ປະກາດການແຕ່ງຕັ້ງ ຮັກສາການຫົວໜ້າການທະຫານ ກອງບັນຊາການທະຫານແຂວງຫຼວງນໍ້າທາ

ສະຫາຍ ພົນຕີ ວົງສອນ ອິນປານພິມ ກຳມະການຄະນະປະຈໍາພັກກະຊວງປ້ອງກັນປະເທດ, ຫົວໜ້າກົມໃຫຍ່ການເມືອງກອງທັບ ​ເປັນ​ປະທານ

    ວັນທີ 13 ທັນວາ 2024 ນີ້, ຢູ່ທີ່ກອງບັນຊາການທະຫານແຂວງຫຼວງນໍ້າທາ ໄດ້ຈັດພິທີປະກາດການແຕ່ງຕັ້ງ ຮັກສາການຫົວໜ້າການ
ທະຫານ ກອງບັນຊາການທະຫານແຂວງຫຼວງນໍ້າທາ, ໂດຍການເປັນປະທານ ຂອງສະຫາຍ ພົນຕີ ວົງສອນ ອິນປານພິມ ກຳມະການຄະນະ
ປະຈໍາພັກກະຊວງປ້ອງກັນປະເທດ, ຫົວໜ້າກົມໃຫຍ່ການເມືອງກອງທັບ, ມີສະຫາຍ ພົນຕີ ຈັນສະແຫວງ ທິບຄູນທອງ ຮອງເລຂາພັກແຂວງ,
ປະທານກວດກາພັກ, ຫົວໜ້າອົງການກວດກາລັດແຂວງ, ມີຫົວໜ້າກອງບັນຊາການປ້ອງກັນຄວາມສະຫງົບແຂວງ, ມີຄະນະພັກ-ຄະນະບັນຊາ
ກອງບັນຊາການ, ອົງການ 5 ຫ້ອງ, ພະແນກການທີ່ກ່ຽວຂ້ອງ, ຄະນະພັກ-ຄະນະບັນຊາກົມກອງທີ່ຂຶ້ນກັບ ແລະ ແຂກຖືກເຊີນ ເຂົ້າຮ່ວມ.

     ສະຫາຍ ພັນເອກ ຄຳເອ້ຍ ສຸກແສງເໜືອ ຮອງຫົວໜ້າກົມພະນັກງານ ກົມໃຫຍ່ການເມືອງກອງທັບ ໄດ້ຜ່ານຂໍ້ຕົກລົງ ວ່າດ້ວຍການແຕ່ງ
ຕັ້ງຮັກສາການຫົວໜ້າການທະຫານ ກອງບັນຊາການທະຫານແຂວງຫຼວງນໍ້າທາ, ໂດຍອີງຕາມກົດໝາຍນາຍທະຫານ ກອງທັບປະຊາຊົນລາວ
ໃນພາກທີ II ໝວດທີ 4 ມາດຕາ 26 ວ່າດ້ວຍການແຕ່ງຕັ້ງຍົກຍ້າຍນາຍທະຫານ, ອີງຕາມທິດທາງກ່ຽວກັບການປັບປຸງບູລະນະການຈັດຕັ້ງນຳ
ພາ-ບັນຊາ ໃນກຳລັງປະກອບອາວຸດ ໃຫ້ເຂັ້ມແຂງ, ໜັກແໜ້ນຮອບດ້ານ ເພື່ອເຮັດສຳເລັດໜ້າທີ່ປົກປັກຮັກສາ ແລະ ພັດທະນາປະເທດຊາດ,
ອີງຕາມການຄົ້ນຄວ້າຕົກລົງເຫັນດີເປັນເອກະພາບ ຂອງກອງປະຊຸມຄະນະປະຈຳພັກກະຊວງປ້ອງກັນປະເທດ ຄັ້ງວັນທີ 21 ພະຈິກ 2024.
ກະຊວງປ້ອງກັນປະເທດ ຕົກລົງແຕ່ງຕັ້ງ ສະຫາຍ ພັນເອກ ບຸນມີ ໄຊປະເສີດ ກຳມະການຄະນະພັກກອງບັນຊາການ, ຫົວໜ້າຫ້ອງເສນາທິ
ການ ເປັນຮັກສາການຫົວໜ້າການທະຫານ ກອງບັນຊາການທະຫານແຂວງຫຼວງນໍ້າທາ (ຜູ້ໃໝ່).

     ພ້ອມນີ້, ສະຫາຍ ພົນຈັດຕະວາ ອິ່ນແກ້ວ ມະນີຈັນ ກຳມະການຄະນະປະຈຳພັກແຂວງ, ເລຂາຄະນະພັກ, ຫົວໜ້າການທະຫານ ກອງ
ບັນຊາການທະຫານແຂວງຫຼວງ ນໍ້າທາ (ຜູ້ເກົ່າ) ທີ່ໄດ້ຮັບນະໂຍບາຍ ພັກການ ຮັບບໍານານ ໄດ້ຜ່ານບົດລາຍງານໜ້າວຽກໃນຄວາມຮັບຜິດຊອບ
ຕົວຈິງຂອງຕົນໃນໄລຍະຜ່ານມາ ແລະ ໜ້າວຽກທີ່ຮັກສາການຫົວໜ້າການທະຫານ ຜູ້ໃໝ່ ຈະໄດ້ສືບຕໍ່ນໍາພາຈັດຕັ້ງປະຕິບັດໃນຕໍ່ໜ້າ. ຈາກນັ້ນ,
ໄດ້ລົງນາມບົດບັນທຶກ ການມອບ-ຮັບ ໜ້າທີ່ລະຫວ່າງ ຫົວໜ້າການທະຫານ ກອງບັນຊາການທະຫານແຂວງຫຼວງນໍ້າທາ ຜູ້ເກົ່າ ແລະ ຮັກສາ
ການຫົວໜ້າການທະຫານ ກອງບັນຊາການທະຫານແຂວງຫຼວງນໍ້າທາ ຜູ້ໃໝ່ ຢ່າງເປັນທາງການ.

ແຫຼ່ງຂ່າວໂດຍ ບຸນມີ
ວັນທີ 17/12/2024