ກະຊວງປ້ອງກັນປະເທດ ເປັນເຈົ້າພາບຈັດກອງປະຊຸມນະໂຍບາຍ
ຄວາມໝັ້ນຄົງເວທີພາກພື້ນອາຊຽນ ຄັ້ງທີ 21

ກອງປະຊຸມນະໂຍບາຍຄວາມໝັ້ນຄົງ ເວທີພາກພື້ນອາຊຽນ ຄັ້ງທີ 21ຈັດຂຶ້ນຢູ່ທີ່ແຂວງ ຫຼວງພະບາງ

    ໃນລະຫວ່າງວັນທີ 1-3 ກໍລະກົດ 2024 ນີ້, ກະຊວງປ້ອງກັນປະເທດ ແຫ່ງ ສປປ ລາວ ໄດ້ຮັບກຽດເປັນເຈົ້າພາບຈັດກອງປະຊຸມນະໂຍບາຍ
ຄວາມໝັ້ນຄົງ ເວທີພາກພື້ນອາຊຽນ ຄັ້ງທີ 21 ຫຼື 21st ASPC ( 21st ASEAN Regional Forum Security Policy Conference )
ຈັດຂຶ້ນຢູ່ທີ່ແຂວງ ຫຼວງພະບາງ, ໂດຍການເປັນປະທານຂອງທ່ານ ພົນຕີ ສາຍໃຈ ກົມມະສິດ ຮອງລັດຖະມົນຕີກະຊວງປ້ອງກັນປະເທດ, ຫົວໜ້າເຈົ້າ
ໜ້າທີ່ອາວຸໂສປ້ອງກັນປະເທດອາຊຽນ ແຫ່ງ ສປປ ລາວ, ມີບັນດາຜູ້ແທນພ້ອມດ້ວຍຄະນະຈາກ 19 ປະເທດ, ກອງເລຂາອາຊຽນ ແລະ ສະຫະພາບ
ເອີຣົບ ເຂົ້າຮ່ວມ.

     ກອງປະຊຸມໃນຄັ້ງນີ້, ບັນດາຄະນະຜູ້ແທນແຕ່ລະປະເທດ ໄດ້ແລກປ່ຽນທັດສະນະກ່ຽວກັບ ບັນດາສີ່ງທ້າທາຍຕໍ່ຄວາມໝັ້ນຄົງໃນພາກພື້ນ ແລະ
ຂົງເຂດອາຊີ-ປາຊີຟິກ ໃນປັດຈຸບັນ ແລະ ອະນາຄົດ, ພ້ອມກັນປຶກສາຫາລືມາດຕະການທີ່ເໝາະສົມ ເພື່ອແກ້ໄຂບັນຫາສີ່ງທ້າທາຍຕ່າງໆ; ການສົ່ງເສີມ
ມາດຕະການສ້າງຄວາມໄວ້ເນື້ອເຊື່ອໃຈ ເພື່ອເສີມສ້າງໂຄງສ້າງຄວາມໝັ້ນຄົງຂອງພາກພື້ນ ແລະ ບົດບາດຂອງກອງທັບ ໃນການຮັບມືກັບຜົນກະທົບ
ຈາກການປ່ຽນແປງສະພາບຂອງດິນຟ້າອາກາດ ໃນສະຕະວັດທີ 21. ກອງປະຊຸມຄັ້ງນີ້ ໄດ້ດໍາເນີນໄປດ້ວຍຜົນສໍາເລັດຕາມລະດັບຄາດໝາຍທີ່ວາງໄວ້
ແລະ ປະທານກອງປະຊຸມຄັ້ງຕໍ່ໄປແມ່ນປະເທດ ມາເລເຊຍ ສືບຕໍ່ເປັນເຈົ້າພາບຈັດກອງປະຊຸມນະໂຍບາຍຄວາມໝັ້ນຄົງເວທີພາກພື້ນອາຊຽນ ຄັ້ງທີ
22 ໃນປີ 2025.

ແຫຼ່ງຂ່າວໂດຍ ອານຸສອນ ສິມວົງສາ
ວັນທີ 03/07/2024