ປະກາດຮັບຮອງເອົາຄະນະບໍລິຫານງານພັກ ສະໄໝທີ VI ໂຮງຮຽນກໍ່ສ້າງນາຍສິບເລກ 2 ວຽງໄຊ

     ພິທີປະກາດຮັບຮອງເອົາຄະນະບໍລິຫານງານພັກ ສະໄໝທີ VI ແລະ ແຕ່ງຕັ້ງໜ້າທີ່ໃໝ່ໃຫ້ພະນັກງານຢູ່ຫ້ອງພະລາທິການໂຮງຮຽນກໍ່
ສ້າງນາຍສິບເລກ 2 ວຽງໄຊ ໄດ້ຈັດຂຶ້ນໃນວັນທີ 22 ຕຸລາ 2024 ນີ້. ໂດຍການເປັນປະທານ ຂອງສະຫາຍ ພົນຕີ ວົງສອນ ອິນປານພິມ ກຳ
ມະການປະຈຳພັກກະຊວງປ້ອງກັນປະເທດ, ຮອງຫົວໜ້າກົມໃຫຍ່ການເມືອງກອງທັບ, ມີສະຫາຍ ພົນຈັດຕະວາ ຈັນດີ ສຸລິວົງສັກ ກຳມະ
ການຄະນະພັກກະຊວງ, ຮອງຫົວໜ້າກົມໃຫຍ່ພະລາທິການກອງທັບ, ມີກົມຈັດຕັ້ງພັກ, ກົມເສນາພະລາ, ມີບັນດາແຂກຖືກເຊີນຈາກກົມ
ກອງອ້ອມຂ້າງ, ມີຄະນະພັກໂຮງຮຽນ, ຄະນະພັກຮາກຖານ, ຄະນະໜ່ວຍພັກ ຕະຫຼອດຮອດ ພະນັກງານສະມາຊິກພັກຫຼັກແຫຼ່ງ ເຂົ້າຮ່ວມ.

     ສະຫາຍ ພົນຈັດຕະວາ ຈັນທາ ບຸນນະວົງ ຫົວໜ້າກົມຈັດຕັ້ງພັກ ກົມໃຫຍ່ການເມືອງກອງທັບ ໄດ້ຜ່ານມະຕິຕົກລົງກະຊວງປ້ອງກັນປະ
ເທດ ວ່າດ້ວຍ ການຮັບຮອງເອົາຄະນະບໍລິຫານງານພັກໂຮງຮຽນກໍ່ສ້າງນາຍສິບເລກ 2 ວຽງໄຊ ສະໄໝທີ VI, ອີງຕາມກົດລະບຽບພັກປະຊາ
ຊົນປະຕິວັດລາວ, ອີງຕາມຜົນສໍາເລັດກອງປະຊຸມໃຫຍ່ຜູ້ແທນສະມາຊິກພັກ ຄັ້ງວັນທີ 30 ສິງຫາ 2024 ທີ່ຜ່ານມາ ກະຊວງປ້ອງກັນປະເທດ
ຕົກລົງຮັບຮອງເອົາຄະນະບໍລິຫານງານພັກໂຮງຮຽນກໍ່ສ້າງນາຍສິບເລກ 2 ວຽງໄຊ ສະໄໝທີ VI ຈໍານວນ 11 ສະຫາຍ ຄື: ສະຫາຍ ພັນເອກ
ສຳລີ ຈັນທະວົງ, ສະຫາຍ ພົນຈັດຕະວາ ວົງມະນີຈັນ ສາມາວົງ, ສະຫາຍ ພັນເອກ ບຸນມີ ໄຕໄຊຍະວົງ, ສະຫາຍ ພັນເອກ ກິແກ້ວ ລິດແສນ
ຫວັງ, ສະຫາຍ ພັນເອກ ຄູຂັນ ແກ້ວບຸນມີ, ສະຫາຍ ພັນໂທ ສົມໃຈ ສຸກປະເສີດ, ສະຫາຍ ພັນໂທ ຄຳຫຼ້າ ວົງສົມພູ, ສະຫາຍ ພັນໂທ ສີອຳ
ພອນ ແກ້ວນະຄອນ, ສະຫາຍ ພັນໂທ ຄູນເພັງ ອຸ່ນທະສິນ, ສະຫາຍ ພັນໂທ ຫີນໄຊ ພົມມະໄຊ, ສະຫາຍ ພັນໂທ ກົງມະລີ ວົງພັນ ແລະ ຮັບ
ຮອງເອົາຄະນະປະຈຳພັກ, ເລຂາ, ຮອງເລຂາ ຄະນະບໍລິຫານງານພັກ, ປະທານ ແລະ ຮອງປະທານຄະນະກວດກາພັກໂຮງຮຽນ ໃນນີ້ມີ: ສະ
ຫາຍ ພັນເອກ ສຳລີ ຈັນທະວົງ ເປັນເລຂາ, ສະຫາຍ ພົນຈັດຕະວາ ວົງມະນີຈັນ ສາມາວົງ ເປັນຮອງເລຂາ, ສະຫາຍ ພັນເອກ ບຸນມີ ໄຕໄຊ
ຍະວົງ ເປັນປະທານຄະນະກວດກາພັກ, ພ້ອມນີ້ ຍັງໄດ້ຜ່ານຂໍ້ຕົກລົງກະຊວງປ້ອງກັນປະເທດ ວ່າດ້ວຍການແຕ່ງຕັ້ງຄະນະຫ້ອງຂຶ້ນກັບໂຮງຮຽນ
ກໍ່ສ້າງນາຍສິບເລກ 2 ວຽງໄຊ, ກະຊວງປ້ອງກັນປະເທດຕົກລົງແຕ່ງຕັ້ງ ສະຫາຍ ພັນໂທ ຫີນໄຊ ພົມມະໄຊ, ສະຫາຍ ພັນໂທ ຄຳພວງ ຕະອອນ
ເກດ ເປັນຮອງຫົວໜ້າຫ້ອງພະລາທິການ ແລະ ຍັງໄດ້ແຕ່ງຕັ້ງຫົວໜ້າພະແນກ, ຮອງພະແນກ ທີ່ຂຶ້ນກັບຫ້ອງພະລາທິການຕື່ມອີກ.

