ກອງປະຊຸມສະຫຼຸບຖອດຖອນບົດຮຽນ ການປັບປຸງກໍ່ສ້າງ
ໜ່ວຍພັກປອດໃສ, ເຂັ້ມແຂງ, ໜັກແໜ້ນ
ສະຫາຍ ພົນຕີ ສີດາລໍ່ ຈົ່ງເຕັງເຈ້ຍຊ້າ ຄະນະພັກກະຊວງປ້ອງກັນປະເທດ ຮອງຫົວໜ້າກົມໃຫຍ່ເສນາທິການກອງທັບ ເປັນປະທານ
ວັນທີ 9 ພຶດສະພາ 2024 ນີ້, ກົມໃຫຍ່ເສນາທິການກອງທັບ ໄດ້ຈັດກອງປະຊຸມສະຫຼຸບຖອດຖອນບົດຮຽນການປັບປຸງກໍ່ສ້າງໜ່ວຍ
ພັກປອດໃສ, ເຂັ້ມແຂງ, ໜັກແໜ້ນ ປະຈໍາປີ 2023 ແລະ ລຸລ່ວງພະນັກງານຂັ້ນສູງເຂົ້າຮັບບໍານານ, ປະກາດແຕ່ງຕັ້ງພະນັກງານບັນຊາຂັ້ນ
ຕ່າງໆ, ບົ່ງຕົວແຕ່ງຕັ້ງເລຂາໜ່ວຍພັກກົມ, ກົມກອງ ໂດຍການເປັນປະທານຂອງ ສະຫາຍ ພົນຕີ ສີດາລໍ່ ຈົ່ງເຕັງເຈ້ຍຊ້າ ຄະນະພັກກະຊວງ
ປ້ອງກັນປະເທດ ຮອງຫົວໜ້າກົມໃຫຍ່ເສນາທິການກອງທັບ, ມີບັນດາກົມ, ຫ້ອງການ, ຄະນະພັກ-ຄະນະບັນຊາກົມກອງທົ່ວກົມໃຫຍ່ເສ
ນາທິການກອງທັບ ເຂົ້າຮ່ວມ.
ສະຫາຍ ພັນເອກ ຈັນທາ ບຸນນະວົງ ຄະນະພັກອົງການກົມໃຫຍ່ ຫົວໜ້າຫ້ອງການເມືອງ ກົມໃຫຍ່ເສນາທິການກອງທັບ ໄດ້ຂຶ້ນຜ່ານ
ບົດສະຫຼຸບຕີລາຄາຜົນ ຂອງການກວດກາຕີລາຄາຄຸນນະພາບການກໍ່ສ້າງກົມກອງ-ໜ່ວຍພັກປອດໃສ, ເຂັ້ມແຂງ, ໜັກແໜ້ນ ຢູ່ທົ່ວກົມ
ໃຫຍ່ເສນາທິການກອງທັບປະຈໍາປີ 2023 ຄະນະພັກທຸກຂັ້ນໄດ້ເຊື່ອມຊຶມກໍາແໜ້ນເນື້ອໃນຈິດໃຈຄໍາສັ່ງຂອງກົມການເມືອງສູນກາງພັກ,
ຄະນະຈັດຕັ້ງສູນກາງພັກ, ຄໍາສັ່ງແນະນໍາຂອງຄະນະພັກກະຊວງປ້ອງກັນປະເທດ ວ່າດ້ວຍການເພີ່ມທະວີການກໍ່ສ້າງກົມກອງໜ່ວຍພັກປອດ
ໃສ, ເຂັ້ມແຂງ, ໜັກແໜ້ນ ໃນທົ່ວກອງທັບເຂົ້າໃຈຢ່າງເລິກເຊິ່ງ ແລະ ຮູ້ຈັດຕັ້ງຜັນຂະຫຍາຍລົງສູ່ກົມກອງ-ໜ່ວຍພັກຂອງຕົນ, ບັນດາຄະ
