ກົມໃຫຍ່ພະລາທິການກອງທັບ ເຜີຍແຜ່ເອກະສານຜູ້ສັ່ງການເອກຂັ້ນ II
ແລະ ເອກະສານເງິນນະໂຍບາຍເພີ່ມຂອງກອງທັບ
ພົນຕີ ຄໍາເພັດ ສີຊານົນ ກໍາມະການຄະນະປະຈໍາພັກ ກະຊວງປ້ອງກັນປະເທດ ຫົວໜ້າກົມໃຫຍ່ພະລາທິການກອງທັບ ເປັນປະທານ
ວັນທີ 25 ມິຖຸນາ 2024 ນີ້, ກົມໃຫຍ່ພະລາທິການກອງທັບ ໄດ້ເຜີຍແຜ່ເອກະສານຜູ້ສັ່ງການເອກຂັ້ນ II ແລະ ເອກະສານເງິນນະໂຍບາຍ
ຊ່ວຍໜູນ, ເງິນອຸດໜູນ, ເງິນກິນເພີ່ມຢູ່ໃນກອງທັບປະຊາຊົນລາວ, ໂດຍການເປັນປະທານຂອງ ສະຫາຍ ພົນຕີ ຄໍາເພັດ ສີຊານົນ ກໍາມະການຄະ
ນະປະຈໍາພັກ ກະຊວງປ້ອງກັນປະເທດ ຫົວໜ້າກົມໃຫຍ່ພະລາທິການກອງທັບ, ມີຄະນະນໍາກະຊວງ, 4 ກົມໃຫຍ່, ຫ້ອງວ່າການ ກະຊວງປ້ອງ
ກັນປະເທດ, ກົມກອງເຂດໃຈກາງນະຄອນຫຼວງ ແລະ ພະນັກງານທີ່ກ່ຽວຂ້ອງ ເຂົ້າຮ່ວມ.
ອີງຕາມດຳລັດຂອງນາຍົກລັດຖະມົນຕີ ວ່າດ້ວຍ ການຈັດຕັ້ງ ແລະ ການເຄື່ອນໄຫວຂອງ ກະຊວງປ້ອງກັນປະເທດ ສະບັບເລກທີ 348/ນຍ,
ລົງວັນທີ 01 ຕຸລາ 2007, ອີງຕາມກົດໝາຍວ່າດ້ວຍງົບປະມານແຫ່ງລັດ ສະບັບເລກທີ 71/ສພຊ, ລົງວັນທີ 16 ທັນວາ 2015 ແລະ ສະບັບເລກ
ທີ 13/ສພຊ, ລົງວັນທີ 17 ພະຈິກ 2021 ເພື່ອເຮັດໃຫ້ວຽກງານຄຸ້ມຄອງການເງິນກ້າວສູ່ລະບຽບແບບແຜນ, ໃຫ້ຖືກຕ້ອງຕາມກົດໝາຍງົບປະ
ມານແຫ່ງລັດ ເປັນການປັບປຸງ ແລະ ຈັດຕັ້ງປະຕິບັດໃຫ້ມີຄວາມເປັນເອກະພາບກັນ ແລະ ຖືກຕ້ອງ, ເຂັ້ມງວດ ເພື່ອເຮັດໃຫ້ຄະນະບັນຊາມີຄວາມ
ຮັບຜິດຊອບສູງຕໍ່ໜ້າທີ່ ແລະ ພາລະບົດບາດຂອງຕົນ, ອີງຕາມແນວທາງແຜນນະໂຍບາຍຂອງພັກ-ລັດ ໃນການປັບປຸງ-ກໍ່ສ້າງກອງທັບໃຫ້ເຂັ້ມແຂງ
ແລະ ທັນສະໄໝຂຶ້ນເປັນກ້າວໆ ເພື່ອຮັບປະກັນໃນການຈັດຕັ້ງປະຕິບັດລະບອບເງິນນະໂຍບາຍຊ່ວຍໜູນ, ເງິນອຸດໜູນ ແລະ ເງິນກິນເພີ່ມຢູ່ໃນກອງ
ທັບປະຊາຊົນລາວ ໃຫ້ມີຄວາມເປັນເອກະພາບ ແລະ ແທດເໝາະກັບສະພາບເງື່ອນໄຂເສດຖະກິດຕົວຈິງ, ພ້ອມທັງຍົກສູງເງິນເດືອນ, ເງິນກິນໃຫ້
ນາຍ ແລະພົນທະຫານ ຮັບປະກັນໃຫ້ມີສຸຂະພາບແຂງແຮງ ແລະ ເອກະສານທີ່ນໍາມາເຜີຍແຜ່ລວມມີຂໍ້ກໍານົດກ່ຽວກັບມາດຖານ, ເງື່ອນໄຂ, ໜ້າທີ່
ແລະ ພາລະບົດຂອງຜູ້ສັ່ງການເອກຂັ້ນ II, ຂໍ້ຕົກລົງວ່າດ້ວຍເງິນນະໂຍບາຍຊ່ວຍໜູນ, ເງິນອຸດໜູນ, ເງິນກິນເພີ່ມຢູ່ໃນ ກອງທັບປະຊາຊົນລາວ, ເຊິ່ງ
ຄວາມໝາຍຂອງຜູ້ສັ່ງການເອກຂັ້ນ II, ແມ່ນຜູ້ທີ່ໄດ້ຮັບການແຕ່ງຕັ້ງບົ່ງຕົວມອບສິດ ແລະ ຕົກລົງຈາກ ລັດຖະມົນຕີກະຊວງປ້ອງກັນປະເທດ ໂດຍ
ກົງ, ໃຫ້ເປັນຜູ້ສັ່ງຮັບ-ຈ່າຍເງິນແທນລັດຖະມົນຕີກະຊວງປ້ອງກັນປະເທດ ຢູ່ບັນດາກົມກອງຫົວໜ່ວຍງົບປະມານເອກະລາດຂັ້ນ II ທີ່ຂຶ້ນກັບກະຊວງ
ປ້ອງກັນປະເທດ, ແມ່ນຜູ້ທີ່ຖືກມອບໝາຍໃຫ້ຕາງໜ້າຄະນະພັກ-ຄະນະບັນຊາລົງລາຍເຊັນໃນໃບສະເໜີຂໍຮັບ-ຈ່າຍເງິນແລະ ໃບບົງສັ່ງຮັບ-ຈ່າຍເງິນ,
ເຊັ່ນໃນໃບສະຫຼຸບ, ບົດລາຍງານທາງດ້ານການເງິນ, ໃບງົບປະມານດ້ານການເງິນ ແລະເອກະສານຕ່າງໆ ຂອງການເງິນທີ່ຂຶ້ນກັບຕົນ.
