ປະກາດການປັບປຸງການຈັດຕັ້ງບາງອົງການ ແລະ ກົມກອງ
ທີ່ຂຶ້ນກັບຫ້ອງວ່າການກະຊວງປ້ອງກັນປະເທດ

ສະຫາຍ ພົນຕີ ສາຍໃຈ ກົມມະສິດ ກຳມະການຄະນະປະຈຳພັກ ກະຊວງປ້ອງກັນປະເທດ, ຫົວໜ້າຫ້ອງວ່າການກະຊວງປ້ອງກັນປະເທດ ​ເປັນ​ປະທານ

    ພິທີປະກາດການປັບປຸງການຈັດຕັ້ງບາງອົງການ ແລະ ກົມກອງ ທີ່ຂຶ້ນກັບຫ້ອງວ່າການກະຊວງປ້ອງກັນປະເທດ ໄດ້ຈັດຂຶ້ນໃນວັນທີ 3
ພຶດສະພາ 2024 ນີ້, ໂດຍການເປັນປະທານ ຂອງສະຫາຍ ພົນຕີ ສາຍໃຈ ກົມມະສິດ ກຳມະການຄະນະປະຈຳພັກ ກະຊວງປ້ອງກັນປະເທດ,
ຫົວໜ້າຫ້ອງວ່າການກະຊວງປ້ອງກັນປະເທດ, ມີບັນດາສະຫາຍຄະນະພັກ-ຄະນະບັນຊາກົມ, ຫ້ອງການ, ກອງ, ບໍລິສັດ, ລັດວິສາຫະກິດ ແລະ
ພະນັກງານຫຼັກແຫຼ່ງທົ່ວຫ້ອງວ່າການກະຊວງປ້ອງກັນປະເທດ ເຂົ້າຮ່ວມ.

     ສະຫາຍ ພັນເອກ ວົງເພັດ ວົງສະຫວັນ ຮອງຫົວໜ້າກົມພະນັກງານ ກົມໃຫຍ່ການເມືອງກອງທັບ ໄດ້ຂຶ້ນຜ່ານຂໍ້ຕົກລົງ ຂອງກະຊວງ
ປ້ອງກັນປະເທດ ວ່າດ້ວຍການອະນຸມັດນາຍທະຫານຂັ້ນສູງ ພັກການກຽມຮັບບໍານານ, ຍົກຍ້າຍ ແລະ ແຕ່ງຕັ້ງປ່ຽນແທນຕໍາແໜ່ງ ຂອງບັນດາ
ອົງການ, ກົມກອງ ທີ່ຂຶ້ນກັບຫ້ອງວ່າການກະຊວງປ້ອງກັນປະເທດ. ໃນນີ້, ກະຊວງປ້ອງກັນປະເທດ ຕົກລົງອະນຸມັດໃຫ້ ພັນເອກ ສີວຽງທອງ
ກອນນີວົງ ອຳນວຍການ ບໍລິສັດລັດວິສາຫະກິດລາວເດີນອາກາດ ພັກການຮັບເບ້ຍບໍານານ; ຍົກຍ້າຍ ພັນເອກ ຈິດຖະໜອມ ບຸນເລີດ ຮອງຫົວ
ໜ້າກົມພົວພັນຕ່າງປະເທດ ໄປໃຫ້ຫ້ອງການຄະນະກຳມະການ ປກຊ-ປກສ ສູນກາງ; ແຕ່ງຕັ້ງ ພົນຈັດຕະວາ ທະນຸກອນ ສຸລິຍະແສງ ເປັນຮອງ
ຫົວໜ້າຫ້ອງວ່າການກະຊວງ, ພົນຈັດຕະວາ ສີພອນໄຊ ຄໍາທອງເຫວີນ ເປັນຮອງຫົວໜ້າຫ້ອງວ່າການກະຊວງ, ພັນເອກ ຂາວມະນີ ສີພອນ ເປັນ
ຫົວໜ້າກົມຄົ້ນຄວ້າສັງລວມ, ພັນເອກ ໄຊສົງຄາມ ວໍລະຈິດ ເປັນຫົວໜ້າກົມເສດຖະກິດ, ພັນເອກ ປັນທະວີ ສີສົງຄາມ ເປັນຜູ້ອຳນວຍການ ບໍ
ລິສັດລັດວິສາຫະກິດລາວເດີນອາກາດ, ພັນເອກ ໄຊຍະສອນ ແກ້ວໂຍທີ ເປັນຮອງຫົວໜ້າກົມຄົ້ນຄວ້າສັງລວມ, ພັນເອກ ສຸລະຄອນ ຈັນທະລາ
ເປັນຮອງຫົວໜ້າກົມເສດຖະກິດ, ພັນເອກ ວົງໄຊ ອິນທະຄຳ ເປັນຮອງຫົວໜ້າກົມພົວພັນຕ່າງປະເທດ, ພັນເອກ ສີສະໄຫວ ສິມມະວົງ ເປັນຮອງ
ຫົວໜ້າກົມພົວພັນຕ່າງປະເທດ, ພັນໂທ ຄຳພັນ ຮຸ່ງສີເມືອງ ເປັນຮອງຫົວໜ້າຫ້ອງການເມືອງ, ພັນໂທ ສອນຕິສັກ ມີລາວົງ ເປັນຮອງຜູ້ອຳນວຍ
ການ ບໍລິສັດລັດວິສາຫະກິດລາວເດີນອາກາດ.

     ຈາກນັ້ນ, ສະຫາຍ ພັນເອກ ສະຫຼອງໄຊ ໄຊຍະເສນາ ຫົວໜ້າຫ້ອງການເມືອງ ຫ້ອງວ່າການກະຊວງປ້ອງກັນປະເທດ ໄດ້ຜ່ານຂໍ້ຕົກລົງ ຂອງ
ກົມໃຫຍ່ການເມືອງກອງທັບ ວ່າດ້ວຍການແຕ່ງຕັ້ງຂັ້ນພະແນກ ຂອງຫ້ອງວ່າການກະຊວງປ້ອງກັນປະເທດ ໃນນີ້, ກົມໃຫຍ່ການເມືອງກອງທັບ ຕົກ
ລົງ ແຕ່ງຕັ້ງ ພັນເອກ ຄຳເກັ່ງ ຜາງພິລາວົງ ເປັນຫົວໜ້າພະແນກເອີຮົບ-ອາເມລິກາ ກົມພົວພັນຕ່າງປະເທດ, ພັນໂທ ພອນປະເສີດ ສຸວັນນະລາດ
ເປັນຫົວໜ້າພະແນກສັນຍາ ແລະ ການຮ່ວມມື ກົມເສດຖະກິດ, ພັນຕີ ຈັນທະສອນ ຂຸນບູລົມ ເປັນຫົວໜ້າພະແນກແຜນການ ແລະ ການລົງທຶນ
ກົມເສດຖະກິດ, ພັນຕີ ແຈ້ງສະຫວ່າງ ແສງທະວີ ເປັນຮອງຫົວໜ້າພະແນກແຜນການ ແລະ ການລົງທຶນ ກົມເສດຖະກິດ, ພັນຕີ ນາງ ລັດຈະນີ
ສານສຸກັນ ເປັນຮອງຫົວໜ້າພະແນກສັນຍາ ແລະ ການຮ່ວມມື ກົມເສດຖະກິດ.

ແຫຼ່ງຂ່າວໂດຍ ຂກທ
ວັນທີ 06/05/2024