ສະຫາຍ ພົນເອກ ຈັນສະໝອນ ຈັນຍາລາດ ເດີນທາງເຂົ້າຮ່ວມພິທີເປີດງານວາງສະແດງ
ອຸປະກອນເຕັກນິກການທະຫານສາກົນ 2024 ທີ່ນະຄອນຫຼວງມົດສະກູ ສະຫະພັນຣັດເຊຍ

    ໃນວັນທີ 12 ສິງຫາ 2024 ນີ້. ສະຫາຍ ພົນເອກ ຈັນສະໝອນ ຈັນຍາລາດ ຮອງນາຍົກລັດຖະມົນຕີ ລັດຖະມົນຕີກະຊວງປ້ອງກັນປະ
ເທດ ແຫ່ງ ສປປລາວ ພ້ອມດ້ວຍຄະນະ. ໄດ້ເດີນທາງເຂົ້າຮ່ວມພິທີເປີດງານວາງສະແດງອຸປະກອນເຕັກນິກການທະຫານສາກົນ 2024. ເຊິ່ງ
ໄດ້ຈັດຂື້ນທີ່ສູນປະຊຸມ ແລະ ວາງສະແດງສາກົນ ປາຕຼີອົດ, ກູບິນກາ, ມົດສະກູ. ສະຫະພັນຣັດເຊຍ. ໂດຍມີບັນດາການນຳຈາກກະຊວງປ້ອງ
ກັນປະເທດ ແລະ ຕົວແທນອຸດສາຫະກຳຈາກປະເທດຕ່າງໆ, ມີຕາງໜ້າບັນດາບໍລິສັດຂອງປະເທດ ຣັດເຊຍ ແລະ ບໍລິສັດອື່ນໆ ຈາກຕ່າງປະ
ເທດ, ຕະຫຼອດຮອດພາກສ່ວນທີ່ກ່ຽວຂ້ອງ ເຂົ້າຮ່ວມ.

     ວາງສະແດງອຸປະກອນເຕັກນິກການທະຫານສາກົນ 2024 ນີ້. ແມ່ນໄດ້ເລີ່ມຈັດຂຶ້ນໃນລະຫວ່າງວັນທີ 12–14 ສິງຫາ 2024 ນີ້. ພາຍ
ໃນງານຈະໄດ້ສະແດງໃຫ້ເຫັນບັນດາເຕັກໂນໂລຊີຕ່າງໆຫຼາກຫຼາຍຮູບແບບ, ມີທັງອາວຸດຍຸດໂທປະກອນເຕັກນິກການທະຫານທີ່ມີຄວາມທັນ
ສະໄໝທີ່ສຸດ, ມີເອກະລັກສະເພາະຕົວຈາກປະເທດລັດເຊຍ ຊື່ງມີບໍລິສັດຊັ້ນນຳທີ່ໄດ້ຮັບການຍ້ອງຍໍໃນລະດັບສາກົນ. ນອກນັ້ນຍັງມີ 4 ປະ
ເທດເຂົ້າຮ່ວມຄື: ຈີນ, ເບລາລຸດ, ອີລານ, ອິນເດຍ. ແລະ ມີຕົວແທນບໍລິສັດຈາກຕ່າງປະເທດທີ່ລົງທະບຽນເຂົ້າຮ່ວມກວ່າ 120 ແຫ່ງ. ໃນ
ປີນີ້ໄດ້ຈັດຂື້ນເປັນຄັ້ງທີ 10 ແລະ ມີຜະລິດຕະພັນປະມານ 1.500 ລາຍການ ແລະ ໄດ້ຮັບຄວາມສົນໃຈຫຼາຍຈາກຕົວແທນຜູ້ຊ່ຽວຊານ ແລະ
ສື່ຈາກຕ່າງປະເທດຢ່າງສະໝໍ່າສະເໝີ. ພ້ອມດຽວກັນນີ້ກໍ່ໄດ້ເປັນບ່ອນພົບປະ, ປືກສາຫາລື, ແລກປ່ຽນປະສົບການ, ເພີ່ມທະວີການຮ່ວມມື
ດ້ານການຜະລິດ, ສະໜອງອຸປະກອນເຕັກນິກການທະຫານໃຫ້ບັນດາບໍລິສັດຕ່າງໆຂອງຣັດເຊຍ ແລະ ບໍລິສັດອື່ນໆຈາກຕ່າງປະເທດ ເພື່ອສ້າງ
ຄວາມເຂົ້າອົກເຂົ້າໃຈເຊີ່ງກັນ ແລະ ກັນ, ຊຸກຍູ້ປົກປັກຮັກສາສັນຕິພາບ ແລະ ສະຖຽນລະພາບຢູ່ພາກພື້ນ ແລະ ສາກົນ.

     ໂອກາດນີ້ ສະຫາຍ ພົນເອກ ຈັນສະໝອນ ຈັນຍາລາດ ພ້ອມຄະນະກໍ່ໄດ້ຢ້ຽມຊົມງານວາງສະແດງອຸປະກອນເຕັກນິກການທະຫານ 2024
ຊື່ງໃນນີ້ໄດ້ຢ້ຽມຊົມບູດວາງສະແດງບໍລິສັດອາວມາສ-ອັນເຕວ ບໍລິສັດຜະລິດລະບົບປ້ອງກັນອາກາດ ແລະ ລາດາ, ຢ້ຽມຊົມບູດວາງສະແດງ ບໍລິ
ສັດຍົນຂຶ້ນຊື່ຂອງຣັດເຊຍ, ບໍລິສັດໂຣສອາບາໂຣນເອັກສະປອດ ແລະ ພົບປະກັບບໍລິສັດຈຳນວນໜຶ່ງຕື່ມອີກ.

ແຫຼ່ງຂ່າວໂດຍ ຮ້ອຍເອກ ທອງມາ ໄຊຍະເພັງສາ
ວັນທີ 14/08/2024