ປະກາດຮັບຮອງເອົາໂຮງໝໍບໍລິເວນ 107 ເປັນກອງວັດທະນະທໍາຄັ້ງທີ ll
ພິທີຮັບຮອງເອົາ ໂຮງໝໍບໍລິເວນ 107 ເປັນກອງກົມກອງວັດທະນະທໍາຄັ້ງທີ lI ໄດ້ຈັດຂຶ້ນຕອນເຊົ້າວັນທີ 30 ພຶດສະພາ 2024 ນີ້, ໂດຍ
ການເປັນປະທານຂອງ ສະຫາຍ ພົນຈັດຕະວາ ດຣ ບົວສິງ ອິນທະວົງ ກໍາມະການຄະນະພັກກະຊວງ ຮອງຫົວໜ້າກົມໃຫຍ່ພະລາທິການກອງ
ທັບ, ເປັນກຽດເຂົ້າຮ່ວມມີ ສະຫາຍ ພົນຈັດຕະວາ ຕີເບດ ສີແພງຄູນ ກໍາມະການຄະນະພັກ ອົງການກົມໃຫຍ່ ຫົວໜ້າຫ້ອງການເມືອງ ກົມ
ໃຫຍ່ການເມືອງກອງທັບ, ມີຄະນະພັກ-ຄະນະບັນຊາ ໂຮງໝໍ, ຄະນະຊີ້ນໍາບັນດາແຂກກົມກອງອ້ອມຂ້າງ ຕະຫຼອດຮອດພະນັກງານຫຼັກແຫຼ່ງ
ພາຍໃນໂຮງໝໍ ເຂົ້າຮ່ວມຢ່າງພ້ອມພຽງ.
ສະຫາຍ ພັນເອກ ຍຸຄອນ ຜາລີເພັງ ຮອງເລຂາຄະນະພັກຮາກຖານ ຫົວໜ້າການເມືອງໂຮງໝໍບໍລິເວນ 107 ໄດ້ຂຶ້ນຜ່ານບົດສະຫຼຸບ ການ
ສ້າງນັກຮົບ ແລະ ກົມກອງວັດທະນະທໍາ ໃຫ້ຮູ້ວ່າ: ໂດຍປະຕິບັດຕາມເນື້ອໃນ 5 ມາດຖານສາມາດຕີລາຄາ ຄື: ການກໍ່ສ້າງຄ້າຍຄູພື້ນຖານໂຄງ
ລ່າງ ພາຍໃນກົມກອງແມ່ນຖືກຕ້ອງຕາມຂໍ້ກໍານົດຂອງກົມໃຫຍ່ເສນາທິການກອງທັບ ວາງອອກ ເຊັ່ນ: ມີປະຕູໂຂງ, ມີກໍາແພງອ້ອມຄ້າຍ, ມີ
ເສັ້ນທາງປູຢາງ, ມີລະບົບຫ້ອງການ, ຫ້ອງອ່ານ, ເຮືອນນອນ, ເຮືອນຄົວກິນ, ເຮືອນກິນເຂົ້າລວມ, ມີຫ້ອງນໍ້າ, ຫ້ອງການ ມີການຈັດສັນປະດັບ
ປະດາເປັນລະບຽບງາມຕາ, ປະຕິບັດໄດ້ 3 ງາມ (ຄ້າຍຄູງາມ, ນັກຮົບງາມ, ການພົວພັນງາມ), ເຊິ່ງມາດຖານທີ 1 ບັນລຸໄດ້ 96,8%. ມີການ
ປ້ອງກັນເວນຍາມແໜ້ນໜາຄົບຊຸດ, ສະພາບການເມືອງແນວຄິດຂອງພະນັກງານ-ນັກຮົບ ມີຄວາມສະຫງົບໂດຍພື້ນຖານ, ຈໍານວນພົນປະກອບ
ຖືກຕ້ອງຕາມຂໍ້ກໍານົດຂອງກົມໃຫຍ່ເສນາທິການກອງທັບ ວາງອອກໄດ້ 75% ຂື້ນໄປ, ມາດຖານທີ 2 ບັນລຸໄດ້ 96,9%. ບໍ່ມີພະນັກງານ-ນັກ
ຮົບ ໂຕນໜີ, ປະລະໜ້າທີ່ໂດຍບໍ່ມີເຫດຜົນເກີນ 2% ມາດຖານທີ 3 ບັນລຸໄດ້ 96,7%. ຄະນະພັກ-ຄະນະບັນຊາ ຖືເອົາວຽກງານວິຊາສະເພາະ
ເປັນວຽກງານໃຈກາງຂອງກົມກອງ ແລະ ຖືເອົາຄໍາຂວັນຂອງກະຊວງສາທາລະນະສຸກ ວາງອອກ ຄື: 5 ດີ 1 ພໍໃຈ ຂອງແພດໝໍຕໍ່ຜູ້ບາດເຈັບ ແລະ
ເຈັບປວຍ ທີ່ເຂົ້າມາໃຊ້ບໍລິການມາດຖານທີ 4 ບັນລຸໄດ້ 96,9%. ຄະນະພັກ-ຄະນະບັນຊາ ໄດ້ຍົກສູງບົດບາດໜ້າທີ່ການເມືອງຂອງກົມກອງ
ໂດຍອີງໃສ່ມາດຖານເງື່ອນໄຂຂອງພະນັກງານ-ນັກຮົບ ເປັນບ່ອນອີງ, ມີການປັບປຸງຄ້າຍຄູໃຫ້ສະອາດຕາມເງື່ອນໄຂ ແລະ ທ່າແຮງທີ່ມີ, ພ້ອມນັ້ນ
ກໍໄດ້ຕິດພັນກັບກອງ 3 ປອດ ແລະ ຕິດພັນກັບການສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ ເຊິ່ງບໍ່ສາມາດຕັດແຍກອອກຈາກກັນໄດ້ ມາດ
ຖານທີ 5 ບັນລຸໄດ້ 97,5%.
