ສະຫາຍ ພົນເອກ ຈັນສະໝອນ ຈັນຍາລາດ ຕ້ອນຮັບການເຂົ້າຢ້ຽມຂໍ່ານັບ
ຂອງ ສະຫາຍ ພົນຈັດຕະວາ ຮີງ ດັກ ເຮືອງ ພ້ອມດ້ວຍຄະນະ

    ໃນວັນທີ 23 ກັນຍາ 2024 ນີ້, ສະຫາຍ ພົນເອກ ຈັນສະໝອນ ຈັນຍາລາດ ຮອງນາຍົກລັດ ຖະມົນຕີ, ລັດຖະມົນຕີກະຊວງປ້ອງກັນ
ປະເທດ ແຫ່ງ ສປປ ລາວ ໄດ້ຕ້ອນຮັບການເຂົ້າຢ້ຽມຂ່ຳນັບຂອງ ສະຫາຍ ພົນຈັດຕະວາ ຮີງ ດັກ ເຮືອງ ຫົວໜ້າຕິດຕໍ່ປະສານງານທົ່ວປະເທດ
ອາດີດ ທະຫານອາສາສະໝັກ ແລະ ຊ່ຽວຊານຫວຽດນາມທີຊ່ວຍເຫຼືອການປະຕິວັດລາວໃນໄລຍະຜ່ານມາ ພ້ອມດ້ວຍຄະນະ ເນື່ອງໃນໂອກາດ
ວັນມູນເຊື້ອຄະນະປະສານງານທົ່ວປະເທດ ອະດີດທະຫານອາສາສະໝັກ ແລະ ຊ່ຽວຊານການທະຫານຊ່ວຍເຫຼືອການປະຕິວັດລາວ ຄົບຮອບ
75 ປີ (30 ຕຸລາ 1949-30 ຕຸລາ 2024) ທີ່ຈະມາເຖິງນີ້.

     ສະຫາຍ ພົນເອກ ຈັນສະໝອນ ຈັນຍາລາດ ໄດ້ສະແດງຄວາມຍິນດີຕ້ອນຮັບອັນອົບອຸ່ນທີ່ເຕັມໄປດ້ວຍໄມຕີຈິດມິດຕະພາບຕໍ່ ສະຫາຍ ພົນ
ຈັດຕະວາ ຮີງ ດັກ ເຮືອງ ພ້ອມດ້ວຍຄະນະຜູ້ແທນອະດີດທະຫານອາສາສະໝັກ ແລະ ຊ່ຽວຊານຫວຽດນາມ ຊ່ວຍເຫຼືອການປະຕິວັດລາວ ເຊິ່ງ
ສະແດງໃຫ້ເຫັນສາຍພົວພັນອັນສະໜິດແໜ້ນທີ່ບໍ່ອາດແຍກອອກຈາກກັນໄດ້ຖານບ້ານໃກ້ເຮືອນຄຽງ, ຖານອ້າຍນ້ອງຮ່ວມອຸທອນດຽວກັນຊ່ວຍ
ເຫຼືອເຊິ່ງກັນ ແລະ ກັນ ໃນທຸກຂົງເຂດວຽກງານໃຫ້ໄດ້ຮັບການພັດທະນາຢ່າງຕໍ່ເນື່ອງ ພ້ອມທັງສືບຕໍ່ໃຫ້ການສະໜັບສະໜູນຊ່ວຍເຫຼືອ ໃນການ
ເສີມຂະຫຍາຍສາຍພົວພັນ ມິດຕະພາບ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງສອງພັກ, ສອງລັດ, ປະຊາຊົນສອງ
ຊາດ ເວົ້າລວມ. ເວົ້າສະເພາະ, ສອງກອງທັບລາວ-ຫວຽດນາມ, ຫວຽດນາມ-ລາວ ໃຫ້ນັບມື້ຈະເລີນງອກງາມຂຶ້ນເລື້ອຍໆ.

     ໂອກາດນີ້, ສະຫາຍ ພົນຈັດຕະວາ ຮີງ ດັກ ເຮືອງ ຍັງໄດ້ກ່າວສະແດງຄວາມຂອບໃຈຕໍ່ ສະຫາຍ ພົນເອກ ຈັນສະໝອນ ຈັນຍາລາດ ທີ່ໄດ້
ໃຫ້ຕ້ອນຮັບອັນອົບອຸ່ນ ທີ່ສະແດງໃຫ້ເຫັນເຖິງສາຍພົວພັນອັນສະໜິດແໜ້ນລະຫວ່າງສອງພັກ, ສອງລັດ ກໍຄືປະຊາຊົນສອງຊາດ ໂດຍສະເພາະ
ແມ່ນສອງກອງທັບ ລາວ-ຫວຽດນາມ, ຫວຽດນາມ-ລາວ ທີ່ເປັນມູນເຊື້ອມີມາແຕ່ດົນນານ ພ້ອມທັງສືບຕໍ່ເສີມຂະຫຍາຍສາຍພົວພັນ ໃຫ້ນັບ
ມື້ຈະເລີນງອກງາມຂຶ້ນຢ່າງບໍ່ຢຸດຢັ້ງ.

     ໂອກາດທີ່ເດີນທາງມາຢ້ຽມຢາມຄັ້ງນີ້, ສະຫາຍ ພ້ອມຄະນະຍັງໄດ້ມອບເງິນຊ່ວຍເຫຼືອໄພນໍ້າຖ້ວມຈຳນວນ 10 ລ້ານກີບ. ຫຼັງຈາກນັ້ນ, ສະ
ຫາຍ ພົນຈັດຕະວາ ຮີງ ດັກ ເຮືອງ ພ້ອມດ້ວຍຄະນະ ຍັງໄດ້ເດີນທາງໄປຢ້ຽມຢາມ ສະຫາຍ ພົນໂທ ແສງນວນ ໄຊຍະລາດ ປະທານສະຫະພັນ
ນັກຮົບເກົ່າແຫ່ງຊາດລາວຕື່ມອີກ.

ແຫຼ່ງຂ່າວໂດຍ ບຸນເກີດ
ວັນທີ 25/09/2024