ຮອງລັດຖະມົນຕີກະຊວງປ້ອງກັນປະເທດ ລົງຕິດຕາມການຊ້ອມຮົບ
ປະສານສຽງແຕກຮ່ວມລາວ-ຈີນ " ໂລ້ກໍາບັງມິດຕະພາບ - 2024 "

    ໃນວັນທີ 16 ກໍລະກົດ 2024 ນີ້, ຢູ່ທີ່ສະໜາມຫັດແອບ ວິທະຍາຄານນາຍທະຫານບົກກົມມະດໍາ ສະຫາຍ ພົນໂທ ຄໍາລຽງ ອຸທະໄກສອນ
ຮອງລັດຖະມົນຕີກະຊວງປ້ອງກັນປະເທດ ຫົວໜ້າກົມໃຫຍ່ເສນາທິການກອງທັບປະຊາຊົນລາວ ຫົວໜ້າຊີ້ນໍາລວມການຊ້ອມຮົບຮ່ວມລາວ-ຈີນ
ໄດ້ລົງຕິດຕາມການຊ້ອມຮົບປະສານສຽງແຕກຮ່ວມລາວ-ຈີນ " ໂລ້ກໍາບັງມິດຕະພາບ-2024 ", ມີສະຫາຍ ພົນຕີ ເຈີ້ງ ກົວເຢ່ ຮອງຜູ້ບັນຊາການ
ກອງປະຈໍາຮົງກົງ ເຂດສູ້ຮົບພາກໃຕ້ກອງທັບປົດປ່ອຍປະຊາຊົນຈີນ, ມີບັນດາຄະນະຊີ້ນໍາລວມ, ອະນຸກໍາມະການ ພ້ອມດ້ວຍນາຍ ແລະ ພົນທະ
ຫານສອງກອງທັບລາວ-ຈີນເຂົ້າຮ່ວມ.

