ປະກາດແຕ່ງຕັ້ງ ຫົວໜ້າຫ້ອງພະລາທິການ ວຕກ ຄົນໃໝ່

ສະຫາຍ ພົນຕີ ຄຳເພັດ ສີຊານົນ ກໍາມະການຄະນະປະຈໍາພັກກະຊວງປ້ອງກັນປະເທດ ຫົວໜ້າກົມໃຫຍ່ພະລາທິການກອງທັບ ​ເປັນ​ປະທານ

    ໃນວັນທີ 31 ພຶດສະພາ 2024 ນີ້, ຢູ່ທີ່ວິທະຍາຄານເຕັກນິກການທະຫານ ໄດ້ປະກາດແຕ່ງຕັ້ງຮອງອໍານວຍການ ຫົວໜ້າຫ້ອງພະລາທິການ
ຄົນໃໝ່ ໂດຍພາຍໃຕ້ການເປັນປະທານຂອງ ສະຫາຍ ພົນຕີ ຄຳເພັດ ສີຊານົນ ກໍາມະການຄະນະປະຈໍາພັກ ກະຊວງປ້ອງກັນປະເທດ ຫົວໜ້າກົມ
ໃຫຍ່ພະລາທິການກອງທັບ, ມີບັນດາຄະນະພັກ-ຄະນະອໍານວຍການ, ຄະນະກົມ, ຫົວໜ້າຫ້ອງການກົມໃຫຍ່ພະລາທິການກອງທັບ, ຕະຫຼອດ
ຮອດບັນດາຄະນະນໍາ-ຄະນະບັນຊາ, ພະນັກງານຫຼັກແຫຼ່ງທົ່ວ ວຕກ ເຂົ້າຮ່ວມຢ່າງພ້ອມພຽງ.

     ສະຫາຍ ພົນຈັດຕະວາ ສີທອງ ຖິ່ນສະຫວັນ ກໍາມະການຄະນະພັກກົມໃຫຍ່ ຫົວໜ້າກົມເສນາພະລາ ກົມໃຫຍ່ພະລາທິການກອງທັບ ໄດ້
ຂຶ້ນຜ່ານຂໍ້ຕົກລົງຂອງກະຊວງປ້ອງກັນປະເທດ, ກົດໝາຍນາຍທະຫານກອງທັບປະຊາຊົນລາວ ພາກທີ II ໝວດທີ 4 ມາດຕາ 26 ວ່າດ້ວຍ ການ
ແຕ່ງຕັ້ງຍົກຍ້າຍນາຍທະຫານກອງທັບປະຊາຊົນລາວ ແລະ ຂໍ້ຕົກລົງຂອງ ລັດຖະມົນຕີ ກະຊວງປ້ອງກັນປະເທດ ວ່າດ້ວຍ ການແຕ່ງຕັ້ງຮອງອໍາ
ນວຍການ ຜູ້ຮັບຜິດຊອບວຽກງານພະລາທິການຜູ້ໃໝ່ຢູ່ ວຕກ. ໃນນັ້ນໄດ້ແຕ່ງຕັ້ງ ສະຫາຍ ພັນເອກ ວົງນະຄອນ ພົມມະຈັກ ເປັນຮອງອໍານວຍ
ການ ຫົວໜ້າຫ້ອງພະລາທິການຜູ້ໃໝ່ ປ່ຽນແທນ ສະຫາຍ ພັນເອກ ທອງສອນ ຕູໄຊລີຢາ ຮອງອໍານວຍການ ຫົວໜ້າຫ້ອງພະລາທິການຜູ້ເກົ່າ
ທີ່ພັກການເຂົ້າຮັບບໍານານ ທັງນີ້ກໍ່ເພື່ອ ແນໃສ່ປັບປຸງລະບົບການຈັດຕັ້ງ ໃນກໍາລັງປະກອບອາວຸດທົ່ວກອງທັບໃຫ້ເຕີບໃຫຍ່ເຂັ້ມແຂງ ເວົ້າລວມ
ເວົ້າສະເພາະແມ່ນ ລະບົບການຈັດຕັ້ງວຽກງານພະລາທິການລ້ຽງດູທັບ ຢູ່ວິທະຍາຄານເຕັກນິການທະຫານໃຫ້ກຽມພ້ອມ ສະໜອງຄວາມຮຽກ
ຮ້ອງຕ້ອງການຂອງໜ້າທີ່ວຽກງານໃນສະເພາະໜ້າ ແລະ ຍາວນານ.

     ໃນໂອກາດດຽວກັນ ສະຫາຍ ພົນຕີ ຄໍາເພັດ ສີຊານົນ ປະທານພິທີກໍໄດ້ໃຫ້ກຽດໂອ້ລົມຕໍ່ການປະກາດແຕ່ງຕັ້ງຄັ້ງນີ້ ໂດຍຮຽກຮ້ອງໃຫ້ຜູ້ທີ່
ໄດ້ຮັບໜ້າທີ່ໃໝ່ ຈົ່ງເອົາໃຈໃສ່ ເພີ່ມທະວີ ວຽກງານສຶກສາອົບຮົມການເມືອງນໍາພາແນວຄິດໃຫ້ແກ່ຖັນແຖວພະນັກງານ-ສະມາຊິກພັກ ມີທັດ
ສະນະຫຼັກໝັ້ນຊົນຊັ້ນ, ມີຄຸນສົມບັດສິນທໍາປະຕິວັດ, ຍົກສູງໜ້າທີ່ຄວາມຮັບຜິດຊອບທີ່ໄດ້ຮັບມອບໝາຍ, ເຕົ້າໂຮມຄວາມສາມັກຄີພາຍໃນ​
ໃຫ້ແໜ້ນແຟ້ນ, ຕ້ານແນວຄິດ ແລະ ການກະທໍາທີ່ບໍ່ສອດຄ່ອງກັບກົດໝາຍ, ໂດຍສະເພາະແມ່ນບໍ່ສວຍໃຊ້ໜ້າທີ່ຕໍາແໜ່ງ ເພື່ອສ້າງຜົນປະໂຫຍດ
ສ່ວນຕົວ ແລະ ກໍ່ໃຫ້ເກີດປະກົດການຫຍໍ້ທໍ້ຕ່າງໆ, ຕັ້ງໜ້າປັບປຸງກໍ່ສ້າງກົມກອງໃຫ້ມີບາດກ້າວຂະຫຍາຍຕົວອັນໃໝ່ເທື່ອລະກ້າວ.

ແຫຼ່ງຂ່າວໂດຍ ເພັດນາລີ.
ວັນທີ 05/06/2024