ກອງປະຊຸມດຳເນີນຊີວິດການເມືອງ ໃນໂອກາດກະກຽມກອງປະຊຸມໃຫຍ່
ຄັ້ງທີ VI ຂອງອົງຄະນະພັກ ກະຊວງປ້ອງກັນປະເທດ

    ໃນວັນທີ 14 ກໍລະກົດ 2025 ນີ້, ກະຊວງປ້ອງກັນປະເທດ ໄດ້ເປີດກອງປະຊຸມດຳເນີນຊີວິດການເມືອງ ໃນໂອກາດກະກຽມກອງປະຊຸມ
ໃຫຍ່ ຄັ້ງທີ VI ຂອງອົງຄະນະພັກກະຊວງປ້ອງກັນປະເທດ, ໂດຍການເປັນປະທານ ຂອງສະຫາຍ ພົນໂທ ຄຳລຽງ ອຸທະໄກສອນ ກຳມະການ
ສູນກາງພັກ, ເລຂາຄະນະພັກກະຊວງ, ລັດຖະມົນຕີກະຊວງປ້ອງກັນປະເທດ, ມີບັນດາກຳມະການສູນກາງພັກ, ຄະນະພັກ-ຄະນະນໍາ ກະຊວງ
ປ້ອງກັນປະເທດ, ບັນດາກົມໃຫຍ່, ຫ້ອງວ່າການກະຊວງປ້ອງກັນປະເທດ, ເລຂາ, ຮອງເລຂາຄະນະພັກບັນດາອົງການ, ຫ້ອງການ, ກົມອ້ອມ
ຂ້າງກະຊວງ, ກອງພົນ, ກອງບັນຊາການທະຫານອາກາດ, ກອງບັນຊາການທະຫານຊາຍແດນ, ກອງບັນຊາການທະຫານແຂວງ-ນະຄອນຫຼວງ,
ວິທະຍາຄານ, ກອງພັນໃຫຍ່, ໂຮງຮຽນ, ໂຮງໝໍ ແລະ ບໍລິສັດ ວິສາຫະກິດກອງທັບ ເຂົ້າຮ່ວມ.

