ຄະນະກຳມະການຄຸ້ມຄອງໄພພິບັດຂັ້ນສູນກາງ
ປະເມີນຜົນກະທົບ, ຜົນເສຍຫາຍ ແລະ ການສະເໜີຂໍການຟື້ນຟູສຸກເສີນ

ສະຫາຍ ພົນເອກ ຈັນສະໝອນ ຈັນຍາລາດ ກໍາມະການກົມການເມືອງສູນກາງພັກ, ຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນປະເທດ

    ໃນວັນທີ 13 ພະຈິກ 2024 ນີ້, ກະຊວງປ້ອງກັນປະເທດ ໄດ້ຈັດກອງປະຊຸມປຶກສາຫາລື ເອກະພາບກ່ຽວກັບການປະເມີນຜົນກະທົບ, ຜົນ
ເສຍຫາຍ ແລະ ການສະເໜີຂໍການຟື້ນຟູສຸກເສີນ ໃຫ້ແກ່ບັນດາແຂວງທີ່ໄດ້ຮັບຜົນກະທົບຈາກໄພພິບັດໃນໄລຍະທ້າຍເດືອນກໍລະກົດ ເຖີງ ເດືອນ
ກັນຍາ 2024, ໂດຍການເປັນປະທານຂອງ ສະຫາຍ ພົນເອກ ຈັນສະໝອນ ຈັນຍາລາດ ກໍາມະການກົມການເມືອງສູນກາງພັກ, ຮອງນາຍົກລັດ
ຖະມົນຕີ, ລັດຖະມົນຕີກະຊວງປ້ອງກັນປະເທດ, ປະທານຄະນະກຳມະການຄຸ້ມຄອງໄພພິບັດຂັ້ນສູນກາງ (ຄພສ), ມີ ຄະນະລັດຖະມົນຕີ, ຮອງ
ປະທານຜູ້ປະຈຳການຄະນະກຳມະການ ຄພສ, ຮອງປະທານຄະນະກຳມະການ ຄພສ, ຄະນະກຳມະການ ຄພສ ແລະ ບັນດາຜູ້ປະສານງານຄະນະ
ກຳມະການ ຄພສ ເຂົ້າຮ່ວມ.

     ສະຫາຍ ວົງຄໍາ ພັນທະນຸວົງ ຫົວໜ້າກົມສັງຄົມສົງເຄາະ, ຫົວໜ້າກອງເລຂາ ຄພສ ໄດ້ຂຶ້ນລາຍງານການປະເມີນຜົນກະທົບ, ຜົນເສຍຫາຍ
ແລະ ການສະເໜີຂໍການຟື້ນຟູສຸກເສີນ ໃຫ້ແກ່ບັນດາແຂວງທີ່ໄດ້ຮັບຜົນກະທົບຈາກໄພພິບັດໃນໄລຍະທ້າຍເດືອນກໍລະກົດ ເຖີງ ເດືອນສິງຫາ
2023 ບັນດາແຂວງພາກເໜືອ, ພາກກາງ ແລະ ພາກໃຕ້ ເຮັດໃຫ້ແມ່ນໍ້າຫຼາຍສາຂາມີລະດັບນນໍ້າສູງຂຶ້ນຢ່າງໄວ ແລະ ລົ້ນຕາຝັ່ງເຂົ້າຖ້ວມພື້ນທີ່
ທໍາການຜະລິດ, ພື້ນຖານໂຄງລ່າງ ແລະ ທີ່ຢູ່ອາໃສຂອງປະຊາຊົນ ໄດ້ຮັບຜົນກະທົບ ຢູ່ 16 ແຂວງ ແລະ ນະຄອນຫຼວງວຽງຈັນ ຄື: ນະຄອນຫຼວງ
ວຽງຈັນ, ບໍລິຄຳໄຊ, ວຽງຈັນ, ຄຳມ່ວນ, ອຸດົມໄຊ, ຫຼວງນໍ້ທາ, ບໍ່ແກ້ວ, ຜົ້ງສາລີ, ຫຼວງພະບາງ, ຫົວພັນ, ໄຊຍະບູລີ, ຊຽງຂວາງ, ສາລະວັນ, ສະ
ຫວັນນະເຂດ, ຈຳປາສັກ, ເຊກອງ ແລະ ໄຊສົມບູນ, ສົ່ງຜົນກະທົບໂດຍກົງຕໍ່ລະບົບພື້ນຖານໂຄງລ່າງ, ໄດ້ຮັບຜົນເສຍຫາຍ 89 ເມືອງ, 1.167
ບ້ານ, 54.314 ຄອບຄົວ, 255.933 ຄົນ, ຍິງ 177. 259 ຄົນ ແລະ ເສຍຊີວິດ 13 ຄົນ, ສ້າງຄວາມເສຍຫາຍ ຕໍ່ໂຄງລ່າງພື້ນຖານທາງດ້ານເສດ
ຖະກິດ, ສັງຄົມ ແລະ ສິ່ງແວດລ້ອມ, ຄິດເປັນມູນຄ່າເສຍຫາຍທັງໝົດ 6.715.150.562.455 ກີບ. ຕໍ່ກັບສະພາບການດັ່ງກ່າວນັ້ນ ລັດຖະບານ
ກໍຄື ຄະນະກໍາມະການຄຸ້ມຄອງໄພພິບັດຂັ້ນສູນກາງ ໄດ້ມີການລົງຊຸກຍູ້ ແລະ ໃຫ້ການຊ່ວຍເຫຼືອແກ້ໄຂສຸກເສີນໃຫ້ກັບທ້ອງຖິ່ນ, ແລະ ຕິດຕາມ
ຊຸກຍູ້ຢ່າງໄກ້ຊິດ, ໄດ້ມີການຊີ້ນໍາໃຫ້ ກອງເລຂາຄະນະກຳມະການຄຸ້ມຄອງໄພພິບັດຂັ້ນສູນກາງ, ຮ່ວມກັບບັນດາກະຊວງ ແລະ ຂະແໜງການ ຢູ່
ໃນຄະນະກໍາມະການຄຸ້ມຄອງໄພພິບັດ ລົງສົມທົບກັບຄະນະກຳມະການຄຸ້ມຄອງໄພພິບັດຂັ້ນແຂວງທີ່ໄດ້ຮັບຜົນກະທົບຈາກໄພພິບັດໃນການປະ
ເມີນຜົນເສຍຫາຍ, ຄວາມຕ້ອງການໃນການຟື້ນຟູສຸກເສີນ ແລະ ໄລຍະຍາວຢູ່ 5 ແຂວງ ທີ່ໄດ້ຮັບຜົນກະທົບໜັກ ແລະ ບັນດາແຂວງທີ່ໄດ້ຮັບຜົນ
ກະທົບກໍໄດ້ມີການປະເມີນຜົນ ແລະ ລາຍງານມາຍັງຄະນະກຳຄຸ້ມຄອງໄພພິບັດຂັ້ນສູນກາງ. ພ້ອມນີ້ ກໍໄດ້ມີການປະກອບສ່ວນຈາກສັງຄົມ ເຊິ່ງໃນ
ໄລຍະເກີດເຫດໄພພິບັດ ແລະ ຄະນະນຳພາກສ່ວນຕ່າງໆ ກໍໄດ້ເຄື່ອນໄຫວມອບເຄື່ອງ ແລະ ມອບເງິນຊ່ວຍເຫຼືອ ເຊິ່ງນຳໂດຍ ຄະນະ ນາຍົກລັດ
ຖະມົນຕີ, ຮອງນາຍົກລັດຖະມົນຕີ, ບັນດາ ລັດຖະມົນຕີ, ຄະນະ ຄພສ.

