ກົມໃຫຍ່ພະລາທິການກອງທັບ ປະກາດການແຕ່ງຕັ້ງຄະນະປັບປຸງຫົວໜ່ວຍການຜະລິດ-ທຸລະກິດ

    ວັນທີ 4 ກໍລະກົດ 2024 ນີ້, ກົມໃຫຍ່ພະລາທິການກອງທັບ ໄດ້ຈັດພິທີປະກາດການແຕ່ງຕັ້ງຄະນະປັບປຸງຫົວໜ່ວຍການຜະລິດ-ທຸລະ
ກິດ ທີ່ຂື້ນກັບກົມໃຫຍ່ພະລາທິການກອງທັບ ຊີ້ນໍາໂດຍກົງ, ໂດຍການເປັນປະທານຂອງ ສະຫາຍ ພົນຕີ ຄໍາເພັດ ສີຊານົນ ຫົວໜ້າກົມໃຫຍ່
ພະລາທິການກອງທັບ, ມີ ຄະນະກົມໃຫຍ່ພະລາທິການ, ຫ້ອງການ, ຄະນະປັບປຸງຫົວໜ່ວຍການຜະລິດ-ທຸລະກິດ ແລະ ກົມວິຊາສະເພາະ
ທີ່ກ່ຽວຂ້ອງ ເຂົ້າຮ່ວມ.

     ສະຫາຍ ພັນໂທ ສີພອນ ສີເວີນໄຊ ຮອງພະແນກກວດສອບຄຸ້ມຄອງບັນຊີຫ້ອງການ ກົມໃຫຍ່ພະລາທິການກອງທັບ, ໄດ້ຜ່ານຂໍ້ຕົກລົງ
ຂອງກົມໃຫຍ່ພະລາທິການກອງທັບ ວ່າດ້ວຍການອະນຸມັດແຕ່ງຕັ້ງຄະນະປັບປຸງຫົວໜ່ວຍການຜະລິດ-ທຸລະກິດ ທີ່ຂື້ນກັບກົມໃຫຍ່ພະລາ
ທິການກອງທັບ ຊີ້ນໍາໂດຍກົງ, ອີງຕາມ ຂໍ້ກໍານົດກ່ຽວກັບການຄຸ້ມຄອງຫົວໜ່ວຍການຜະລິດ-ທຸລະກິດ ທີ່ຂື້ນກັບກົມໃຫຍ່ພະລາທິການ, ອີງ
ຕາມ ສະພາບເງື່ອນໄຂຕົວຈິງກ່ຽວກັບການປັບປຸງຫົວໜ່ວຍການຜະລິດ-ທຸລະກິດ ທີ່ຂື້ນກັບກົມໃຫ່ຍພະລາທິການ ຄຸ້ມຄອງ ໃຫ້ມີຄວາມຮັບ
ປະກັນ ແລະ ມີປະສິດທິຜົນໃນແຕ່ລະໄລຍະ, ກົມໃຫຍ່ພະລາທິການກອງທັບ ຕົກລົງ: ແຕ່ງຕັ້ງ ສະຫາຍ ພົນຈັດຕະວາ ຈັນທະຈັກ ໄຊຍະວົງ
ສາ ຮອງຫົວໜ້າກົມໃຫຍ່ພະລາທິການກອງທັບ ເປັນຫົວໜ້າຊີ້ນໍາລວມ, ສະຫາຍ ພັນເອກ ບຸນມີ ວິເສດສິນ ຮອງຫົວໜ້າຫ້ອງການກົມໃຫຍ່
ພະລາທິການກອງທັບ ເປັນຮອງ, ສະຫາຍ ພັນເອກ ຈັນທະລີ ວິຈິດ ຮອງຫົວໜ້າກົມກົມອຸປະໂພກ-ບໍລິໂພກ ເປັນຄະນະ, ສະຫາຍ ພັນໂທ
ບຸນມັງ ໂຄດຂຸນຕາ ຮອງຫົວໜ້າກົມກໍ່ສ້າງຄຸ້ມຄອງຊັບສິນ ເປັນຄະນະ ແລະ ແຕ່ງຕັ້ງກອງເລຂາ ຄະນະປັບປຸງຫົວໜ່ວຍການຜະລິດ-ທຸລະກິດ
ປະກອບລວມມີ 8 ສະຫາຍ ຄື: ສະຫາຍ ພັນໂທ ສີພອນ ສີເວີນໄຊ ຮອງຫົວໜ້າພະແນກກວດສອບ-ຄຸ້ມຄອງບັນຊີ ຫ້ອງການກົມໃຫຍ່ພະລາ
ທິການກອງທັບ ເປັນຫົວໜ້າ, ສະຫາຍ ພັນໂທ ແສງເພັດ ພົມມະຫາໄຊ ຫົວໜ້າພະແນກກວດກາພັກ-ລັດ ຫ້ອງການເມືອງ ກົມໃຫຍ່ພະລາທິ
ການກອງທັບ ເປັນຮອງ, ສະຫາຍ ພັນໂທ ກິ່ງແກ້ວ ແກ້ວສຸພັນ, ສະຫາຍ ພັນໂທ ວຽງແກ້ວ ບົວໄລວັນ, ສະຫາຍ ພັນໂທ ນາງ ພອນສຸກ ບູລົມ,
ສະຫາຍ ພັນໂທ ຄໍາຫວ່າງ ພະຈອມພົນ, ສະຫາຍ ພັນຕີ ຄໍາພຽນ ພັນທະວົງ ແລະ ສະຫາຍ ພັນຕີ ອຸ່ນແກ້ວ ໄໝນີນລົງ ເປັນຄະນະ.

ແຫຼ່ງຂ່າວໂດຍ ຄໍາປະສົງ ລາດຊະວົງ
ວັນທີ 05/07/2024