ເປີດຂະບວນການຍ່າງເພື່ອສຸຂະພາບ ແລະ ເສີມຂະຫຍາຍຄວາມສາມັກຄີ
ເປັນປຶກແຜ່ນ ລະຫວ່າງກອງທັບ ກັບ ປະຊາຊົນ

     ໃນວັນທີ 18 ມັງກອນ 2024 ນີ້, ທີ່ບຶງທາດຫຼວງ ນະຄອນຫຼວງວຽງຈັນ ໄດ້ຈັດຂະບວນການຍ່າງເພື່ອສຸຂະພາບ ແລະ ເສີມຂະຫຍາຍ
ຄວາມສາມັກຄີເປັນປຶກແຜ່ນລະຫວ່າງ ກອງທັບກັບປະຊາຊົນ ກັບ ປະຊາຊົນ ເນື່ອງໃນໂອກາດສະເຫຼີມສະຫຼອງ ວັນສ້າງຕັ້ງກອງທັບປະຊາຊົນ
ລາວ ຄົບຮອບ 75 ປີ (20 ມັງກອນ 1949-20 ມັງກອນ 2024), ໂດຍການເຂົ້າຮ່ວມຂອງ ສະຫາຍ ທອງລຸນ ສີສຸລິດ ເລຂາທິການໃຫຍ່
ຄະນະບໍລິຫານງານສູນກາງພັກ, ປະທານປະເທດແຫ່ງ ສປປ ລາວ, ມີສະຫາຍ ພົນເອກ ຈັນສະໝອນ ຈັນຍາລາດ ກຳມະການກົມການເມືອງ
ສູນກາງພັກ ຮອງນາຍົກລັດຖະມົນຕີ ລັດຖະມົນຕີ ກະຊວງປ້ອງກັນປະເທດ, ມີບັນດາຄະນະຮັບຜິດຊອບລະດັບຊາດ, ບັນດາການນໍາພັກ-ລັດ,
ພະນັກງານປະຕິວັດອາວຸໂສບໍານານ, ພະນັກງານ-ລັດຖະກອນ, ທະຫານ-ຕໍາຫຼວດ ແລະ ມວນຊົນຊາວນະຄອນຫຼວງວຽງຈັນເຂົ້າຮ່ວມ.

