ວິທະຍາຄານປ້ອງກັນຊາດໄກສອນ ພົມວິຫານ ປິດສົກຮຽນ 2023-2024

ສະຫາຍ ພົນໂທ ຄໍາລຽງ ອຸທະໄກສອນ ກໍາມະການສູນກາງພັກ ຮອງລັດຖະມົນຕີ ກະຊວງປ້ອງກັນປະເທດ ຫົວໜ້າກົມໃຫຍ່ເສນາທິການກອງທັບ ​ເປັນ​ປະທານ

    ໃນ​ວັນ​ທີ 18 ມິ​ຖຸນາ 2024 ນີ້ ຂຶ້ນໂດຍການເປັນປະທານ ຂອງ ສະຫາຍ ພົນໂທ ຄໍາລຽງ ອຸທະໄກສອນ ກໍາມະການສູນກາງພັກ ຮອງລັດ
ຖະມົນຕີ ກະຊວງປ້ອງກັນປະເທດ ຫົວໜ້າກົມໃຫຍ່ເສນາທິການກອງທັບ, ມີສະຫາຍ ພົນຈັດຕະວາ ປອ ແກ້ວສຸວັນ ອິນທະວົງສາ ກໍາມະການ
ຄະນະພັກກະຊວງປ້ອງກັນປະເທດ ຮອງເລຂາຄະນະພັກ ຫົວໜ້າການທະຫານ ວິທະຍາຄານປ້ອງກັນຊາດ ໄກສອນ ພົມວິຫານ, ມີຄະນະພັກ-
ຄະນະບັນຊາວິທະຍາຄານປ້ອງກັນຊາດ ໄກສອນ ພົມວິຫານ, ມີຄະນະກົມໂຮງຮຽນ, ກົມກໍາລັງພົນ, ກົມຈັດຕັ້ງພັກ, ກົມພະນັກງານ, ບັນດາ
ວິທະຍາຄານ, ຄະນະຫ້ອງ, ຄະນະກົມ, ຄະນະຮັບຜິດຊອບນັກສຶກສາ, ຄູອາຈານ, ຊ່ຽວຊານຕ່າງປະເທດພ້ອມດວ້ຍພະນັກງານ-ນັກສຶກສາ
ເຂົ້າຮ່ວມ.

