ການເຝິກກຊ້ອມກອບກູ້ໄພພິບັດ ກອງທັບ ກໍາປູເຈຍ-ລາວ-ຫວຽດນາມ
ສຳເລັດດ້ວຍໝາກຜົນອັນຈົບງາມ

    ການເຝິກຊ້ອມກອບກູ້ໄພພິບັດ 3 ກອງທັບ (ກໍາປູເຈຍ-ລາວ-ຫວຽດນາມ) ໄດ້ສໍາເລັດລົງດ້ວຍໝາກຜົນອັນຈົບງາມ ໃນວັນທີ 25 ພະ
ຈິກ 2024 ນີ້, ຢູ່ທີ່ສູນເຝິກ ສາລະວັດທະຫານ ພະນົມໂຈມ ແສນຣິກເຮຍ ແຂວງ ກຳປົງສະນັງ ຣາຊະອານາຈັກກຳປູເຈຍ, ໂດຍການເຂົ້າ
ຮ່ວມຂອງ ທ່ານ ພົນເອກ ເຕຍ ໄຊຮາ ຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນປະເທດ ແຫ່ງ ຣາຊະອານາຈັກກຳປູເຈຍ, ທ່ານ
ພົນເອກ ຈັນສະໜອນ ຈັນຍາລາດ ຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນປະເທດ ແຫ່ງ ສປປ ລາວ ແລະ ທ່ານ ພົນເອກ
ຟານ ວັນ ຢາງ ລັດຖະມົນຕີກະຊວງປ້ອງກັນປະເທດແຫ່ງ ສສ ຫວຽດນາມ, ມີ ການນໍາພັກ-ລັດ, ກະຊວງ-ອົງການ, ອໍານາດການປົກຄອງ
ທ້ອງຖິ່ນ, ຄະນະຊີ້ນໍາ, ຄະນະຮັບຜິດຊອບການເຝິກຊ້ອມ, ແຂກຖືກເຊີນ ແລະ ນັກເຝິກຊ້ອມທັງ 3 ກອງທັບ ເຂົ້າຮ່ວມ.

     ໃນພິທີ, ໄດ້ຮັບຊົມການເຝີກຊ້ອມຊອກຄົ້ນ ແລະ ກອບກູ້ຜູ້ປະສົບໄພພິບັດອາຄານຖະຫຼົ່ມ ເພື່ອຊອກຫາຜູ້ປະສົບໄພທີ່ຕົກຄ້າງຢູ່ໃນອາ
ຄານ ແລະ ຍົກຍ້າຍຜູ້ປະສົບໄພ ຫຼື ຜູ້ບາດເຈັບ ໄປຫາເຂດທີ່ປອດໄພເເລ້ວນໍາສົ່ງໄປປິ່ນປົວຢູ່ໂຮງໝໍແນວຫຼັງ ດ້ວຍການນໍາໃຊ້ກຳລັງເຝີກຊ້ອມ
ທັງ 3 ກອງທັບ. ຈາກນັ້ນ, ທ່ານ ພົນຕີ ແປນ ສຸກຣິດວິດເຍຍ ຫົວໜ້າສໍານັກງານເຝີກອົບຮົມ, ປະທານອະນຸກຳມະການເຝີກຊ້ອມ ກຳປູເຈຍ
-ລາວ-ຫວຽດນາມ ແຫ່ງ ກອງທັບຣາຊະອານາຈັກກຳປູເຈຍ ໄດ້ຕາງໜ້າໃຫ້ຄະນະຊີ້ນໍາການເຝິກຊ້ອມ 3 ກອງທັບ ຂຶ້ນລາຍງານຜົນສໍາເລັດ
ຂອງການເຝິກຊ້ອມຮ່ວມ 3 ກອງທັບ ພາຍໃຕ້ຫົວຂໍ້: ” ການເຝິກຊ້ອມກອບກູ້ໄພພິບັດ ອາຄານຖະຫຼົ່ມ ” ເຊິ່ງໄດ້ແບ່ງອອກເປັນສອງເນື້ອໃນຄື:
ໂຮງໝໍພາກສະໜາມຂັ້ນ 1 ແລະ ໂຮງໝໍພາກສະໜາມຂັ້ນ 2 ໄລຍະເວລາການເຝິກຊ້ອມຮ່ວມ 11 ວັນ ເລີ່ມແຕ່ວັນທີ 16-26 ພະຈິກ 2024
ມີ ກໍາລັງພົນເຂົ້າຮ່ວມທັງໝົດ 698 ຄົນ, ຝ່າຍກໍາປູເຈຍ 563 ຄົນ, ຝ່າຍ ລາວ 64 ຄົນ, ຝ່າຍຫວຽດນາມ 71 ຄົນ. ຝ່າຍກຳປູເຈຍໃຊ້ອຸປະ
ກອນ-ເຕັກນິກ ສໍາລັບອາຄານຖະຫຼົ່ມທັງໝົດ 27 ຊະນິດ, ເຮລິຄອບເຕີ MI-17 1 ຄັນ, ລົດສຸກເສີນ 7 ຄັນ, ເຕັນ 12 ດາງ, ອຸປະກອນການ
ແພດ 34 ຊະນິດ ແລະ ອຸປະກອນອື່ນໆ, ຝ່າຍຫວຽດນາມໃຊ້ລົດສຸກເສີນ 1 ຄັນ, ລົດຊ່າງແສງ 1 ຄັນ ແລະ ລົດ 12 ບ່ອນນັ່ງ 1 ຄັນ ພ້ອມທັງ
ອຸປະກອນຈໍາເປັນອີກຈໍານວນໜຶ່ງ, ສ່ວນຝ່າຍລາວ ໃຊ້ອຸປະກອນໃນອາຄານຖະຫຼົ່ມ ຈໍານວນໜຶ່ງ. ຜ່ານການເຝິກຊ້ອມຮ່ວມກັນເຫັນວ່າ ໄດ້
ປະຕິບັດຕາມແຜນການຢ່າງສໍາເລັດຜົນ ແລະ ຮັບປະກັນຄວາມປອດໄພ ທັງຄົນ ແລະ ວັດສະດຸອຸປະກອນ ໄດ້ 100%.

