ກົມໃຫຍ່ພະລາທິການກອງທັບປະກາດການແຕ່ງຕັ້ງ
ຂັ້ນຫົວໜ້າຫ້ອງ ຮອງຫ້ອງ ແລະ ຮອງຫົວໜ້າກົມ
ສະຫາຍ ພົນຕີ ຄໍາເພັດ ສີຊານົນ ກໍາມະການຄະນະປະຈໍາພັກກະຊວງປ້ອງກັນປະເທດ ຫົວໜ້າກົມໃຫຍ່ພະລາທິການກອງທັບ ເປັນປະທານ
ວັນທີ 10 ພຶດສະພາ 2024 ນີ້, ກົມໃຫຍ່ພະລາທິການກອງທັບ ໄດ້ຈັດພິທີປະກາດການແຕ່ງຕັ້ງຫົວໜ້າຫ້ອງ, ຮອງຫ້ອງການ ແລະ ຮອງ
ຫົວໜ້າກົມ, ພິທີດັ່ງກ່າວແມ່ນໄດ້ຈັດຂື້ນຢູ່ສະໂມສອນກົມໃຫຍ່ພະລາທິການ, ໂດຍການເປັນປະທານຂອງ ສະຫາຍ ພົນຕີ ຄໍາເພັດ ສີຊານົນ ກໍາ
ມະການຄະນະປະຈໍາພັກກະຊວງປ້ອງກັນປະເທດ ຫົວໜ້າກົມໃຫຍ່ພະລາທິການກອງທັບ, ມີຄະນະກົມ, ຫ້ອງການ, ກົມກອງອ້ອມຂ້າງເຂດ
ໃຈກາງນະຄອນຫຼວງທີ່ຂື້ນກັບກົມໃຫຍ່ພະລາທິການ, ພະນັກງານຫຼັກແຫຼ່ງພາຍໃນກົມ ແລະ ນາຍທະຫານຜູ້ທີ່ໄດ້ຮັບໜ້າທີ່ໃໝ່ເຂົ້າຮ່ວມ.
ສະຫາຍ ພົນຈັດຕະວາ ຕີເບດ ສີແພງຄູນ ກໍາມະການຄະນະພັກອົງການກົມໃຫຍ່ ຫົວໜ້າຫ້ອງການເມືອງກົມໃຫຍ່ພະລາທິການກອງທັບ,
ໄດ້ຜ່ານຂໍ້ຕົກລົງຂອງກະຊວງປ້ອງກັນປະເທດ ວ່າດ້ວຍການແຕ່ງຕັ້ງ ຫົວໜ້າຫ້ອງການບໍລິຫານ, ຮອງຫົວໜ້າຫ້ອງການບໍລິຫານ, ຮອງຫົວໜ້າ
ຫ້ອງການເມືອງ, ຮອງຫົວໜ້າຫ້ອງການກົມໃຫຍ່ພະລາທິການ ແລະ ຮອງຫົວໜ້າກົມອຸປະໂພກ-ບໍລິໂພກໃຫຍ່ພະລາທິການກອງທັບ, ອີງຕາມ
ກົດໝາຍນາຍທະຫານກອງທັບປະຊາຊົນລາວ, ສະບັບເລກທີ 43/ສພຊ, ລົງວັນທີ 14 ມິຖຸນາ 2018 ໃນພາກທີ II ໝວດທີ4 ມາດຕາ26 ວ່າ
ດ້ວຍການແຕ່ງຕັ້ງ, ຍົກຍ້າຍນາຍທະຫານ, ອີງຕາມທິດທາງກ່ຽວກັບການປັບປຸງກົງຈັກການຈັດຕັ້ງນໍາພາ-ບັນຊາໃນກໍາລັງປະກອບອາວຸດໃຫ້ເຂັ້ມ
ແຂງ, ໜັກແໜ້ນຮອບດ້ານ ເພື່ອເຮັດສໍາເລັດໜ້າທີ່ ແລະ ພັດທະນາປະເທດຊາດ, ອີງຕາມການສະເໜີຂອງກົມໃຫຍ່ພະລາທິການກອງທັບ ສະ
ບັບເລກທີ 141 ລົງວັນທີ 03 ເມສາ 2024, ອີງຕາມການຄົ້ນຄວ້າຕົກລົງເປັນເອກະພາບກອງປະຊຸມ ຄະນະປະຈໍາພັກກະຊວງປ້ອງກັນປະເທດ,
ຄັ້ງວັນທີ9 ເມສາ 2024 ແລະ ນໍາສະເໜີຂອງກົມໃຫຍ່ການເມືອງກອງທັບ, ກະຊວງປ້ອງກັນປະເທດ ຕົກລົງແຕ່ງຕັ້ງ ພັນໂທ ຕຽງຄໍາ ສຸວັນດາ
ວົງ ເປັນຫົວໜ້າຫ້ອງການບໍລິຫານກົມໃຫຍ່ພະລາທິການກອງທັບ, ພັນໂທ ວິໄຊ ວົງໄຊ ເປັນຮອງຫົວໜ້າຫ້ອງການບໍລິຫານ ກົມໃຫຍ່ພະລາທິ
ການກອງທັບ, ພັນໂທ ພູວົງ ລັດສະໝີ ເປັນຮອງຫົວໜ້າຫ້ອງການກົມໃຫຍ່ພະລາທິການກອງທັບ, ພັນໂທ ພົງສະໄໝ ຫຸນນະຈໍາປາ ເປັນຮອງ
ຫົວໜ້າຫ້ອງການເມືອງກົມໃຫຍ່ພະລາທິການກອງທັບ ແລະ ແຕ່ງຕັ້ງ ພັນໂທ ຈັນທະວົງ ອຸປະດີ ເປັນຮອງຫົວໜ້າກົມອຸປະໂພກ-ບໍລິໂພກກົມ
ໃຫຍ່ພະລາທິການກອງທັບ.