     ສະຫາຍ ພົນຈັດຕະວາ ປອ ສົງກາ ບຸນຄຸນ ຮອງຫົວໜ້າການທະຫານ ວິທະຍາຄານປ້ອງກັນຊາດ ໄກສອນ ພົມວິຫານ ໄດ້ຂຶ້ນຜ່ານບົດລາຍ
ງານສົກຮຽນ 2023-2024 ວິທະຍາຄານປ້ອງກັນຊາດ ໄກສອນ ພົມວິຫານ ພື້ນຖານມີຄວາມສະຫງົບໃນທຸກດ້ານ ລະບົບການຈັດຕັ້ງ, ບຸກຄະ
ລະກອນ, ໂຄງການຫຼັກສູດ, ເນື້ອໃນອົບຮົມ, ວິທີການຮຽນການສອນ ໄດ້ມີການປັບປຸງເຂົ້າສູ່ລະບົບມາດຕະຖານເທື່ອລະກ້າວ, ພື້ນຖານໂຄງລ່າງ,
ແບບແຜນວິທີການເຄື່ອນໄຫວໄດ້ຮັບການປັບປຸງ ແລະ ພັດທະນາດີຂຶ້ນກວ່າເກົ່າ ສາມາດເຮັດສໍາເລັດໜ້າທີ່ການເມືອງທີ່ພັກ-ລັດ ແລະ ກະຊວງ
ປ້ອງກັນປະເທດມອບໝາຍໃຫ້ເປັນຢ່າງດີ. ໃນນີ້, ນັກສຶກສາທີ່ມາບຳລຸງ-ກໍ່ສ້າງນາຍທະຫານ ນໍາພາ-ບັນຊາ ແລະ ພາສາຕ່າງປະເທດຢູ່ວິທະຍາ
ຄານປ້ອງກັນຊາດ ໄກສອນ ພົມວິຫານ ມີ 15 ເປົ້າໝາຍທີ່ຮຽນຈົບໃນສົກຮຽນ 2023-2024 ເຊິ່ງປະກອບມີ: ກໍ່ສ້າງເລັ່ງລັດ ຍຸດທະບັ້ນຮົບ-ຍຸດ
ທະສາດ ລະບົບ 1 ປີ, ຊຸດທີ XX 30 ສະຫາຍ, ກໍ່ສ້າງປະລິນຍາໂທ ການທະຫານ ລະບົບ 2 ປີ, ຊຸດທີ XV ມີ 17 ສະຫາຍ, ກໍ່ສ້າງປະລິນຍາໂທ
ການເມືອງ ລະບົບ 2 ປີ, ຊຸດທີ XV ມີ 13 ສະຫາຍ, ກໍ່ສ້າງປະລິນຍາຕີການທະຫານ ລະບົບ 3 ປີ, ຊຸດທີ XII ມີ 25 ສະຫາຍ,ກໍ່ສ້າງປະລິນຍາ
ຕີການທະຫານ ລະບົບ 2 ປີ, ຊຸດທີ XIII ມີ 30 ສະຫາຍ, ກໍ່ສ້າງປະລິນຍາຕີການເມືອງ ລະບົບ 3 ປີ, ຊຸດທີ XII ມີ 25 ສະຫາຍ, ກໍ່ສ້າງເລັ່ງລັດ
ການທະຫານຂັ້ນກອງພັນໃຫຍ່ລະບົບ 1 ປີ, ຊຸດທີ IX ມີ 20 ສະຫາຍ, ກໍ່ສ້າງເລັ່ງລັດການທະຫານຂັ້ນກອງພັນນ້ອຍລະບົບ 1 ປີ, ຊຸດທີ IX 20
ສະຫາຍ, ກໍ່ສ້າງຄູການທະຫານ ຂັ້ນຈໍທຮ-ຊໍທຮ ລະບົບ 1 ປີ, ຊຸດທີ II ມີ 30 ສະຫາຍ, ບຳລຸງການທະຫານທ້ອງຖິ່ນ ລະບົບ 3 ເດືອນ, ຊຸດທີ IX
ມີ 30 ສະຫາຍ, ກໍ່ສ້າງພາສາຫວຽດນາມ ຊັ້ນສູງ ລະບົບ 3 ປີ, ຊຸດທີ XI ມີ 25 ສະຫາຍ, ກໍ່ສ້າງພາສາລັດເຊຍຊັ້ນສູງ ລະບົບ 3 ປີ, ຊຸດທີ V ມີ
20 ສະຫາຍ, ກໍ່ສ້າງພາສາຈີນ ຊັ້ນສູງ ລະບົບ 4 ປີ, ຊຸດທີ VI ມີ 14 ສະຫາຍ, ກໍ່ສ້າງພາສາອັງກິດ ຊັ້ນສູງ ລະບົບ 4 ປີ, ມີ 30 ສະຫາຍ, ກໍ່ສ້າງ
​ເລັ່ງລັດພາສາອັງກິດ ລະບົບ 1 ປີ ຊຸດທີ XVII ມີ 20 ສະຫາຍ, ລວມທັງໝົດມີ 349 ສະຫາຍ, ມີໜ້າສອບເສັງຈົບຊັ້ນຕົວຈິງ 342 ສະຫາຍ, ຍິງ
7 ສະຫາຍ.

     ໂອກາດນີ້, ສະຫາຍ ພົນໂທ ຄໍາລຽງ ອຸທະໄກສອນ ກໍໄດ້ກ່າວສະແດງຄວາມຍ້ອງຍໍຊົມເຊີຍຕໍ່ຜົນສໍາເລັດຂອງນັກສຶກສາບໍາລຸງ-ກໍ່ສ້າງນາຍທະ
ຫານ ສົກຮຽນ 2023-2024 ນີ້ ພ້ອມທັງເນັ້ນໜັກບາງບັນຫາທີ່ສໍາຄັນໃຫ້ຄະນະພັກ-ຄະນະອໍານວຍການວິທະຍາຄານ ສືບຕໍ່ຍົກສູງວຽກງານສຶກ
ສາອົບຮົມການເມືອງແນວຄິດໃຫ້ພະນັກງານ, ນັກຮົບ, ນັກສຶກສາຢ່າງຕໍ່ເນື່ອງທັງສືບຕໍ່ເອົາໃຈໃສ່ປັບປຸງການຮຽນ-ການສອນຢ່າງມີແບບແຜນທັນສະ
ໄໝ ສ່ວນນັກສຶກສາກໍຕ້ອງເອົາໃຈໃສ່ເຝິກຝົນຮໍ່າຮຽນ, ມີຄຸນສົມບັດສິນທໍາປະຕິວັດເພື່ອໃຫ້ມີຄວາມກ້າວໜ້າ ແລະ ນໍາເອົາຄວາມຮູ້, ບົດຮຽນທີ່ໄດ້
ສຶກສາຢູ່ວິທະຍາຄານໄປປັບປຸງພັດທະນາກົມກອງຂອງຕົນ.

ແຫຼ່ງຂ່າວໂດຍ ສົມຄິດ ພູມມີຈິດ
ວັນທີ 19/06/2024