຍໃຫ້ເປັນຮູບປະທຳເພື່ອເປັນການປັບປຸງ, ຍົກສູງທັດສະນະຫຼັກໝັ້ນ, ຄຸນທາດການ
ເມືອງ ຂອງພະນັກງານຫຼັກແຫຼ່ງແຕ່ລະຂັ້ນໃຫ້ໜັກແໜ້ນ, ມີຄວາມເດັດດ່ຽວໜຽວແໜ້ນ ສືບຕໍ່ບຸກທະລຸດ້ານແນວຄິດ-ຈິນຕະນາການ ສ້າງໃຫ້
ມີການຫັນປ່ຽນທາງດ້ານທັດສະນະແນວຄິດ ແລະ ການກະທຳທີ່ສົ່ງເສີມດ້ານດີ, ແກ້ໄຂຈຸດອ່ອນ ເປັນເຈົ້າການຕອບຕ້ານທຸກກົນອຸບາຍມ້າງເພ
ທຳລາຍຂອງພວກອິດທິກຳລັງປໍລະປັກ ແລະ ກຸ່ມຄົນບໍ່ດີ, ມີແບບແຜນດຳລົງຊີວິດທີ່ປອດໃສ, ມີຄວາມສາມັກຄີພາຍໃນເປັນເອກະພາບ, ເປັນ
ກ້ອນກຳລັງແຮງໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດໃຫ້ຈະເລີນກ້າວໜ້າ.

ແຫຼ່ງຂ່າວໂດຍ ຈອນນີ້
ວັນທີ 27/08/2024