ໂອກາດນີ້, ສະຫາຍ ພົນຕີ ຄໍາເພັດ ສີຊານົນ ຫົວໜ້າກົມໃຫຍ່ພະລາທິການກອງທັບ ປະທານກອງປະຊຸມ ກໍໄດ້ມີຄໍາເຫັນໂອ້ລົມ ຕໍ່ການຈັດຕັ້ງ
ເຜີຍເເຜ່ເອກະສານສໍາຄັນຂອງກອງທັບໃນຄັ້ງນີ້, ໂດຍຮຽກຮ້ອງໃຫ້ຄະນະພັກ-ຄະນະບັນຊາທຸກຂັ້ນ, ໂດຍສະເພາະຜູ້ສັ່ງການເອກຂັ້ນ II ແລະ ພະ
ນັກງານພະລາທິການ, ກໍຄືຜູ້ທີ່ເຮັດວຽກງານວິຊາສະເພາະການເງິນຂອງກອງທັບ, ຕ້ອງມີທັດສະນະຫຼັກໝັ້ນການເມືອງໜັກແໜ້ນ, ມີຄວາມຈົງຮັກ
ພັກດີຕໍ່ອຸດົມການສັງຄົມນິຍົມ, ມີຄວາມສັດຊື່ບໍລິສຸດຕໍ່ປະເທດຊາດ, ຕໍ່ປະຊາຊົນ, ມີຫຼັກໝັ້ນແຍກໄດ້ມິດ, ສັດຕູຢ່າງຈະແຈ້ງ, ບໍ່ຫວັ່ນໄຫວຄອນ
ແຄນຕໍ່ສະພາບການຕ່າງໆ ທີ່ເກີດຂື້ນຢູ່ພາຍໃນກົມກອງ, ມີນໍ້າໃຈເສຍສະຫຼະ ເພື່ອປະເທດຊາດ ແລະປະຊາຊົນຢ່າງເດັດດ່ຽວໜຽວແໜ້ນ, ມີແບບ
ແຜນນໍາພາທີ່ດີ, ມີວິທີການເຮັດວຽກທີ່ຖືກຕ້ອງ, ເຄົາລົບ ແລະ ປະຕິບັດຫຼັກການລວມສູນປະຊາທິປະໄຕ ຢ່າງເຂັ້ມງວດ, ເປັນຕົ້ນແມ່ນລະບອບ
ການນໍາພາເປັນໝູ່ຄະນະ, ແບ່ງວຽກໃຫ້ບຸກຄົນຮັບຜິດຊອບ, ມີການແບ່ງງານ, ແບ່ງຄວາມຮັບຜິດຊອບລະຫວ່າງວຽກງານນໍາພາກັບວຽກງານຄຸ້ມ
ຄອງບັນຊາແຕ່ລະຂັ້ນຂອງຕົນ, ຮູ້ຈັກປະສານສົມທົບການພົວພັນລະຫວ່າງຂັ້ນລຸ່ມກັບຂັ້ນເທິງໄດ້ດີ, ສ່ອງແສງລາຍງານ, ສະຫຼຸບຕີລາຄາ ແລະ ຖອດ
ຖອນບົດຮຽນໃນການຈັດຕັ້ງປະຕິບັດໜ້າທີ່ວຽກງານ ທີ່ໄດ້ຮັບການມອບໝາຍ, ພົວພັນສະນິດແໜ້ນ ແລະ ໄດ້ຮັບຄວາມເຊື່ອຖືໄວ້ວາງໃຈຈາກພະ
ນັກງານ, ນັກຮົບໃນກົມກອງໄດ້ດີ ແລະ ພ້ອມກັນນໍາເອົາເນື້ອໃນຈິດໃຈຜົນສໍາເລັດ ຂອງການຈັດຕັ້ງເຜີຍແຜ່ເອກະສານຜູ້ສັ່ງການເອກຂັ້ນ II ແລະ
ເອກະສານເງິນນະໂຍບາຍຊ່ວຍໜູນ, ເງິນອຸດໜູນ, ເງິນກິນເພີ່ມຢູ່ໃນ ກອງທັບປະຊາຊົນລາວ ຢູ່ໃນຂັ້ນກົມໃຫຍ່ໃນຄັ້ງນີ້, ນໍາໄປຈັດຕັ້ງປະຕິບັດຢູ່ໃນ
ຂັ້ນ ກົມກອງຂອງຕົນໃຫ້ມີຜົນສໍາເລັດຈົບງາມ.
ແຫຼ່ງຂ່າວໂດຍ ຄໍາປະສົງ ລາດຊະວົງ
ວັນທີ 26/06/2024