ກົມໃຫຍ່ການເມືອງກອງທັບ ປິດຂະບວນການແຂ່ງຂັນກິລາມວນຊົນ ປະຈຳປີ 2024

    ວັນທີ 18 ພະຈິກ 2024 ນີ້, ກົມໃຫຍ່ການເມືອງກອງທັບ ໄດ້ປິດຂະບວນການແຂ່ງຂັນກິລາ ມວນຊົນ ປະຈຳປີ 2024, ໂດຍການ
ເປັນປະທານຂອງ ສະຫາຍ ພົນຕີ ໄພວັນ ຈັດທະພົມມາ ຮອງຫົວໜ້າກົມໃຫຍ່ການເມືອງກອງທັບ, ມີຄະນະພັກ-ຄະນະບັນຊາ ກົມ, ຫ້ອງ
ການ, ກອງ, ພະແນກການ, ແຂກທີ່ຖືກເຊີນ ພ້ອມດ້ວຍ ນັກກິລາ ເຂົ້າຮ່ວມ.

     ສະຫາຍ ພັນເອກ ສຸວັນນີ ດວງປະເສີດ ຮອງຫົວໜ້າຫ້ອງການເມືອງ ກົມໃຫຍ່ການເມືອງກອງທັບ ໄດ້ຜ່ານບົດສະຫຼຸບຂະບວນການ
ແຂ່ງຂັນກິລາມວນຊົນ ເພື່ອຂ່ຳນັບຮັບຕ້ອນບັນດາວັນສຳຄັນຕ່າງໆຂອງຊາດ, ຂອງພັກ, ຂອງກອງທັບ ໂດຍສະເພາະ ວັນຊາດທີ 2 ທັນ
ວາ ຄົບຮອບ 49 ປີ, ວັນຄ້າຍວັນເກີດ ປະທານ ໄກສອນ ພົມວິຫານ ຄົບຮອບ 104 ປີ, ວັນສ້າງຕັ້ງກອງທັບປະຊາຊົນລາວ ຄົບຮອບ 76
ປີ ແລະ ກອງປະຊຸມໃຫຍ່ ຄັ້ງທີ VI ຂອງອົງຄະນະພັກກົມໃຫຍ່ການເມືອງກອງທັບ ໃຫ້ມີບັນຍາກາດຟົດຟື້ນມ່ວນຊື່ນ, ແຂງແຮງ ແລະ ຕໍ່
ເນື່ອງ, ເປັນການສຶກສາອົບຮົບການເມືອງ-ນຳພາແນວຄິດ ໃຫ້ພະນັກງານ-ນັກຮົບ ເຊື່ອໝັ້ນຕໍ່ການນຳພາຂອງພັກ, ມີຈິດໃຈເບີກບວນ
ມ່ວນຊື່ນ, ເປັນການຮັດແໜ້ນຄວາມສາມັກຄີ ລະຫວ່າງຂັ້ນເທິງ-ຂັ້ນລຸ່ມ, ກົມກອງ ກັບ ກົມກອງ, ເຊິ່ງຂະບວນການດັ່ງກ່າວໄດ້ດຳເນີນ
ມາເປັນເວລາ 15 ວັນ ເລີ່ມຕັ້ງແຕ່ວັນທີ 23 ຕຸລາ ຫາ 18 ພະຈິກ 2024; ຜ່ານການແຂ່ງຂັນຜົນປະກົດວ່າ: ບານສົ່ງຊາຍ ປະເພດທີ I
ຫ້ອງການບໍລິຫານ ກົມໃຫຍ່ການເມືອງກອງທັບ, ທີ II ສູນອົງຄະທຽມ 686, ທີ III ກອງວິທະຍຸກະຈາຍສຽງກອງທັບ; ບານສົ່ງຍິງ ທີ I
ກອງພັນ 160, ທີ II ກອງວິທະຍຸກະຈາຍສຽງກອງທັບ, ທີ III ຫ້ອງການກົມໃຫຍ່ການເມືອງກອງທັບ; ປະເພດກິລາກະຕໍ້ ທີ I ຫ້ອງການ
ບໍລິຫານກົມໃຫຍ່ການເມືອງກອງທັບ, ທີ II ກອງພັນ 987, ທີ III ກອງພັນ 988; ປະເພດກິລາເປຕັງປະສົມຊາຍ-ຍິງ ທີ I ກອງສິລະປະ
ກອນກອງທັບ, ທີ II ສູນ 686, ທີ III ໜັງສືພິມກອງທັບ.

     ສະຫາຍ ພົນຕີ ໄພວັນ ຈັດທະພົມມາ ໄດ້ສະແດງຍ້ອງຍໍຊົມເຊີຍຕໍ່ຄະນະຮັບຜິດຊອບ, ບັນດານັກກິລາ, ກຳມະການ ແລະ ພາກສ່ວນ
ກ່ຽວຂ້ອງ ທີ່ເອົາໃຈໃສ່ປະຕິບັດໜ້າທີ່ເຂົ້າຮ່ວມຂະບວນການດັ່ງກ່າວຈົນສຳເລັດໄດ້ຢ່າງຈົບງາມ, ພ້ອມທັງ ສະແດງຄວາມຊົມເຊີຍຕໍ່ນັກ
ກິລາແຕ່ລະກົມ-ກອງ ທີ່ສາມາດຍາດໄດ້ລາງວັນຊະນະເລີດ, ຮອງຊະນະເລີດ ແລະ ລາງວັນຊົມເຊີຍ ຢ່າງສົມກຽດ.

ແຫຼ່ງຂ່າວໂດຍ ຂກທ
ວັນທີ 19/11/2024