     ນອກຈາກການເຝີກຊ້ອມຮ່ວມຕາມແຜນການ, ຍັງໄດ້ຈັດຕັ້ງການແຂ່ງຂັນກິລາການທະຫານນັກຮົບແຂງແຮງ, ເດີນທາງໄປຢ້ຽມຢາມອະ
ນຸສາວະລີຊະນະ-ຊະນະ, ສະແດງສິລະປະວັດທະນະທຳພື້ນເມືອງ ຂອງກຳປູເຈຍ, ເຂົ້າຮ່ວມການອອກກໍາລັງກາຍ, ຊົມໂຄມໄຟ ແລະ ຟ້ອນ
ມ່ວນຊື່ນຮ່ວມກັນ ສ້າງຄວາມສາມັກຄີມິດຕະພາບອັນໃຫຍ່ຫຼວງ ລະຫວ່າງ ສາມກອງທັບ. ຜ່ານການເຄື່ອນໄຫວດັ່ງກ່າວ ສະແດງໃຫ້ເຫັນ
ຄວາມສໍາຄັນ ຂອງຄວາມສາມັກຄີ ລະຫວ່າງ ກອງທັບ ກໍາປູເຈຍ-ລາວ-ຫວຽດນາມ ເຊິ່ງເປັນປະເທດບ້ານໃກ້ເຮືອນຄຽງທີ່ຊ່ວຍເຫຼືອເຊິ່ງກັນ
ແລະ ກັນ ໃນທຸກສະຖານະການ, ເຄົາລົບຮັກແພງເຊິ່ງກັນ ແລະ ກັນ ຮ່ວມມືກັນຢ່າງມີຜົນສໍາເລັດ.

     ໂອກາດນີ້, ທ່ານ ພົນເອກ ເຕຍ ໄຊຮາ ໄດ້ສະແດງຄວາມຍ້ອງຍໍຊົມເຊີຍ ແລະ ຕີລາຄາສູງຕໍ່ ຄະນະຊີ້ນຳການເຝິກຊ້ອມ ທັງ 3 ກອງທັບ
ທີ່ໄດ້ຮ່ວມມືກັນຢ່າງແໜ້ນແຟ້ນ ເຮັດໃຫ້ການເຝີກຊ້ອມຮ່ວມກັນຄັ້ງນີ້ ດໍາເນີນການໄປດ້ວຍຜົນສໍາເລັດຕາມແຜນການທີ່ວາງໄວ້ ເຊິ່ງການເຝິກ
ຊ້ອມຮ່ວມກັນ ລະຫວ່າງ ກອງທັບ 3 ປະເທດ ໃນຄັ້ງນີ້ ເປັນການແລກປ່ຽນປະສົບການເຊິ່ງກັນ ແລະ ກັນ ເພື່ອເພີ່ມທະວີການຮ່ວມມືກັນຢ່າງ
ໃກ້ຊິດ. ເປັນການເຝີກຊ້ອມ ລະຫວ່າງ ກອງທັບຣາຊະອານາຈັກກຳປູເຈຍ, ກອງທັບປະຊາຊົນລາວ ແລະ ກອງທັບປະຊາຊົນຫວຽດນາມ ໄດ້
ເປັນສັນຍະລັກອັນໜຶ່ງທີ່ເຂັ້ມແຂງ ທີ່ຈະໄດ້ບັນທຶກໄວ້ໃນປະຫວັດສາດ ຂອງ 3 ກອງທັບ ໃນການຮ່ວມມືປະຕິບັດໜ້າທີ່ລະຫວ່າງ ກອງທັບທັງ
3 ປະເທດ. ສໍາລັບນາຍທະຫານ ຕ້ອງສືບຕໍ່ສຶກສາຮໍ່າຮຽນໃນອະນາຄົດ. ເຊິ່ງຄວາມສຳເລັດໃນຄັ້ງນີ້ ໄດ້ສະແດງໃຫ້ເຫັນເຖິງຄວາມເອົາໃຈໃສ່ໃນ
ການພັດທະນາຄວາມສາມັກຄີມິດຕະພາບ ທັງ 3 ປະເທດ ກໍຄື 3 ກອງທັບ ສືບຕໍ່ປະຕິບັດຕາມວິໄສທັດຮ່ວມກັນທີ່ລັດຖະບານທັງ 3 ປະເທດ
ໄດ້ເອກະພາບກັນ ເພີ່ມທະວີສາຍພົວພັນມິດຕະພາບ ຢ່າງເລິກເຊິ່ງໃນການປະຕິບັດທາງດ້ານການທະຫານ ໃຫ້ໄດ້ຮັບໝາກຜົນໃໝ່ໃນອະນາຄົດ.

ແຫຼ່ງຂ່າວໂດຍ ຂກທ
ວັນທີ 26/11/2024