ປະກາດແຕ່ງຕັ້ງ ສະຫາຍ ພັນເອກ ເຜີຍເພັດ ພົມສີຈັນ ເປັນຫົວໜ້າການເມືອງ ກົມ 213

    ພິທີປະກາດການແຕ່ງຕັ້ງ ສະຫາຍ ພັນເອກ ເຜີຍເພັດ ພົມສີຈັນ ເປັນຫົວໜ້າການເມືອງ ກົມ 213 ໄດ້ຈັດຂຶ້ນ ໃນວັນທີ 3 ຕຸລາ 2024 ນີ້,
ໂດຍການເຂົ້າຮ່ວມເປັນປະທານຂອງ ສະຫາຍ ພົນໂທ ຄໍາລຽງ ອຸທະໄກສອນ ກໍາມະການສູນກາງພັກ, ຮອງລັດຖະມົນຕີກະຊວງປ້ອງກັນປະເທດ,
ຫົວໜ້າກົມໃຫຍ່ເສນາທິການກອງທັບ, ມີຄະນະພັກ-ຄະນະບັນຊາ ກົມ 213, ຫ້ອງການ, ກອງ, ສູນ, ໂຮງຮຽນ ແລະ ພະນັກງານຫຼັກແຫຼ່ງ
ເຂົ້າຮ່ວມ.

     ສະຫາຍ ພັນເອກ ສອນໄຊ ຈັນຍາລາດ ຮອງຫົວໜ້າກົມພະນັກງານ ກົມໃຫຍ່ການເມືອງກອງທັບ ໄດ້ຜ່ານດໍາລັດນາຍົກລັດຖະມົນຕີ ວ່າດ້ວຍ
ການແຕ່ງຕັ້ງຫົວໜ້າການເມືອງ ກົມ 213, ນາຍົກລັດຖະມົນຕີອອກດໍາລັດແຕ່ງຕັ້ງ ສະຫາຍ ພັນເອກ ເຜີຍເພັດ ພົມສີຈັນ ເປັນຫົວໜ້າການເມືອງ
ກົມ 213.

     ສະຫາຍ ພົນໂທ ຄໍາລຽງ ອຸທະໄກສອນ ໄດ້ໂອ້ລົມຫຼາຍບັນຫາທີ່ສຳຄັນ ພ້ອມທັງເນັ້ນໜັກ ໃຫ້ຜູ້ທີ່ໄດ້ຮັບການມອບໝາຍໜ້າທີ່ໃໝ່ສືບຕໍ່ສຶກ
ສາອົບຮົມການເມືອງ-ນຳພາແນວຄິດ, ເຝິກຝົນຫຼໍ່ຫຼອມຕົນເອງໃຫ້ມີຄຸນທາດການເມືອງໜັກແໜ້ນ, ມີຄຸນສົມບັດສິນທໍາປະຕິວັດ, ມີແບບແຜນ
ການດຳລົງຊີວິດທີ່ດີ, ມີແບບແຜນວິທີເຮັດວຽກທີ່ມີວິທະຍາສາດ, ເຮັດວຽກເປັນໝູ່ຄະນະ, ແບ່ງໃຫ້ບຸກຄົນຮັບຜິດຊອບ, ກ້າເຮັດກ້າຕັດສິນໃຈ
ແລະ ຍ້ອມຮັບໃນສິ່ງທີ່ຖືກຕ້ອງ, ເສີມຂະຫຍາຍມູນເຊື້ອການນໍາພາ ຂອງພັກໃຫ້ເລິກເຊິ່ງເຖິງຖອງ, ສ້າງໃຫ້ໄດ້ຄວາມສາມັກຄີພາຍໃນເປັນປຶກ
ແຜ່ນແໜ້ນໜາບົນພື້ນຖານຮ່ວມແຮງຮ່ວມໃຈຈັດຕັ້ງປະຕິບັດຕາມແນວທາງນະໂຍບາຍ ຂອງພັກ-ລັດ, ມີແບບແຜນວິທີເຮັດວຽກ, ວິທີນໍາພາ
ແບບວິທະຍາສາດ-ປະດິດສ້າງ, ຕັ້ງໜ້າປະກອບສ່ວນປັບປຸງກຳລັງ, ກົມກອງໃຫ້ກາຍເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນ, ກົມກອງ 3
ປອດ, ກົມກອງວັດທະນະທໍາ-ນັກຮົບວັດທະນະທຳ, ຕັ້ງໜ້າເຝິກຝົນຫຼໍ່ຫຼອມຕົນເອງໃຫ້ມີຄວາມຮູ້-ຄວາມສາມາດ, ມີຄວາມສະດຸ້ງໄວຕໍ່ສະພາບ
ການເພື່ອສ້າງກອງທັບໃຫ້ເຂັ້ມແຂງ, ມີແບບແຜນ ແລະ ທັນສະໄໝ.

ແຫຼ່ງຂ່າວໂດຍ ບຸນຊ້ອຍ
ວັນທີ 04/10/2024