ໂອກາດນີ້ ສະຫາຍ ພັນໂທ ຄໍາໂຕ່ນ ນັນທະວົງ ຫົວໜ້າພະແນກໂຄສະນາ ຫ້ອງການເມືອງ ກົມໃຫຍ່ການເມືອງກອງທັບ ໄດ້ຂື້ນຜ່ານຂໍ້ຕົກ
ລົງເລກທີ 266 ຂອງຫ້ອງການເມືອງກົມໃຫຍ່ການເມືອງກອງທັບ, ລົງວັນທີ 8 ເມສາ 2024 ວ່າດ້ວຍການຢັ້ງຢືນຮັບຮອງເອົານັກຮົບ ແລະ ກົມ
ກອງວັດທະນະທໍາ ໃຫ້ໂຮງໝໍບໍລິເວນ 107 ສະໄໝທີ 2 ໃນສົກປີ 2024, ພິທີໄດ້ມອບນາມມະຍົດກອງວັດທະນະທໍາ ໃຫ້ກົມກອງລວມໝູ່,
ນັກຮົບ ແລະ ກອງວັດທະນະທໍາ 22 ພະແນກ ແລະ ບຸກຄົນ 391 ສະຫາຍຢ່າງສົມກຽດ. ພິທີຍັງໄດ້ຜ່ານມະຕິຕົກລົງເລກທີ 23 ຂອງຄະນະພັກ
ກົມໃຫຍ່ພະລາທິການກອງທັບ, ລົງວັນທີ 15 ພຶດສະພາ 2024 ວ່າດ້ວຍການບົ່ງຕົວແຕ່ງຕັ້ງເລຂາ ຮອງເລຂາຄະນະພັກຮາກຖານໂຮງໝໍບໍລິເວນ
107 ເຊິ່ງໃນນີ້ແມ່ນໄດ້ບົ່ງຕົວແຕ່ງຕັ້ງສະຫາຍ ພັນເອກ ຍຸຄອນ ພາລີວັນ ເປັນເລຂາຄະນະພັກຮາກຖານ ແລະ ສະຫາຍ ພັນເອກ ໄພວັນ ຈັນທະ
ສຸກ ເປັນຮອງເລຂາຄະນະພັກຮາກຖານໂຮງໝໍບໍລິເວນ 107 ຕື່ມອີກ.
ສະຫາຍ ພົນຈັດຕະວາ ດຣ ບົວສິງ ອິນທະວົງ ກໍາມະການຄະນະພັກກະຊວງ, ຮອງຫົວໜ້າກົມໃຫຍ່ພະລາທິການກອງທັບ ໄດ້ມີຄໍາເຫັນ
ໂອ້ລົມເນັ້ນໜັກໃຫ້ຄະນະພັກ-ຄະນະບັນຊາ ສືບຕໍ່ສຶກສາອົບຮົມການເມືອງແນວຄິດ ໃຫ້ພະນັກງານ-ນັກຮົບ, ເອົາໃຈໃສ່ໃນການປະຕິບັດເນື້ອໃນ
ຂໍ້ແຂງຂັນຮັກຊາດ ແລະ ພັດທະນາ, ຍູ້ແຮງຂົງເຂດວຽກງານວິຊາສະເພາະ ຖືເອົາຈັນຍາບັນ, ຈັນຍາທໍາຂອງແພດປະຕິວັດ ປະກອບສ່ວນອັນສໍາ
ຄັນເຂົ້າໃນການ ປິ່ນປົວຄົນເຈັບຖືເອົາຄໍາຂວັນ 5 ດີ 1 ພໍໃຈ ເປັນຕົ້ນຕໍ່ ພ້ອມນັ້ນກໍ່ຕ້ອງເອົາໃຈໃສ່ອົບຮົມຫັດແອບການເມືອງ, ການທະຫານ ແລະ
ພະລາທິການ-ເຕັກນິກການແພດ, ໜູບໜິບການສ້າງກອງ 3 ປອດ, ຕິດພັນກັບການສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ ຍົກສູງບົດບາດ
ຕໍ່ໜ້າທີ່ການເມືອງຂອງຕົນ ພ້ອມກັນນໍາພາກົມກອງກ້າວເຂົ້າສູ່ກອງທັບປະຕິວັດ ທີ່ມີລະບຽບແບບແຜນ ແລະ ທັນສະໄໝ ເປັນກ້າວໆ.
ແຫຼ່ງຂ່າວໂດຍ ສົມພອນ ສຸວັນທອນ
ວັນທີ 03/06/2024