ປະກາດການແຕ່ງຕັ້ງ ປະທານ, ຮອງປະທານ ຜູ້ປະຈຳການ ກຳມະການ
ຄະນະກຳມະການ ປກຊ-ປກສ ແຂວງ ແລະ ຫົວໜ້າຫ້ອງການ ປກຊ-ປກສ ແຂວງຈຳປາສັກ

    ວັນທີ 11 ກັນຍາ 2024 ນີ້, ຢູ່ທີ່ຫ້ອງປະຊຸມຫ້ອງວ່າການແຂວງຈໍາປາສັກ ໄດ້ປະກາດການແຕ່ງຕັ້ງ ປະທານ, ຮອງປະທານ ຜູ້ປະຈຳການ,
ກຳມະການ ຄະນະກຳມະການ ປກຊ-ປກສ ແຂວງ ແລະ ຫົວໜ້າຫ້ອງການຄະນະກຳມະການ ປກຊ-ປກສ ແຂວງຈຳປາສັກ, ໂດຍການເປັນປະ
ທານຂອງ ສະຫາຍ ພົນໂທ ສຈ ປອ ທອງລອຍ ສິລິວົງ ກຳມະການສູນກາງພັກ, ຄະນະກຳມະການ ປກຊ-ປກສ ສູນກາງ, ຮອງລັດຖະມົນຕີກະ
ຊວງປ້ອງກັນປະເທດ, ຫົວໜ້າກົມໃຫຍ່ການເມືອງກອງທັບ, ມີສະຫາຍ ປອ ອາລຸນໄຊ ສູນນະລາດ ກຳມະການສູນກາງພັກ, ເລຂາຄະນະບໍລິ
ຫານງານພັກແຂວງ, ເຈົ້າແຂວງ ແຂວງຈຳປາສັກ, ມີບັນດາສະຫາຍຈາກສູນກາງ, ບັນດາສະຫາຍຮອງເລຂາພັກແຂວງ, ຄະນະປະຈຳພັກແຂວງ,
ກຳມະການພັກແຂວງ, ຄະນະກຳມະການ ປກຊ-ປກສ ແຂວງ, ເມືອງ-ນະຄອນ, ຄະນະພັກ-ຄະນະບັນຊາ ຈາກກຳລັງຫຼວງ-ກຳລັງທ້ອງຖິ່ນ, ພະ
ແນກການ, ກົມກອງ ແລະ ບັນດາແຂກຜູ້ແທນກອງປະຊຸມ ເຂົ້າຮ່ວມ.

     ສະຫາຍ ພົນຈັດຕະວາ ວິລະຕູ່ ວໍລະຈິດ ຮັກສາການ ເລຂາອົງຄະນະພັກ, ຫົວໜ້າການເມືອງ ກອງບັນຊາການທະຫານແຂວງຈຳປາສັກ ໄດ້
ລາຍງານໃນການຈັດຕັ້ງປະຕິບັດວຽກງານປ້ອງກັນຊາດ-ປ້ອງກັນຄວາມສະຫງົບ ໃນໄລຍະຜ່ານມາ ໃຫ້ບັນດາຜູ້ແທນທີ່ເຂົ້າຮ່ວມໄດ້ຮັບຊາບໂດຍ
ຫຍໍ້, ຜ່ານມາຄະນະບໍລິຫານງານພັກ ແລະ ອົງການປົກຄອງແຂວງ ໄດ້ເອົາໃຈໃສ່ສຶກສາອົບຮົມ ໃຫ້ທົ່ວສັງຄົມ ໄດ້ຮັບຮູ້ເຊື່ອມຊຶມ ຕໍ່ແນວທາງປ້ອງ
ກັນຊາດ-ປ້ອງກັນຄວາມສະຫງົບ ທົ່ວປວງຊົນຮອບດ້ານຂອງພັກ ແລະ ໄດ້ເຂົ້າຮ່ວມໃນການຈັດຕັ້ງປະຕິບັດຢ່າງເປັນເຈົ້າການ ໄປພ້ອມກັບການຊຸກ
ຍູ້ຂະບວນການສ້າງບ້ານປ້ອມໝັ້ນ, ກຸ່ມບ້ານສູ້ລົບຕິດລຽນຕາມທິດ, ສ້າງທ່າສະໜາມສົງຄາມປະຊາຊົນ 3 ຂັ້ນ, ຈັດຕັ້ງເຝິກແອບຮໍ່າຮຽນການເມືອງ-
ວິຊາສະເພາະ ສິລະປະຍຸດ-ຍຸດທະວິທີ ແລະ ສຳເລັດການຮໍ່າຮຽນເປົ້າໝາຍ 3 ແລະ ເປົ້າໝາຍ 4 ໃນທົ່ວແຂວງ. ພ້ອມກັນນັ້ນ, ຍັງໄດ້ຫັນເອົາກຳລັງ
ພະນັກງານລົງກໍ່ສ້າງຮາກຖານການເມືອງ ສົມທົບກັບຄະນະພັກ ແລະ ອົງການປົກຄອງເມືອງ, ກຸ່ມບ້ານ, ໄດ້ນຳພາຂະບວນການສ້າງບ້ານພັດທະນາ,
ບ້ານປ້ອງກັນຊາດເຂັ້ມແຂງ ແລະ ບ້ານປ້ອງກັນຊາດດີ, ຄະນະພັກ-ຄະນະບັນຊາ ແຕ່ລະຂັ້ນໄດ້ເປັນເຈົ້າການໃນການເອົາໃຈໃສ່ປະຕິບັດໜ້າວຽກຂອງ
ຕົນຢ່າງເປັນປົກກະຕິ, ເຮັດໃຫ້ສະພາບພາຍໃນແຂວງມີຄວາມສະຫງົບໂດຍພື້ນຖານ. ໂອກາດນີ້, ສະຫາຍ ພັນເອກ ບົວພັນ ດວງຈຳປາ ຮອງຫົວໜ້າ
ຫ້ອງການ, ຄະນະກຳມະການ ປກຊ-ປກສ ສູນກາງ ກໍໄດ້ຜ່ານມະຕິຕົກລົງ ຂອງຄະນະເລຂາທິການສູນກາງພັກ ວ່າດ້ວຍການແຕ່ງຕັ້ງ ປະທານ, ຮອງ
ປະທານ, ທັງເປັນຜູ້ປະຈຳການ ແລະ ກຳມະການ ຄະນະກຳມະການ ປກຊ-ປກສ ແຂວງຈຳປາສັກ ໃນນັ້ນ, ໄດ້ຕົກລົງແຕ່ງຕັ້ງ ສະຫາຍ ປອ ອາລຸນໄຊ
ສູນນະລາດ ເປັນປະທານ, ສະຫາຍ ພົນຈັດຕະວາ ວິລະຕູ່ ວໍລະຈິດ ເປັນຮອງປະທານ, ທັງເປັນຜູ້ປະຈໍາການ, ສະຫາຍ ພັນໂທ ບຸນມີສຸກ ພຸດສະດີ
ເປັນກໍາມະການ ຈາກນັ້ນ, ກໍໄດ້ຜ່ານຂໍ້ຕົກລົງ ຂອງຄະນະກຳມະການ ປກຊ-ປກສ ສູນກາງ ວ່າດ້ວຍການແຕ່ງຕັ້ງຫົວໜ້າຫ້ອງການຄະນະກຳມະການ
ປກຊ-ປກສ ແຂວງຈຳປາສັກ ໃນນັ້ນ, ຕົກລົງແຕ່ງຕັ້ງ ສະຫາຍ ພັນເອກ ສີໄຄ ທີບພະຈັກ ເປັນຫົວໜ້າຫ້ອງການ ຄະນະກຳມະການ ປກຊ-ປກສ
ແຂວງຈຳປາສັກ.

