ມອບ-ຮັບໜ້າທີ່ຫົວໜ້າກອງບັນນາທິການໜັງສືພິມກອງທັບ ຜູ້ເກົ່າ ແລະ ຜູ້ໃໝ່

    ພີທີມອບ-ຮັບໜ້າທີ່ ຫົວໜ້າກອງບັນນາທິການໜັງສືພິມກອງທັບ ລະຫວ່າງ ຜູ້ເກົ່າ ແລະ ຜູ້ໃໝ່ ໄດ້ຈັດຂຶ້ນໃນວັນທີ 5 ມິຖຸນາ 2024 ນີ້,
ໂດຍການເປັນປະທານຂອງ ສະຫາຍ ພົນຈັດຕະວາ ໄພວັນ ຈັນທະພົມມາ ກໍາມະການຄະນະພັກກະຊວງປ້ອງກັນປະເທດ ຮອງຫົວໜ້າກົມໃຫຍ່
ການເມືອງກອງທັບ, ມີຄະນະຫ້ອງການເມືອງ ແລະ ກົມໂຄສະນາອົບຮົມ ກົມໃຫຍ່ການເມືອງກອງທັບ, ມີຄະນະພັກ-ຄະນະບັນຊາ ພ້ອມດ້ວຍ
ພະນັກງານຫຼັກແຫຼ່ງກອງບັນນາທິການໜັງສືພິມກອງທັບເຂົ້າຮ່ວມ.

     ສະຫາຍ ພັນເອກ ຄໍາສາວ ແກ້ວສິເສດ ຫົວໜ້າກອງບັນນາທິການໜັງສືພິມກອງທັບ (ຜູ້ເກົ່າ) ໄດ້ຜ່ານບົດສະຫຼຸບຫຍໍ້ ໃນການນຳພາ-ຊີ້ນຳ
ນຳ ຈັດຕັ້ງເຄື່ອນໄຫວຕະຫຼອດໄລຍະຜ່ານມາ ເຊິ່ງຍົກໃຫ້ເຫັນທີ່ຕັ້ງ, ພາລະບົດບາດໃນການເປັນເສນາທິການດ້ານວຽກງານສື່ມວນຊົນກອງທັບ,
ໂດຍສະເພາະແມ່ນວຽກງານການໂຄສະນາສື່ໜັງສືພິມ, ໂຄສະນາເຜີຍແຜ່ວຽກງານດ້ານຕ່າງໆ ໂດຍປິ່ນອ້ອມ 4 ໜ້າທີ່ໃຫຍ່ 26 ແຜນງານທີ່ຄະ
ນະພັກກະຊວງປ້ອງກັນປະເທດວາງອອກ. ໃນຕະຫຼອດໄລຍະຜ່ານມາຍາມໃດຕົນເອງ ກໍມີຄວາມເຊື່ອໝັ້ນຢ່າງຕາຍໃຈຕໍ່ການປະຕິວັດ, ຕໍ່ການນໍາ
ພາຂອງພັກ, ມີຄວາມຈົງຮັກພັກດີຕໍ່ຊາດ ຕໍ່ປະຊາຊົນ ຢ່າງສຸດໃຈ, ມີທັດສະນະຫຼັກໝັ້ນການເມືອງຊົນຊັ້ນຖືກຕ້ອງ, ມີຄວາມຊື່ສັດຈົງຮັກພັກດີ
ແລະ ເຊື່ອໝັ້ນຕໍ່ອຸດົມການປະຕິວັດ ແລະ ລັດທິສັງຄົມນິຍົມ, ເປັນເອກະພາບຕໍ່ແນວທາງປ່ຽນແປງໃໝ່ຂອງພັກ, ຈໍາແນກມິດ-ສັດຕູຢ່າງຈະແຈ້ງ,
ເດັດຂາດ, ມີສະຕິຕໍ່ກົນອຸບາຍລ່ຽມລາຍທໍາລາຍຂອງສັດຕູ ແລະ ເອົາໃຈໃສ່ໃນການເຜີຍແຜ່ໂຄສະນາສຶກສາອົບຮົມ ໃຫ້ ນາຍ ແລະ ພົນທະຫານ
ແລະ ປະຊາຊົນ ຊັ້ນຄົນຕ່າງໆ ຜ່ານສື່ມວນຊົນ ປະກອບສ່ວນໃນການຕໍ່ສູ້ຕອບຕ້ານກັບຖ້ອຍທໍານອງບິດເບືອນໃສ່ຮ້າຍປ້າຍສີ ຂອງອິດທິກຳລັງປະ
ຕິການຢູ່ພາຍໃນ ແລະ ຕ່າງປະເທດ ຜ່ານ ສື່ສິ່ງພິມ ແລະ ສື່ສັງຄົມອອນລາຍ ຕາມໜ້າທີ່ການເມືອງທີ່ຂັ້ນເທິງມອບໝາຍ, ມີຄວາມຮັບຜິດຊອບ
ສູງຕໍ່ໜ້າທີ່ວຽກງານທີ່ໄດ້ຮັບມອບໝາຍ, ຫ້າວຫັນເປັນເຈົ້າການປະຕິບັດວຽກງານວິຊາສະເພາະ ກ້າເຮັດ ກ້າຮັບຜິດຊອບຕໍ່ຜົນໄດ້-ຜົນເສຍຂອງ
ກົມກອງ, ມີຄວາມອົດທົນ ພະຍາຍາມສູງ ເພື່ອເຮັດໃຫ້ວຽກງານບັນລຸຕາມແຜນການນຳພາ, ຮັບປະກັນທັງດ້ານປະລິມານ ແລະ ຄຸນນະພາບ, ມີ
ຄວາມເຊື່ອໝັ້ນ ແລະ ຖືສໍາຄັນຕໍ່ກຳລັງແຮງ ຂອງມະຫາຊົນ ແລະ ພະຍາຍາມຂຸດຄົ້ນ ກໍາລັງແຮງສັງລວມຂອງມະຫາຊົນ, ປັບປຸງຍົກລະດັບຄວາມ
ເຂັ້ມແຂງ ແລະ ຄວາມສາມາດຂອງກົມກອງໃຫ້ເຂັ້ມແຂງຂຶ້ນເລື້ອຍໆ. ຈາກນັ້ນ, ໄດ້ເຊັນບົດບັນທຶກ ມອບ-ຮັບໜ້າທີ່ລະຫວ່າງ ສະຫາຍ ພັນເອກ
ຄຳສາວ ແກ້ວວິເສດ ຫົວໜ້າກອງບັນນາທິການໜັງສືພິມກອງທັບ (ຜູ້ເກົ່າ) ແລະ ສະຫາຍ ພັນໂທ ວັນເຮືອງ ສີວິໄລ ຫົວໜ້າກອງບັນນາທິການ
ໜັງສືພິມກອງທັບ (ຜູ້ໃໝ່).