ນະພັກຂັ້ນຕ່າງໆ ໃນທົ່ວກົມໃຫຍ່ເສນາທິການໄດ້ຮຽນຮູ້ຝຶກອົບຮົມດ້ານທິດສະດີໃນການກໍ່ສ້າງກົມກອງ, ຈັດຕັ້ງທົດລອງໃນການຕີລາຄາ
ແບ່ງຄຸນນະພາບສະມາຊິກພັກດ້ວຍຮູບການເປີດບັ້ນດໍາເນີນຊີວິດການເມືອງ, ຜ່ານບົດສະຫຼຸບສໍາຫຼວດບຸກຄົນ, ສະມາຊິກພັກເປີດກວ້າງປະ
ຊາທິປະໄຕ, ຕໍານິສົ່ງຂ່າວ, ຈັດຕັ້ງປ່ອນບັດໄປແຕ່ລະສະຫາຍ, ຜ່ານທິດທາງແຜນການ ແລະ ຜ່ານບົດສໍາຫຼວດການນໍາພາລວມ ສັງລວມ
ແລ້ວການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນຢູ່ອົງຄະນະພັກ ກົມໃຫຍ່ເສນາທິການກອງທັບ ໄດ້ປະຕິບັດໄປຢ່າງຖືກຕ້ອງຕາມ
ຄໍາສັ່ງຂອງກົມການເມືອງ, ຄະນະຈັດຕັ້ງສູນກາງຄໍາສັ່ງແນະນໍາຂອງຄະນະພັກ ກະຊວງປ້ອງກັນປະເທດ ແລະ ບົດແນະນໍາຂອງກົມໃຫຍ່
ການເມືອງກອງທັບຢ່າງເຂັ້ມງວດ ຕີລາຄາຜົນໄດ້ຮັບຄຸນນະພາບການຈັດຕັ້ງພັກ ແລະ ສະມາຊິກພັກປະຈໍາປີ 2023 ທົ່ວອົງຄະນະພັກກົມ
ໃຫຍ່ເສນາທິການກອງທັບຄື: ຄຸນະພາບຂອງໜ່ວຍພັກ, ໜ່ວຍພັກຮາກຖານ (ໜ່ວຍພັກເອກະລາດ) ເປັນໜ່ວຍພັກແຂງ 19 ໜ່ວຍ, ໜ່ວຍ
ພັກຂຶ້ນກັບຄະນະພັກຮາກຖານເປັນໜ່ວຍພັກແຂງ 95 ໜ່ວຍ, ໜ່ວຍພັກຮາກຖານ ( ໜ່ວຍພັກເອກະລາດ ປະເພດກາງ 12 ໜ່ວຍ, ໜ່ວຍ
ພັກຂຶ້ນກັບຄະນະພັກຮາກຖານເປັນໜ່ວຍພັກປະເພດກາງ 13 ໜ່ວຍ, ດ້ານຄຸນນະພາບຂອງສະມາຊິກພັກ ປະເພດແຂງ 4,334 ສະຫາຍ,
ຍິງ 773 ສະຫາຍ; ປະເພດກາງ 115 ສະຫາຍ, ຍິງ 15 ສະຫາຍ; ບໍ່ໄດ້ຮັບການກວດກາຕີລາຄາຄຸນນະພາບ 72 ສະຫາຍ, ຍິງ 5 ສະຫາຍ.