     ໃນໂອກາດທີ່ມີຄວາມໝາຍນີ້, ສະຫາຍ ພົນໂທ ສຈ ປອ ທອງລອຍ ສິລິວົງ ປະທານກອງປະຊຸມ ກໍໄດ້ສະແດງຄວາມຍ້ອງຍໍຊົມເຊີຍຕໍ່ກໍາລັງ
ປກຊ-ປກສ ແຂວງ ທີ່ສາມາດຍາດໄດ້ຜົນງານຫຼາຍດ້ານໃນໄລຍະທີ່ຜ່ານມາ ສາມາດເຮັດໃຫ້ພາຍໃນແຂວງມີຄວາມສະຫງົບໂດຍພື້ນຖານ, ເສດຖະ
ກິດ-ສັງຄົມ ມີການຂະຫຍາຍຕົວຢ່າງຕໍ່ເນື່ອງ, ພ້ອມທັງໄດ້ເນັ້ນໜັກຫຼາຍບັນຫາຕໍ່ບັນດາສະຫາຍທີ່ຖືກແຕ່ງຕັ້ງໜ້າທີ່ ປະທານ, ຮອງປະທານ, ກຳມະ
ການ ແລະ ຄະນະກໍາມະການ ປກຊ-ປກສ ແຂວງ ຕ້ອງເປັນເຈົ້າການ ນຳພາ-ຊີ້ນຳ ໃນທຸກຂະແໜງການທີ່ກ່ຽວຂ້ອງຈັດຕັ້ງຜັນຂະຫຍາຍແນວທາງ
ປກຊ-ປກສ ທົ່ວປວງຊົນຮອບດ້ານຂອງພັກ, ສອດຫ້ອຍເຂົ້າໃນຂະບວນການຕົວຈິງ ໃຫ້ກວ້າງຂວາງ ແລະ ເລິກເຊິ່ງ, ພ້ອມທັງເປັນໃຈກາງປະສານສົມ
ທົບ ສຸມທຸກກໍາລັງແຮງເຮັດໃຫ້ແຂວງມີສະຖຽນລະພາບທາງດ້ານການເມືອງ, ມີຄວາມສະຫງົບປອດໄພ, ມີຄວາມເປັນລະບຽບຮຽບຮ້ອຍໃນສັງຄົມ,
ເພີ່ມທະວີຄວາມສາມັກຄີພາຍໃນໃຫ້ແໜ້ນແຟ້ນ, ຮັບປະກັນການນໍາພາເດັດຂາດ, ໂດຍກົງຮອບດ້ານຂອງພັກ, ປັບປຸງກໍ່ສ້າງກໍາລັງໃຫ້ມີຄວາມໜັກ
ແໜ້ນ, ເຂັ້ມແຂງ, ມີແບບແຜນທັນສະໄໝ, ຍົກສູງສະຕິກຽມພ້ອມສູ້ຮົບໃນທຸກພາວະ, ພົວພັນຮ່ວມມືຢ່າງຖືກຕ້ອງກັບສາກົນ ແລະ ຄຽງຄູ່ກັບການ
ພັດທະນາເສດຖະກິດ-ສັງຄົມ ໃຫ້ມີການພັດທະນາຂຶ້ນໄປເລື້ອຍໆ.

ແຫຼ່ງຂ່າວໂດຍ ສົມພອນ ພົງສະຫວັດ
ວັນທີ 13/09/2024