ກອງປະຊຸມສ່ອງແສງວຽກງານຮອບດ້ານທົ່ວກອງທັບ
ປະຈຳໄຕມາດ IV ປີ 2024 ຂອງ 4 ແຂວງພາກເໜືອ ແລະ 1 ກອງພົນ

    ກອງປະຊຸມສ່ອງແສງວຽກງານຮອບດ້ານທົ່ວກອງທັບ ປະຈຳໄຕມາດ IV ປີ 2024 ຂອງ 4 ແຂວງພາກເໜືອ ແລະ 1 ກອງພົນ ໄດ້ຈັດ
ຂຶ້ນໃນວັນທີ 12 ທັນວາ 2024 ນີ້, ຢູ່ທີ່ ກອງບັນຊາການທະຫານແຂວງບໍ່ແກ້ວ ໂດຍການເປັນປະທານ ຂອງສະຫາຍ ພົນຕີ ຄຳເພັດ ສີຊານົນ
ກຳມະການຄະນະປະຈຳພັກກະຊວງປ້ອງກັນປະເທດ, ຫົວໜ້າກົມໃຫຍ່ພະລາທິການກອງທັບ, ມີ ຫົວໜ້າກອງບັນຊາການທະຫານແຂວງບໍ່
ແກ້ວ, ຫຼວງນ້ຳທາ, ອຸດົມໄຊ, ແຂວງຜົ້ງສາລີ ແລະ ກອງພົນທີ 3, ມີຄະນະພັກ-ຄະນະບັນຊາກອງບັນຊາການທະຫານແຂວງ, ວິຊາການຕະ
ຫຼອດຮອດພະແນກການທີ່ກ່ຽວຂ້ອງ ເຂົ້າຮ່ວມ.

     ໃນກອງປະຊຸມຜູ້ຕາງໜ້າແຕ່ລະກົມກອງ ໄດ້ຜັດປ່ຽນກັນລາຍງານການຈັດຕັ້ງປະຕິບັດວຽກງານຮອບດ້ານທົ່ວກອງທັບ ປະຈໍາໄຕມາດ IV
ປີ 2024 ໂດຍປິ່ນອ້ອມ 4 ໜ້າທີ່ໃຫຍ່ 26 ແຜນງານ ທີ່ຄະນະພັກກະຊວງປ້ອງກັນປະເທດວາງອອກ. ເຊິ່ງຕາງໜ້າແຕ່ລະພາກສ່ວນ ໄດ້ຍົກ
ເອົາບັນຫາທີ່ສໍາຄັນ ທີ່ໄດ້ຈັດຕັ້ງປະຕິບັດ ເປັນຕົ້ນແມ່ນສະພາບຈຸດພິເສດການເຄື່ອນໄຫວວຽກງານດ້ານຕ່າງໆ ໃນຂອບເຂດຕົນຮັບຜິດຊອບ ເຊິ່ງ
ໃນນັ້ນ, ໄດ້ຖືເອົາວຽກງານເຮັດໃຫ້ສະພາບມີຄວາມສະຫງົບ ແລະ ກຽມພ້ອມສູ້ຮົບເປັນບັນຫາທີ່ສໍາຄັນ, ຖືເອົາວຽກງານຫັນລົງກໍ່ສ້າງຮາກຖານ
ການເມືອງ ພັດທະນາຊົນນະບົດຮອບດ້ານ ຕາມທິດນໍາຂອງພັກເປັນກົກ, ສຸມໃສ່ສ້າງບ້ານປ້ອມໝັ້ນສູ້ຮົບຕິດລຽນ, ສູ້ຮົບປ້ອງກັນຕົວ ແລະ ປົກ
ປັກຮັກສາຄວາມເປັນລະບຽບຮຽບຮ້ອຍຢູ່ລຽບຕາມບໍລິເວນຊາຍແດນ ຂອງແຕ່ລະກົມກອງຮັບຜິດຊອບ ໄດ້ມີຄວາມສະຫງົບ ແລະ ເປັນລະບຽບ
ຮຽບຮ້ອຍໂດຍພື້ນຖານ, ຕໍ່ວຽກງານການປັບປຸງກໍ່ສ້າງກໍາລັງ ໄດ້ຖືເອົາການສຶກສາອົບຮົມການເມືອງ-ນໍາພາແນວຄິດເປັນບັນຫາທີ່ສໍາຄັນ ເພື່ອຍົກ
ສູງທາງດ້ານຄຸນທາດການເມືອງແນວຄິດ, ຄຸນສົມບັດສິນທໍາປະຕິວັດ ຕີຖອຍບັນຫາປະກົດການຫຍໍ້ທໍ້ໃນຖັນແຖວພະນັກງານ-ສະມາຊິກພັກ-ນັກ
ຮົບ ໂດຍໄດ້ນໍາເອົາເນື້ອໃນຂອງມະຕິຕ່າງໆ ໄປເຜີຍແຜ່ເຊື່ອມຊຶມຈັດຕັ້ງປະຕິບັດແນໃສ່ເຮັດໃຫ້ພະນັກງານ-ນັກຮົບ ທຸກສະຫາຍມີແນວຄິດຫຼັກ
ໝັ້ນ ແລະ ມີສະຕິຕື່ນຕົວ ໃນການຈັດຕັ້ງປະຕິບັດແນວທາງນະໂຍບາຍຂອງພັກ, ກົດໝາຍຂອງລັດ, ຂໍ້ກໍານົດ, ກົດລະບຽບຂອງກອງທັບ. ໄປພ້ອມ
ກັບການປັບປຸງກໍ່ສ້າງພັກ-ພະນັກງານ-ອົງການຈັດຕັ້ງມະຫາຊົນ ຕິດພັນກັບຂະບວນການສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ, ກອງ 3
ປອດ, ກອງວັດທະນະທໍາ-ນັກຮົບວັດທະນະທໍາ ໃຫ້ມີຄວາມເຕີບໃຫຍ່ເຂັ້ມແຂງທາງດ້ານຈໍານວນ ແລະ ຄຸນນະພາບ, ອົບຮົມ-ຫັດແອບທາງດ້ານສິ
ລະປະຍຸດ-ຍຸດທະວິທີ ແລະ ປັບປຸງລະບຽບແບບແຜນ ຂອງແຕ່ລະກົມກອງໄດ້ຮັບການປັບປຸງຢ່າງໜັກແໜ້ນ ເຂັ້ມແຂງ, ຮັບປະກັນທາງດ້ານສຸຂະ
ພາບ ຂອງນາຍ ແລະ ພົນທະຫານ ແລະ ຮັບປະກັນການແກ້ໄຂຊີວິດການເປັນຢູ່ ຂອງກົມກອງ ກໍຄືວຽກງານປັບປຸງກໍ່ສ້າງລະບົບພື້ນຖານໂຄງລ່າງ
ເຄຫະສະຖານ, ສະຖານທີ່ຄ້າຍຄູ, ການຜະລິດ (ປູກຝັງ-ລ້ຽງສັດ) ແລະ ວຽກງານສ້ອມແປງຄຸ້ມຄອງບົວລະບັດປົກປັກຮັກສາພາຫະນະອາວຸດກະ
ສຸນຢູ່ແຕ່ລະກົມກອງ ໄດ້ຮັບການປົກປັກຮັກສາບົວລະບັດສ້ອມແປງເປັນປົກກະຕິ.

