ທ່ານ ຮອງລັດຖະມົນຕີກະຊວງປ້ອງກັນປະເທດ ຕ້ອນຮັບການເຂົ້າຢ້ຽມຂ່ຳນັບຂອງ
ທ່ານ ຫົວໜ້າຫ້ອງການທີ່ປຶກສາ ທູດປ້ອງກັນຊາດ ສ. ເກົາຫຼີ ປະຈໍາ ສປປ ລາວ

    ວັນທີ 22 ກໍລະກົດ 2024 ນີ້, ຢູ່ທີ່ກະຊວງປ້ອງກັນປະເທດ ທ່ານ ພົນຕີ ສາຍໃຈ ກົມມະສິດ ຮອງລັດຖະມົນຕີ ກະຊວງປ້ອງກັນປະເທດ
ພ້ອມດ້ວຍຄະນະ ໄດ້ໃຫ້ການຕ້ອນຮັບການເຂົ້າຢ້ຽມຂ່ຳນັບຂອງ ທ່ານ ພັນເອກ ຫວັງອິນຊູ ຫົວໜ້າຫ້ອງການທີ່ປຶກສາທູດປ້ອງກັນຊາດ ສ. ເກົາ
ຫຼີ ປະຈໍາ ສປປ ລາວ ເນື່ອງໃນໂອກາດທີ່ ທ່ານ ໄດ້ສຳເລັດການປະຕິບັດໜ້າທີ່ຢູ່ ສປປ ລາວ.

     ໃນໂອກາດນີ້, ທ່ານ ພົນຕີ ສາຍໃຈ ກົມມະສິດ ກໍໄດ້ກ່າວສະແດງຄວາມຍິນດີຕ້ອນຮັບດ້ວຍ ໄມຕີຈິດມິດຕະພາບອັນອົບອຸ່ນ ແລະ ສະໜິດ
ສະໜົມ ພ້ອມທັງຕີລາຄາສູງຕໍ່ສາຍພົວພັນທີ່ເປັນມູນເຊື້ອອັນດີງາມ ລະຫວ່າງສອງຊາດ, ສອງກອງທັບລາວ-ສ.ເກົາຫຼີ ທີ່ນັບມື້ແຕກດອກອອກຜົນ
ທັງເປັນການປະກອບສ່ວນທີ່ສໍາຄັນເຂົ້າໃນການຮັດ ແໜ້ນສາຍພົວພັນມິດຕະພາບ ແລະ ການຮ່ວມມືລະຫວ່າງສອງຊາດ, ສອງກອງທັບ ລາວ-ສ.
ເກົາຫຼີ ພ້ອມທັງອວຍພອນ ໃຫ້ທ່ານຫົວໜ້າຫ້ອງການທີ່ປຶກສາທູດປ້ອງ ກັນຊາດ ສ. ເກົາຫຼີ ປະຈຳ ສປປ ລາວ ປະສົບຜົນສໍາເລັດໃນໜ້າທີ່ວຽກ
ງານທຸກປະການ.

     ໂອກາດນີ້, ທ່ານ ພັນເອກ ຫວັງອິນຈູ ກໍໄດ້ກ່າວສະແດງຄວາມຂອບໃຈຕໍ່ ທ່ານ ຮອງລັດຖະມົນຕີ ກະຊວງປ້ອງກັນປະເທດລາວ ທີ່ໃຫ້ການ
ຕ້ອນຮັບອັນອົບອຸ່ນດ້ວຍໄມຕີຈິດມິດຕະພາບ ແລະ ສະໜິດສະ ໜົມທີ່ເຕັມໄປດ້ວຍຄວາມຮັກແພງ ພ້ອມທັງກ່າວຕື່ມວ່າ: ສາຍພົວພັນມິດຕະ
ພາບລະຫວ່າງສອງຊາດ, ສອງກອງທັບ ສ. ເກົາຫຼີ-ລາວ ຈະສຶບຕໍ່ໃຫ້ນັບມືິ້ໄດ້ຮັບການພົວພັນທີ່ແໜ້ນແຟ້ນ ແລະ ເລິກເຊິ່ງ ສະແດງອອກໃນການ
ແລກປ່ຽນຄະນະຜູ້ແທນຂັ້ນຕ່າງໆ ໃນອະນາຄົດຍິ່ງຈະໄດ້ຮັບການເສີມຂະຫຍາຍກ້າວຂຶ້ນຢ່າງບໍ່ຢຸດຢັ້ງ.

ແຫຼ່ງຂ່າວໂດຍ ຂກທ
ວັນທີ 24/07/2024