ຮັບຮອງເອົາບັນດາໜ່ວຍພັກທີ່ຂຶ້ນກັບຄະນະພັກກົມໃຫຍ່ເສນາທິການກອງທັບ ເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນ, ພ້ອມທັງ
ມອບ-ຮັບໃບຢັ້ງຢືນ ປະຈໍາປີ 2023 ຈໍານວນ 113 ໜ່ວຍຢ່າງສົມກຽດ, ຈາກນັ້ນກໍ່ໄດ້ຜ່ານຂໍ້ຕົກລົງຂອງກະຊວງປ້ອງກັນປະເທດ ວ່າດ້ວຍ
ການອະນຸມັດໃຫ້ນາຍທະຫານ ຢູ່ກົມໃຫຍ່ເສນາທິການກອງທັບ ພັກການເພື່ອກຽມຮັບບໍານານ ກະຊວງປ້ອງກັນປະເທດ ຕົກລົງອະນຸມັດ
ໃຫ້ ພັນເອກ ເຕີຍປັນຍາ ມົນລາສີ ກົມການທະຫານທ້ອງຖິ່ນ, ພັນເອກ ຄໍາພັດ ສຸວັນດີ ຮອງຫົວໜ້າກົມກົດລັບ, ພັນເອກ ບຸນຍົດ ພົງສະ
ຫວັດ ຮອງຫົວໜ້າກົມປ້ອງກັນອາກາດ, ພັນເອກ ສີປະເສີດ ບຸນປະກອບ ຫົວໜ້າກົມອົບຮົມ, ພັນເອກ ວິດອນ ພຸດດາວົງ ຮອງຫົວໜ້າກົມ
ໂຮງຮຽນ ກຽມພັກການເຂົ້າຮັບເບ້ຍບໍານານ, ຜ່ານຂໍ້ຕົກລົງຂອງກະຊວງປ້ອງກັນປະເທດ ວ່າດ້ວຍການແຕ່ງຕັ້ງຫົວໜ້າກົມ ແລະ ຮອງຫົວໜ້າ
ກົມ ກະຊວງປ້ອງກັນປະເທດ ຕົກລົງແຕ່ງຕັ້ງ: ພົນຈັດຕະວາ ກົງທອງ ສຸຂະວົງ ເປັນຫົວໜ້າກົມສູ້ຮົບ, ພັນເອກ ພູເງິນ ພົມເມືອງ ເປັນຫົວໜ້າ
ກົມອົບຮົມ, ພັນເອກ ພູວຽງ ສອນສົມໃຈ ເປັນຫົວໜ້າກົມລົດຕັງ-ຍານເກາະ, ພັນເອກ ບຸນລ້ອມ ອຸດົມສຸກ ເປັນຫົວໜ້າກົມການທະຫານ
ທ້ອງຖິ່ນ, ພັນໂທ ສົມພຸດ ພິລາ ເປັນຫົວໜ້າກົມແຜນທີ່ກອງທັບ, ພັນໂທ ຄໍາທູນ ອິນທິລາດ ເປັນຮອງຫົວໜ້າກົມການທະຫານທ້ອງຖິ່ນ,
ພັນໂທ ສີສະຫວັນ ພິມມະສອນ ເປັນຮອງຫົວໜ້າກົມລົດຕັງ-ຍານເກາະ.
ພ້ອມກັນນັ້ນກໍ່ໄດ້ຜ່ານມະຕິຂອງຄະນະປະຈໍາພັກ ກົມໃຫຍ່ເສນາທິການກອງທັບ ວ່າດ້ວຍການບົ່ງຕົວແຕ່ງຕັ້ງປ່ຽນແທນເລຂາໜ່ວຍພັກ,
ເລຂາຄະນະພັກຮາກຖານຄື: ບົ່ງຕົວແຕ່ງຕັ້ງ ພັນເອກ ອຸ່ນຄໍາ ສີແຫວນວົງສັກ ເປັນເລຂາ ໜ່ວຍພັກປ່ຽນແທນ ພົນຈັດຕະວາ ສີພັນ ພຸດທະວົງ
ທີ່ພັກການເຂົ້າຮັບບໍານານ, ພັນໂທ ວິໄລສຸກ ນິດແກ່ນສຸດ ຫົວໜ້າການທະຫານ ເປັນເລຂາຄະນະພັກຮາກຖານໂຮງງານແຜນທີ່ກອງທັບ ປ່ຽນ
ແທນ ພັນເອກ ໄອສໍາລານ ຄໍາມາວົງ ທີ່ຍົກຍ້າຍໄປຮັບໜ້າທີ່ໃໝ່, ພັນໂທ ອຸ່ນເຮືອນ ທິບປະວົງ ຫົວໜ້າການເມືອງ ເປັນເລຂາໜ່ວຍພັກ ສູນ
14 ປ່ຽນແທນ ພັນໂທ ບຸນຍູ້ ດາວວິໄລ ທີ່ພັກການເຂົ້າຮັບບໍານານ. ພ້ອມທັງໄດ້ຜ່ານຂໍ້ຕົກລົງຂອງກົມໃຫຍ່ເສນາທິການກອງທັບວ່າດ້ວຍການ
ແຕ່ງຕັ້ງໜ້າທີ່ຂັ້ນຂະແໜງການອີກຈໍານວນໜຶ່ງ.
ແຫຼ່ງຂ່າວໂດຍ ເກດຕະວັນ
ວັນທີ 10/05/2024