     ໂອກາດນີ້, ສະຫາຍ ພົນຈັດຕະວາ ໄພວັນ ຈັນທະພົມມາ ກໍໄດ້ສະແດງຄວາມຍ້ອງຍໍຊົມເຊີຍຕໍ່ສະຫາຍຫົວໜ້າກອງບັນນາທິການໜັງສືພິມ
ກອງທັບ (ຜູ້ເກົ່າ) ທີ່ໄດ້ສຸມທຸກເຫື່ອແຮງ, ສະຕິປັນຍາ, ປະກອບສ່ວນເຂົ້າໃນວຽກງານນໍາພາ-ຊີ້ນຳ ຈົນເຮັດສໍາເລັດໜ້າທີ່ອັນມີກຽດສະຫງ່າຂອງ
ຕົນທີ່ຂັ້ນເທິງມອບໝາຍໃຫ້ ໃນໄລຍະຜ່ານມາ, ພ້ອມນີ້ຍັງໄດ້ເນັ້ນໜັກໃຫ້ຫົວໜ້າກອງບັນນາທິການໜັງສືພິມກອງທັບ (ຜູ້ໃໝ່) ຈົ່ງເອົາໃຈໃສ່ຍົກ
ສູງຄວາມຮັບຜິດຊອບຕໍ່ໜ້າທີ່ການເມືອງຂອງຕົນ ໃຫ້ໜັກແໜ້ນ, ເອົາໃຈໃສ່ໃກ້ຊິດຕິດແທດ ສຶກສາອົບຮົມການເມືອງ-ນໍາພາແນວຄິດ ໃຫ້ພະນັກ
ງານ-ນັກຮົບ, ຮັກສາຄວາມສາມັກຄີພາຍໃນໃຫ້ແໜ້ນແຟ້ນ, ມີແບບແຜນວິທີເຮັດວຽກແບບລວມສູນປະຊາທິປະໄຕເປັນໝູ່ຄະນະ, ແບ່ງບຸກຄົນ
ຮັບຜິດຊອບ ເພື່ອພ້ອມກັນເຮັດສຳເລັດໜ້າທີ່ວຽກງານທີ່ການຈັດຕັ້ງຂັ້ນເທິງມອບໜາຍໃຫ້ໄດ້ຮັບໝາກຜົນສູງກວ່າເກົ່າ.

ແຫຼ່ງຂ່າວໂດຍ ສຸເວດ ສີດາຄຳ
ວັນທີ 06/06/2024