ຮອງລັດຖະມົນຕີກະຊວງປ້ອງກັນປະເທດ ຕ້ອນຮັບ ຫົວໜ້າຫ້ອງການຜູ້ຕາງໜ້າ ສ ຣັດເຊຍ

    ວັນທີ 24 ມິຖຸນາ 2024 ນີ້, ສະຫາຍ ພົນຕີ ປະສິດ ທ່ຽງທຳ ຮອງລັດຖະມົນຕີກະຊວງປ້ອງກັນປະເທດ ແຫ່ງ ສປປ ລາວ ໄດ້ຕ້ອນຮັບ
ສະຫາຍ ພົນຕີ ດີມີຕຣີ ຄຣາຢຽບ ວາລາດີເມຍ ໂຣວິດ ຫົວໜ້າຫ້ອງການຜູ້ຕາງໜ້າ ສ ຣັດເຊຍ ປະຈຳກະຊວງປ້ອງກັນປະເທດ ແຫ່ງ ສປປ
ລາວ ເຂົ້າຢ້ຽມອວຍພອນ ເນື່ອງໃນໂອກາດທີ່ ສະຫາຍ ພົນຕີ ປະສິດ ທ່ຽງທຳ ໄດ້ດຳລົງຕຳແໜ່ງໃໝ່ເປັນຮອງລັດຖະມົນຕີກະຊວງປ້ອງກັນ
ປະເທດ ແຫ່ງ ສປປ ລາວ.

     ສະຫາຍ ພົນຕີ ປະສິດ ທ່ຽງທຳ ໄດ້ສະແດງຄວາມຕ້ອນຮັບຢ່າງອົບອຸ່ນດ້ວຍໄມຕີຈິດມິດຕະພາບ ແລະ ຕີລາຄາສູງຕໍ່ສາຍພົວພັນການຮ່ວມ
ມືລະຫວ່າງ ສອງປະເທດ ລາວ-ຣັດເຊຍ ເວົ້າລວມ, ເວົ້າສະເພາະກໍ່ແມ່ນການພົວພັນ ຮ່ວມມືຂອງສອງກອງທັບທີ່ມີມາແຕ່ດົນນານແລ້ວນັ້ນນັບ
ມື້ແໜ້ນແຟ້ນ, ເລິກເຊິ່ງຍິ່ງໆ ຂຶ້ນ.

     ສະຫາຍ ພົນຕີ ດີມີຕຣີ ຄຣາຢຽບ ວາລາດີເມຍ ໂຣວິດ ໄດ້ສະແດງຄວາມຂອບໃຈອັນອົບອຸ່ນທີ່ເຕັມໄປດ້ວຍ ໄມຕີຈິດມິດ ຕະພາບ ພ້ອມທັງ,
ອວຍພອນໃຫ້ ສະຫາຍ ພົນຕີ ປະສິດ ທ່ຽງທຳ ທີ່ໄດ້ຮັບດຳລົງຕຳແໜງໃໝ່ ສືບຕໍ່ ນຳພາ-ຊີ້ນຳກອງທັບປະຊາຊົນລາວໃຫ້ເຕີບໃຫຍ່ຂະຫຍາຍຕົວ
ຂຶ້ນເລື່ອຍໆ ພ້ອມທັງ, ສືບຕໍ່ເສີມຂະຫຍາຍ ສາຍພົວພັນການຮ່ວມມື ລະຫວ່າງ ສອງປະເທດ ຣັດເຊຍ-ລາວ, ລາວ-ຣັດເຊຍ ໃຫ້ແຕກດອກອອກ
ຜົນຍິ່ງໆຂຶ້ນ.

ແຫຼ່ງຂ່າວໂດຍ ນ. ວິໄລພອນ ສອນມະນີລາ
ວັນທີ 27/06/2024