ໂອກາດນີ້, ສະຫາຍ ພົນຕີ ຄໍາເພັດ ສີຊານົນ ປະທານພິທີ ກໍໄດ້ໃຫ້ກຽດໂອ້ລົມໂດຍໄດ້ເນັ້ນໜັກ ແລະ ຊີ້ທິດເຍືອງທາງວຽກງານຫຼາຍຢ່າງ
ທີ່ສໍາຄັນຕໍ່ນາຍທະຫານຜູ້ທີ່ໄດ້ຮັບໜ້າທີ່ໃໝ່, ເຊິ່ງການປະກາດການແຕ່ງຕັ້ງໜ້າທີ່ໃນຄັ້ງນີ້, ໃຫ້ເຂົ້າໃຈວ່າມັນແມ່ນກົດເກນແຫ່ງການຜັນປ່ຽນ
ອັນເກົ່າໝົດໄປ, ອັນໃໝ່ຫັນເຂົ້າມາປ່ຽນແທນ, ທັງແມ່ນກຽດອັນສູງສົ່ງທີ່ສຸດ ເພາະເປັນການປະກອບສ່ວນອັນສໍາຄັນໃຫ້ແກ່ການເຕີບໃຫຍ່ຂະ
ຫຍາຍຕົວຂອງກອງທັບເຮົາ ກໍ່ຄືກົມກອງ, ເຊິ່ງໄດ້ເພີ່ມກໍາລັງແຮງສັງລວມຂຶ້ນຕື່ມອີກບາດກ້າວໜຶ່ງໃນລະບົບການນໍາພາ-ບັນຊາແຕ່ລະຂັ້ນໃນ
ກົມກອງ, ການປະກາດຍົກຍ້າຍ ແລະ ແຕ່ງຕັ້ງນາຍທະຫານ ແມ່ນເປັນການບູລະນະປັບປຸງກົງຈັກການຈັດຕັ້ງໃນແຕ່ລະຂັ້ນໃຫ້ມີຄວາມສະຫງົບ
ແລະ ມີຄວາມໜັກແໜ້ນ, ເຂັ້ມແຂງຮອບດ້ານ ເພື່ອເຮັດສໍາເລັດໜ້າທີ່ປົກປັກຮັກສາພັດທະນາປະເທດ ແລະ ອີງໃສ່ຄວາມຮຽກຮ້ອງຕ້ອງການ
ຂອງໜ້າທີ່ການເມືອງຂອງພັກໃນໄລຍະໃໝ່, ເປັນການມອບໝາຍໜ້າທີ່ໃຫ້ພະນັກງານປະຕິບັດຕາມທິດຂອງຂັ້ນເທິງວາງອອກ ເພື່ອສ້າງເງື່ອນ
ໄຂໃຫ້ພະນັກງານຜູ້ສືບທອດ, ປ່ຽນແທນ ໄດ້ຝຶກຝົນຫຼໍ່ຫຼອມຕົນເອງ ແລະ ທົດສອບໃນວຽກງານຕົວຈິງຫຼາຍດ້ານຢ່າງມີຜົນສໍາເລັດ ຕາມການ
ຈັດຕັ້ງຂັ້ນເທິງມອບໝາຍໃຫ້, ຮຽກຮ້ອງໃຫ້ຈົ່ງເອົາໃຈໃສ່ຖືເອົາວຽກງານສຶກສາອົບຮົມການເມືອງນໍາພາແນວຄິດເປັນກົກ, ກໍາແໜ້ນແນວທາງ,
ມະຕິ, ຄໍາສັ່ງ, ກົດລະບຽບຂອງພັກ, ກົດໝາຍຂອງລັດ, ຂອງກອງທັບ, ມີຄວາມສາມັກຄີພາຍໃໝູ່ຄະນະ, ປະຕິບັດຫຼັກການລວມສູນປະຊາທິ
ປະໄຕ, ເຮັດວຽກເປັນໝູ່ຄະນະ, ມອບໝາຍວຽກງານໃຫ້ບຸກຄົນຮັບຜິດຊອບ, ສະກັດກັ້ນປະກົດການຫຍໍ້ທໍ້ຕ່າງໆ ແລະ ຕັ້ງໜ້າປະກອບສ່ວນ
ເຂົ້າໃນການກໍ່ສ້າງກົມກອງໃຫ້ເຂັ້ມແຂງຢ່າງບໍ່ຢຸດຢັ້ງ.
ແຫຼ່ງຂ່າວໂດຍ ຄໍາປະສົງ ລາດຊະວົງ
ວັນທີ 13/05/2024