     ໂອກາດນີ້ ສະຫາຍ ພົນຕີ ວົງສອນ ອິນປານພິມ ໄດ້ເນັ້ນໃຫ້ຄະນະພັກທີ່ໄດ້ຮັບການເລືອກຕັ້ງໃໝ່ ເອົາໃຈໃສ່ສຶກສາອົບຮົມການເມືອງນຳ
ພາ-ແນວຄິດ ໃຫ້ພະນັກງານ-ນັກຮົບ, ມີແນວຄິດໜັກແໜ້ນທາງດ້ານການຈັດຕັ້ງ ເຂົ້າໃຈແຈ້ງຕໍ່ແນວທາງນະໂຍບາຍຂອງພັກ-ລັດ ໃຫ້ເລິກເຊິ່ງ
ໃນແຕ່ລະໄລຍະ, ຍົກສູງບົດບາດການນຳພາຂອງພັກໃຫ້ເຂັ້ມແຂງ, ຖືກຕ້ອງຕາມຫຼັກການ, ສອດຄ່ອງກັບວິທະຍາສາດຕົວຈິງ, ເຮັດວຽກແບບ
ລວມສູນປະຊາທິປະໄຕ, ເຮັດວຽກເປັນຄະນະ, ແບ່ງໃຫ້ບຸກຄົນຮັບຜິດຊອບ, ມີຄວາມສາມັກຄີພາຍໃນໃຫ້ແໜ້ນແຟ້ນ ແລະ ຮຽກຮ້ອງ ໃຫ້
ພະນັກງານນຳພາແຕ່ລະຂັ້ນ ຈົ່ງເປັນແບບຢ່າງໃນທຸກຂົງເຂດວຽກງານຂອງກົມກອງ, ມີແບບແຜນດຳລົງຊີວິດທີ່ປອດໃສຂາວສະອາດ, ພ້ອມກັນ
ເຮັດສຳເລັດ ໜ້າທີ່ທີ່ຂັ້ນເທິງມອບໝາຍໃຫ້.

ແຫຼ່ງຂ່າວໂດຍ ຄຳແປງ ຟອງສາຍໄໝ
ວັນທີ 24/10/2024