     ນອກນີ້ ກະຊວງການເງິນ ກໍອະນຸມັດບ້ວງແຮລັດຖະບານເຂົ້າກອງທຶນຄຸ້ມຄອງໄພພິບັດຂັ້ນສູນກາງ ຈໍານວນ 20 ຕື້ກີບ. ກອງປະຊຸມໃນຄັ້ງນີ້
ກໍເພື່ອປຶກສາຫາລືຮ່ວມກັນ ໂດຍສະເພາະ ການເອກະພາບໃນການແກ້ໄຂສຸກເສີນ ໃຫ້ແຂວງຫຼວງນໍ້າທາ, ແຂວງຫົວພັນ ທີ່ທາງສູນກາງໄດ້ລົງສົມ
ທົບກັບຄະນະກໍາມະການແຂວງໃນການປະເມີນຜົນ ແລະ ບັນດາແຂວງທີ່ມີການລາຍງານຜົນການປະເມີນໃຫ້ສູນກາງ, ເຊິ່ງນໍາມາຜ່ານໃນກອງປະ
ຊຸມໃນຄັ້ງນີ້, ໃຫ້ບັນດາຂະແໜງການໃນຄະນະກຳມະການພິຈາລະນາຕາມພາລະບົດບາດໜ້າທີ່ຄວາມຮັບຜິດຊອບຂອງຕົນໂດຍສະເພາະຂໍ້ມູນການ
ລາຍງານແກ້ໄຂຂະແໜງການໃນສາຍຕັ້ງຂອງຕົນ ແລະ ການສັງລວມລາຍງານບັນດາຜົນເສຍຫາຍທີ່ເກີດຂຶ້ນໃນບັນດາແຂວງໃຫ້ມີຄວາມກົງກັນກັບ
ການສັງລວມລາຍງານຂອງທາງກອງເລຂາຄະນະກຳມະການຄຸ້ມຄອງໄພພິບັດ, ເນື່ອງຈາກເຫັນໄດ້ຄວາມສຳຄັນໃນການຟື້ນຟູພື້ນຖານໂຄງລ່າງທີ່ຈຳ
ເປັນ ແນໃສ່ຮັບປະກັນໃຫ້ແກ່ການດຳລົງຊີວິດ ແລະ ການທຳການຜະລິດຄືນໃໝ່ ຂອງບັນດາແຂວງທີ່ໄດ້ຮັບຜົນກະທົບ ເພື່ອໄດ້ຮັບການແກ້ໄຂຟື້ນ
ຟູ ຫຼັງຈາກການລາຍງານໃນຄັ້ງນີ້ແລ້ວ, ກອງເລຂາ ຄພສ ຈະໄດ້ຮ່າງລາຍງານໃນນາມປະທານຄະນະກຳມະການເຖີງ ລັດຖະບານ ເພື່ອພິຈາລະນາ
ແກ້ໄຂບັນດາໂຄງການສຸກເສີນ ທີ່ມີຄວາມຈໍາເປັນທີ່ອາດເຮັດໃຫ້ປະຊາຊົນມີຄວາມຫຍຸ້ງຍາກໃນການດຳລົງຊີວິດ.

ແຫຼ່ງຂ່າວໂດຍ ຂກທ
ວັນທີ 14/11/2024