ມອບໝາຍໜ້າທີ່ຄະນະຊີ້ນໍາລວມ ແລະ ອະນຸກໍາມະການຮັບຜິດຊອບ
ກະກຽມຈັດງານສະເຫຼີມສະຫຼອງວັນສ້າງຕັ້ງເຫຼົ່າຮົບ ພະລາການກອງທັບ ຄົບຮອບ 70 ປີ
ສະຫາຍ ພົນຕີ ຈັນດີ ສຸລິວົງສັກ ຫົວໜ້າກົມໃຫຍ່ພະລາທິການກອງທັບ ເປັນປະທານ
ວັນທີ 10 ມີນາ 2026 ນີ້, ກົມໃຫຍ່ພະລາທິການກອງທັບ ໄດ້ຈັດກອງປະຊຸມແຕ່ງຕັ້ງຄະນະຊີ້ນໍາລວມ ແລະ ອະນຸກໍາມະການ
ການຮັບຜິດຊອບ ກະກຽມຈັດງານສະເຫຼີມສະຫຼອງວັນສ້າງຕັ້ງເຫຼົ່າຮົບ ພະລາການກອງທັບ ຄົບຮອບ 70 ປີ, (5 ສິງຫາ 1956-5 ສິງ
ຫາ 2026, ໂດຍການເປັນປະທານຂອງ ສະຫາຍ ພົນຕີ ຈັນດີ ສຸລິວົງສັກ ຫົວໜ້າກົມໃຫຍ່ພະລາທິການກອງທັບ, ມີ ຄະນະນໍາກົມ
ໃຫຍ່ພະລາທິການ, 8 ກົມນ້ອຍ, 3 ຫ້ອງການ, ຜູ້ທີ່ຖືກແຕ່ງຕັ້ງໜ້າທີ່ ການກະກຽມຈັດງານສະເຫຼີມສະຫຼອງວັນສ້າງຕັ້ງເຫຼົ່າຮົບ ພະ
ລາການກອງທັບ ຄົບຮອບ 70 ປີ ເຂົ້າຮ່ວມ.
ການສະເຫຼີມສະຫຼອງວັນສໍາຄັນດັ່ງກ່າວ ກໍເພື່ອເປັນການໂຄສະນາ, ສຶກສາອົບຮົມການເມືອງນໍາພາ-ແນວຄິດໃຫ້ພະນັກງານ-ນັກ
ຮົບ ໃນທົ່ວເຫຼົ່າຮົບພະລາທິການກອງທັບ, ເຫັນໄດ້ຜົນງານ, ມູນເຊື້ອການເຕີບໃຫຍ່ຂະຫຍາຍຕົວຢ່າງຮອບດ້ານ ຂອງເຫຼົ່າຮົບພະລາທິ
ການ, ກໍຄືກົມໃຫຍ່ພະລາທິການກອງທັບ ພາຍໃຕ້ການນໍາພາ-ຊີ້ນໍາຂອງພັກ-ລັດ, ໂດຍ ສະເພາະຄະນະພັກກະຊວງປ້ອງກັນປະເທດ
ຕະຫຼອດໄລຍະ 70 ປີ ຜ່ານມາ, ຍົກສູງຄວາມຮັບຜິດຊອບ, ຄວາມຕັ້ງຕໍ່ບໍລິສຸດ, ຄວາມເຊື່ອໝັ້ນ, ເອກອ້າງທະນົງໃຈ ແລະ ເຊີດຊູມາ
ນະຈິດປະຕິວັດ, ຄວາມຫ້າວຫັນຂອງພະນັກງານ, ນັກຮົບ-ພາລະກອນໃນທົ່ວເຫຼົ່າຮົບພະລາທິການກອງທັບ ເວົ້າລວມ, ເວົ້າສະເພາະ
ທົ່ວກົມໃຫຍ່ພະລາທິການກອງທັບ ໃຫ້ເຂັ້ມແຂງ, ໜັກແໜ້ນ, ເຮັດໃຫ້ທາດແທ້, ມູນເຊື້ອອັນດີງາມ ຂອງເຫຼົ່າຮົບພະລາທິການກອງ
ທັບ ທີ່ມີມາແຕ່ດົນນານນັ້ນ, ໃຫ້ໄດ້ຮັບການປົກປັກຮັກສາ ແລະ ເສີມຂະຫຍາຍຢ່າງບໍ່ຢຸດຢັ້ງ, ສົມກັບຄວາມເຊື່ອໝັ້ນ ແລະ ໄວ້ວາງ
ໃຈຈາກພັກ-ລັດ, ກໍຄືກະຊວງປ້ອງກັນປະເທດ, ພະນັກງານ-ນັກຮົບ ແລະ ປະຊາຊົນລາວ ບັນດາເຜົ່າ ທີ່ໄດ້ກໍ່ຕັ້ງ, ທະນຸບຳລຸງ, ກໍ່ສ້າງ
ໃຫ້ການສະໜັບສະໜູນຊ່ວຍເຫຼືອເບິ່ງແຍງຕະຫຼອດມາ.
ໂອກາດນີ້, ສະຫາຍ ພົນຕີ ຈັນດີ ສຸລິວົງສັກ ໄດ້ເນັ້ນ ໜັກ ແລະ ຊີ້ທິດເຍືອງທາງ, ໂດຍຮຽກໃຫ້ຜູ້ທີ່ຖືກແຕ່ງຕັ້ງຄະນະຊີ້ນໍາລວມ
ແລະ ອະນຸກໍາມະການຮັບຜິດຊອບກະກຽມຈັດງານສະເຫຼີມສະຫຼອງວັນສ້າງຕັ້ງເຫຼົ່າຮົບພະລາການກອງທັບ ຄົບຮອບ 70 ປີ, ຈົ່ງພ້ອມ
ກັນເອົາໃຈໃສ່ຈັດຕັ້ງປະຕິບັດໃຫ້ສໍາເລັດຕາມແຜນການກໍານົດເວລາທີ່ວາງໄວ້, ພ້ອມທັງເຄື່ອນໄຫວໂຄສະນາ-ປາຖະກະຖາປະຫວັດມູນ
ເຊື້ອຜົນງານ 70 ປີ ຂອງເຫຼົ່າຮົບພະລາທິການກອງທັບ, ເປີດຂະບວນການແຂ່ງຂັນສ້າງຜົນງານດ້ານຕ່າງໆ ໃຫ້ກວ້າງຂວາງ, ແຂງແຮງ
ແລະ ມີບັນຍາກາດຟົດຟື້ນໃນທົ່ວກອງທັບ.
ແຫຼ່ງຂ່າວໂດຍ ຄໍາປະສົງ ລາດຊະວົງ
ວັນທີ 12/03/2026