     ທ່ານ ດຣ. ນາງ ອິນລາວັນ ແກ້ວບຸນພັນ ກໍາມະການສູນກາງພັກ, ຮອງປະທານສູນກາງແນວລາວສ້າງຊາດ, ທັງເປັນຄະນະຮັບຜິດຊອບ
ລະດັບຊາດ ໄດ້ກ່າວຕໍ່ພິທີວ່າ: ວັນທີ 20 ມັງກອນ 1949 ແມ່ນວັນສ້າງຕັ້ງກອງທັບປະຊາຊົນລາວ, ເຊິ່ງເປັນວັນປະຫວັດສາດສໍາຄັນຂອງຊາດ,
ຂອງພັກ, ຂອງກອງທັບ ທີ່ໝູນວຽນມາຄົບຮອບ 75 ປີ, ບົນເສັ້ນທາງ ແຫ່ງການສ້າງຕັ້ງ, ສູ້ຮົບມີໄຊ ແລະ ເຕີບໃຫຍ່ຂະຫຍາຍຕົວ, ກອງທັບ
ໄດ້ຜ່ານຜ່າຄວາມຫຍຸ້ງຍາກ, ຄວາມເສຍສະຫຼະນາໆປະການ ຕໍ່ສູ້ເພື່ອປະຊາຊົນ, ຕີເອົາຊະນະສັດຕູທີ່ເຂັ້ມແຂງກວ່າພວກເຮົາບໍ່ຈັກວ່າເທົ່າໃດ,
ຈົນສາມາດປົດປ່ອຍປະເທດຊາດໄດ້ຢ່າງສົມບູນ. ພາຍຫຼັງປະເທດຊາດໄດ້ຮັບການປົດປ່ອຍ ກໍໄດ້ສືບຕໍ່ປະຕິບັດພາລະກິດປົກປັກຮັກສາ ແລະ
ສ້າງສາພັດທະນາປະເທດຊາດ ສົມຊື່ວ່າ: “ກອງທັບວີລະຊົນ, ຊາດລາວວິລະຊົນ, ຄົນລາວພິລະອາດຫານ” ດ້ວຍຄວາມເອກອ້າງທະນົງໃຈຕໍ່ມູນ
ເຊື້ອແຫ່ງການກຳເນີດ, ເຕີບໃຫຍ່ເຂັ້ມແຂງ ແລະ ສູ້ຮົບມີໄຊຂອງກອງທັບປະຊາຊົນລາວ. ຕະຫຼອດໄລຍະ 75 ປີຜ່ານມາກອງທັບ ໄດ້ເຮັດສໍາ
ເລັດພາລະກິດອັນຍິ່ງໃຫຍ່ ແລະ ໜັກໜ່ວງທີ່ປະເທດຊາດ ແລະ ປະຊາຊົນມອບໝາຍໃຫ້ຢ່າງສະຫງ່າງາມ, ສ້າງຜົນງານດີເດັ່ນ, ວິລະກຳອັນລໍ້າ
ເລີດ ປະດັບໄວ້ໃນໜ້າປະຫວັດສາດຢ່າງສົມກຽດ ສົມແລ້ວທີ່ເປັນກອງທັບວິລະຊົນຂອງຊາດລາວ ເຊິ່ງໄດ້ຮັບການຍ້ອງຍໍສັນລະເສີນຈາກພັກ
ແລະ ລັດ ວ່າ: "ກອງທັບຍາມໃດກໍນໍາໜ້າໃນທຸກວຽກງານ, ເດັດດ່ຽວຜ່ານຜ່າອຸປະສັກ ຕີເອົາຊະນະສັດຕູທຸກໂຕ, ເຮັດສຳເລັດໜ້າທີ່, ສົມເປັນ
ກຳລັງແກ່ນສານທີ່ເຂັ້ມແຂງຂອງການປະຕິວັດ, ເປັນເຄື່ອງມືອັນແຫຼມຄົມຂອງພັກ", ກອງທັບກັບປະຊາຊົນບັນດາເຜົ່ານັ້ນຄື “ປາກັບນໍ້າ” ເຊິ່ງ
ເປັນປັດໄຈສໍາຄັນກວ່າໝູ່ຶ ໃນພາລະກິດຕໍ່ສູ້ຂອງກອງທັບເຮົາ ໂດຍອີງໃສ່ປະຊາຊົນເປັນກໍາລັງຊ່ວຍໜູນຢ່າງໜັກແໜ້ນເພື່ອຕໍ່ສູ້ປົກປ້ອງປະເທດ
ຊາດ ກໍຄື ໝາກຜົນຂອງການປະຕິວັດໄວ້ໃຫ້ໝັ້ນຄົງ. ໃນຂະບວນການອັນມີຄວາມໝາຍສໍາຄັນນີ້, ສະຫາຍ ປະທານປະເທດ ພ້ອມດ້ວຍພັນ
ລະຍາ ໄດ້ໃຫ້ກຽດຕາງໜ້າປະຊາຊົນລາວບັນດາເຜົ່າ ຂຶ້ນຕັດແຖບຜ້າ ຈາກນັ້ນ, ຂະບວນການກໍໄດ້ເລີ່ມຕົ້ນດ້ວຍການຍ່າງ ໄປພ້ອມກັບການຮັບ
ຊົມການສະແດງຝຸງເຄື່ອງບິນ ຈາກກອງທັບປະຊາຊົນລາວ ແລະ ກອງທັບປົດປ່ອຍປະຊາຊົນຈີນ ທີ່ເຂົ້າຮ່ວມບິນສະແດງໃນງານ ຢ່າງສະຫງ່າອົງ
ອາດ ແລະ ງົດງາມ.

ແຫຼ່ງຂ່າວໂດຍ ຄໍາສະຫວັດ
ວັນທີ 19/01/2024