     ໃນການລົງຕິດຕາມການເຝິກຊ້ອມຮົບປະສານສຽງແຕກຮ່ວມລາວ-ຈີນ " ໂລ້ກໍາບັງມິດຕະພາບ-2024 " ຂອງສະຫາຍ ຮອງລັດຖະມົນຕີກະ
ຊວງປ້ອງກັນປະເທດ ໃນຄັ້ງນີ້ ກໍເພື່ອລົງຊີ້ນໍາ, ຕິດຕາມກວດກາ ແລະ ຕີລາຄາຄືນ ການຊ້ອມຮົບຮ່ວມລາວ-ຈີນ ພາຍຫຼັງທີ່ໄດ້ມີການຫັດແອບຂອງ
ແຕ່ລະເຫຼົ່າຮົບມາໄດ້ໄລຍະໜຶ່ງ ຈຶ່ງໄດ້ມີການຈັດຕັ້ງການທົດລອງຊ້ອມປະສານສຽງແຕກຮ່ວມກັນລະຫວ່າງສອງກອງທັບລາວ-ຈີນ ເຊິ່ງເນື້ອໃນການ
ຊ້ອມຮົບຮ່ວມລາວ-ຈີນ ປະກອບມີ 5 ໄລຍະຄື: ໄລຍະທີ1 ແມ່ນການສືບຂ່າວສະໜາມ ແລະ ຊ່ວຍເຫຼືອຕົວປະກັນ ມີການຈັດຕັ້ງສືບຂ່າວທາງອາ
ກາດດ້ວຍໂດຣນ, ສືບຂ່າວດ້ວຍກ້ອງອິນຟາເລດ ແລະ ໄຟຟ້າສົ່ງພາບຂຶ້ນຈໍໃຫຍ່,ຍົນຂຶ້ນຊື່ສອງຝ່າຍບິນຜ່ານໜ້າຜາມໄຊໃຫຍ່ເຂົ້າເຮັດໜ້າທີ່, ຍົນຂຶ້ນ
ຊື່ລາວນໍາສົ່ງກໍາລັງຕີພິເສດລົງຈອດເດີ່ນ ສະໜາມຄົບວົງຈອນ, ເຂົ້າປິດລ້ອມຕຶກ B ເປີດໂອກາດໃຫ້ຍົນຂຶ້ນຊື່ຈີນໂຢດກໍາລັງລົງ, ໜ້າທີ່ດັບສູນສັດຕູແຕ່
ລຸ່ມຂຶ້ນເທິງ, ຍົນຂຶ້ນຊື່ຈີນ ສົ່ງກຳລັງໂຢດທາງອາກາດລົງຊັ້ນເທິງຕຶກ B ດັບສູນສັດຕູແຕ່ຊັ້ນເທິງລົງລຸ່ມ ປະສານຮ່ວມກັນຊ່ວຍຕົວປະກັນສໍາເລັດໜ້າທີ່
ມອບໃຫ້ຝ່າຍລາວນໍາພາຂຶ້ນຍົນລາວສົ່ງກັບຄືນແນວຫຼັງ, ຍົນສອງຝ່າຍບິນຜ່ານໜ້າຜາມໄຊໃຫຍ່ກັບຄືນ, ໄລຍະທີ 2 ແມ່ນການຕໍ່ຕ້ານຍົນບໍ່ມີຄົນຂັບ
ແບບສືບຂ່າວ ແລະ ໂຈມຕີ ກວດຈັບການເຄື່ອນໄຫວສະກັດໂດຣນສືບຂ່າວຂອງສັດຕູ, ສະກັດກັ້ນທໍາລາຍໂດຣນໂຈມຕີຂອງສັດຕູ, ໄລຍະທີ 3 ແມ່ນ
ການກວດກູ້ທໍາລາຍລະເບີດໜ້າສະໜາມ, ປະຕິບັດການທາງຈິດຕະສາດ ແລະ ຕີພີເສດປິດລ້ອມດັບສູນ, ຍົນຂຶ້ນຊື່ຈີນ ສົ່ງກໍາລັງລົງກວດກູ້ລະເບີດ
ດ້ວຍຄົນ ແລະ ຫຸ່ນຍົນ, ທໍາລາຍທາດລະເບີດທີ່ກວດກູ້ໄດ້, ຍົນຂຶ້ນຊື່ຈີນ ບິນໂຄສະນາວ່ານໃບປິວຂົນຂວາຍສັດຕູໃຫ້ອ່ອນຍອມ, ຍົນຂຶ້ນຊື່ລາວ ສົ່ງກໍາ
ລັງຕີພິເສດລົງເຄື່ອນເຂົ້າປະສິດລິດລອດເຂົ້າສະໜາມກຽມພ້ອມແຕກສຽງປືນ, ຍົນຂຶ້ນຊື່ຈີນ ປະຕິບັດ ໂຢດກໍາລັງທາງອາກາດ ສອງຝ່າຍຮ່ວມກັນປະ
ຕິບັດແຕກສຽງປືນດັບສູນສັດຕູ, ໄລຍະທີ 4 ແມ່ນການປະຕິບັດດັບສູນສັດຕູດ້ວຍກຳລັງໄຟໜັກ ແລະ ບຸກໂຈມຕີຈາກຫຼາຍທິດທາງ ແລະ ກອບກູ້ຜູ້
ຖືກບາດເຈັບ ຝ່າຍຈີນເປີດກໍາລັງໄຟດັບສູນເປົ້າໝາຍມີ 3 ຂະບວນ ມີປືນຫຸ້ມເກາະ, ປືນຄົກ 82 ເຄື່ອນທີ່, ປືນຫຸ້ມເກາະເບົາ, ຈະລອດແບກຫາບ,
ປືນລົດຫຸ້ມເກາະເບົາ, ປືນກົນໜັກ, ປືນທະຫານຮາບ ສ່ວນຝ່າຍລາວນໍາໃຊ້ປືນຫຸ້ມເກາະ 12,7ມມ, ປືນຄົກ 60,82 ມມ, ປືນລົດຫຸ້ມເກາະ, ປືນເດ
ກາ 82 ມມ, ປືນລົດຫຸ້ມເກາະ,ເປີດທາງ ໄຂສົ່ງບົກຟາບິນ, ປະຕິບັດບຸກຕີຫຼາຍທິດທາງຂອງສອງຝ່າຍ ເຄື່ອນກໍາລັງພາຫະນະສູ້ຮົບເຂົ້າດັບສູນສັດຕູ
ຢູ່ໜ້າສະໜາມ ຕາມຂອບເຂດໜ້າທີ່ແບ່ງປັນ,ຈັດຕັ້ງກໍາລັງເສນາຮັກປະສົມສອງຝ່າຍ ເຄື່ອນຕາມເສັ້ນທາງເບື້ອງຂວາສະໜາມປະຕິບັດກອບກູ້ຊ່ວຍ
ເຫຼືອ ແລະ ເຄື່ອນຍ້າຍຄົນເຈັບກັບຄືນ ຂຶ້ນຍົນຝ່າຍຈີນມາຮັບຢູ່ເດີ່ນເບື້ອງຂວາຜາມໄຊໃຫຍ່ ສົ່ງກັບຄືນປິ່ນປົວຢູ່ແນວຫຼັງ ແລະ ໄລຍະທີ 5 ສອງຝ່າຍ
ຮ່ວມກັນດັບສູນ, ສິ້ນສຸດຊ້ອມຮົບ ແລະ ຈັດຕັ້ງຖອນກໍາລັງ ປະຕິບັດດັບສູນສັດຕູຮ່ວມກັນຢູ່ປ້ອມບັນຊາ ແລະ ກວດສະໜາມ, ສິ້ນສຸດຈັດຕັ້ງຖອນ
ກໍາລັງກັບຄືນ.

ແຫຼ່ງຂ່າວໂດຍ ສົມຄິດ ພູມມີຈິດ ພາບ: ສຸເວດ ສີດາຄໍາ
ວັນທີ 17/07/2024