     ໂອກາດນີ້, ສະຫາຍ ພົນໂທ ຄຳລຽງ ອຸທະໄກສອນ ໄດ້ກ່າວເປີດກອງປະຊຸມ ບາງຕອນວ່າ: ການດໍາເນີນຊີວິດການເມືອງໃນຄັ້ງນີ້, ສຸດທີ່
ມີຄວາມໝາຍສໍາຄັນ, ດັ່ງທີ່ພວກເຮົາໄດ້ຮັບຮູ້ ພັກປະຊາຊົນປະຕິວັດລາວ ເປັນພັກກຳອຳນາດ, ມີໜ້າທີ່ນໍາພາປວງຊົນລາວທັງຊາດ ສືບຕໍ່ປະຕິ
ບັດພາລະກິດປ່ຽນແປງໃໝ່ຮອບດ້ານຢ່າງມີຫຼັກການຂອງພັກ, ນໍາພາປະເທດຊາດ ຫຼຸດພົ້ນອອກຈາກຄວາມດ້ອຍພັດທະນາ ແລະ ກ້າວຂຶ້ນສູ່
ຈຸດໝາຍສັງຄົມນິຍົມ. ດັ່ງນັ້ນ, ການດໍາເນີນຊີວິດການເມືອງທົ່ວກອງທັບຄັ້ງນີ້ ແມ່ນຄວາມຈໍາເປັນພາວະວິໄສ, ແມ່ນຄວາມຮຽກຮ້ອງຕ້ອງການ
ອັນຮີບດ່ວນ ເພື່ອປັບປຸງ, ເຊີດຊູສະຕິຄວາມຮັບຜິດຊອບຂອງຄະນະພັກ, ສະມາຊິກພັກໃນການເຄົາລົບ ແລະ ປະຕິບັດບັນດາຫຼັກການກໍ່ສ້າງ
ພັກ ເຊິ່ງກ່ອນອື່ນໝົດ ແມ່ນຫຼັກການລວມສູນປະຊາທິປະໄຕ, ຫຼັກການຕິຊົມຕົນເອງ ແລະ ຕິຊົມກັນ; ແກ້ໄຂປະກົດການຫຍໍ້ທໍ້ດ້ານຕ່າງໆ
ພາຍໃນພັກ ເປັນຕົ້ນ: ການຖືເບົາເຝິກຝົນຫຼໍ່ຫຼອມຕົນເອງ, ປະກົດການເສື່ອມຄຸນປ່ຽນທາດ, ພະຍາດອາດຍາສິດ, ເອກະຊົນ, ສໍ້ລາດບັງຫຼວງ,
ການຝ່າຝືນລ່ວງລະເມີດລະບຽບກົດໝາຍ ທີ່ພວມປະກົດຂຶ້ນຢ່າງແຜ່ຫຼາຍຢູ່ພາຍໃນພັກ ແນໃສ່ສ້າງໃຫ້ພັກມີຄວາມປອດໃສ ເຂັ້ມແຂງ ໜັກ
ແໜ້ນ ແລະ ການດໍາເນີນຊີວິດການເມືອງຄັ້ງນີ້ ຍັງເປັນການທົບທວນຄືນທາດແທ້ມູນເຊື້ອປະຕິວັດອັນສະຫງ່າລາສີ ຂອງກອງທັບ ພາຍໃຕ້ການ
ນໍາພາຂອງພັກ, ທັງເປັນການເຊີດຊູຍົກສູງຄຸນນະພາບໃນການເຝິກຝົນຫຼໍ່ຫຼອມຄຸນສົມບັດສິນທຳປະຕິວັດ, ປັບປຸງແບບແຜນວິທີເຮັດວຽກ ຂອງ
ພະນັກງານ-ສະມາຊິກພັກ ເພື່ອໃຫ້ສອດຄ່ອງກັບເງື່ອນໄຂໄໝ່ ໃນການປະຕິບັດໜ້າທີ່ການເມືອງຂອງກອງທັບ "ປົກປັກຮັກສາ ແລະ ສ້າງສາພັດ
ທະນາປະເທດຊາດ". ພ້ອມດຽວກັນນີ້, ສະຫາຍ ຍັງໄດ້ຮຽກຮ້ອງໃຫ້ແຕ່ລະສະຫາຍ ຈົ່ງພ້ອມກັນຍົກສູງຄວາມຮັບຜິດຊອບຕໍ່ກອງປະຊຸມດໍາ
ເນີນຊີວິດການເມືອງເທື່ອນີ້ໃຫ້ດີທີ່ສຸດ, ສຸມສະຕິປັນຍາເຂົ້າໃນການຄົ້ນຄວ້າ, ປະກອບຄໍາເຫັນຢ່າງກົງໄປກົງມາຕໍ່ເນື້ອໃນຕ່າງໆ ໃຫ້ເລິກເຊິ່ງ,
ຊອກໃຫ້ເຫັນດ້ານດີ, ຜົນງານທີ່ເຮັດໄດ້ ແລະ ພຶດຕິກຳຕົວຈິງໃນຊຸມປີຜ່ານມາ ເພື່ອສືບຕໍ່ຜັນຂະຫຍາຍ ພ້ອມນັ້ນ, ຕ້ອງຊອກໃຫ້ເຫັນ ບັນຫາ
ທີ່ເປັນຈຸດອ່ອນຂໍ້ຄົງຄ້າງ ໂດຍສົມທຽບຕົວຈິງຢູ່ອົງການ, ກົມກອງ ເພື່ອຊອກຫາວິທີ່ປັບປຸງແກ້ໄຂ. ບັນດາສະຫາຍຈົ່ງເຊີດຊູຄວາມຮັບຜິດຊອບ,
ຕັດສິນໃຈອົດທົນຜ່ານຜ່າຄວາມອິດເມື່ອຍຕ່າງໆ ພ້ອມກັນເປັນເຈົ້າການດໍາເນີນກອງປະຊຸມໃຫ້ສໍາເລັດຜົນເປັນຢ່າງດີ. ເອກະສານທີ່ນໍາມາເຊື່ອມ
ຊຶມໃນຄັ້ງນີ້ ປະກອບມີ: I. ຮໍ່າຮຽນເອົາແບບແຜນວິທີເຮັດວຽກ ແລະ ຄຸນສົມບັດສິນທຳປະຕິວັດ ຂອງປະທານ ໄກສອນ ພົມວິຫານ, II. ເຝິກ
ຝົນຫຼໍ່ຫຼອມຄຸນທາດການເມືອງ ແລະ ຄຸນສົມບັດສິນທຳປະຕິວັດ ຂອງພະນັກງານ, ສະມາຊິກພັກ ໃນເງື່ອນໄຂປັດຈຸບັນ, III. ມາດຕະຖານຂອງ
ພະນັກງານ, ສະມາຊິກພັກ ໃນເງື່ອນໄຂໃໝ່, VI. ມະຕິ ກອງປະຊຸມຄົບຄະນະ ຄັ້ງທີ 10 ຂອງຄະນະບໍລິຫານສູນກາງພັກ ສະໄໝທີ XI. ກອງ
ປະຊຸມຄັ້ງນີ້, ຈະໄດ້ດໍາເນີນເປັນເວລາ 2 ວັນ ຈຶ່ງຈະສຳເລັດ.

ແຫຼ່ງຂ່າວໂດຍ ຈອນນີ້ ອິນທະວົງ
ວັນທີ 15/07/2025