     ໃນໂອກາດນີ້, ສະຫາຍ ພົນຕີ ຄຳເພັດ ສີຊານົນ ໄດ້ໂອ້ລົມຫຼາຍບັນຫາສໍາຄັນ ພ້ອມທັງເນັ້ນໜັກໃຫ້ ຄະນະພັກ-ຄະນະບັນຊາ ແຕ່ລະກົມກອງ
ຈົ່ງເອົາໃຈໃສ່ເພີ່ມທະວີເຮັດວຽກງານສຶກສາອົບຮົມການເມືອງ-ນໍາພາແນວຄິດ ໃຫ້ແທດເໝາະກັບສະພາບເງື່ອນໄຂຕົວຈິງ, ເພີ່ມທະວີຍົກສູງພາລະ
ບົດບາດການນໍາພາ-ຊີ້ນໍາຕໍ່ໜ້າທີ່ການເມືອງ ຄວາມຮັບຜິດຊອບຂອງຕົນໃຫ້ສູງຂຶ້ນ, ມີຄວາມເຊື່ອໝັ້ນຕໍ່ແນວທາງແຜນນະໂຍບາຍຂອງພັກ-ກົດໝາຍ
ຂອງລັດ, ເຊື່ອມຊຶ່ມເນື້ອໃນມະຕິກອງປະຊຸມໃຫຍ່ ຄັ້ງທີ XI ຂອງພັກ, ສືບຕໍ່ຫັນລົງກໍ່ສ້າງຮາກຖານການເມືອງພັດທະນາຊົນນະບົດຮອບດ້ານຕາມ
ທິດນໍາຂອງພັກ ແລະ ເອົາໃຈໃສ່ເຮັດວຽກງານການກຽມພ້ອມສູ້ຮົບປ້ອງກັນເວນຍາມຕາມສະຖານທີ່ສໍາຄັນຕ່າງໆ ໃຫ້ມີຄວາມສະຫງົບເປັນລະບຽບ
ຮຽບຮ້ອຍໂດຍພື້ນຖານ, ອົບຮົມ-ຫັດແອບເຝິກແອບທາງດ້ານສິລະປະຍຸດ-ຍຸດທະວິທີ, ປັບປຸງລະບຽບແບບແຜນວິທີເຮັດວຽກແບບວິທະຍາສາດ,
ຮັດແໜ້ນຄວາມສາມັກຄີພາຍໃນພັກ, ເອົາໃຈໃສ່ຄຸ້ມຄອງກວດກາດ້ານຈໍານວນພົນ ເພື່ອຮັບປະກັນໃນເຄື່ອນໄຫວກຽມພ້ອມສູ້ຮົບ ແລະ ປະຕິບັດ
ໜ້າທີ່ການເມືອງຕົວຈິງໃຫ້ທ່ວງທັນກັບສະພາບການ.

ແຫຼ່ງຂ່າວໂດຍ ວໍລະສິດ ພິດສະຫາຍ
ວັນທີ 18/12/2024