ກະຊວງປ້ອງກັນປະເທດຈັດກິດຈະກຳປູກຕົ້ນໄມ້ ແຫ່ງຊາດປະຈໍາປີ 2024
ວັນທີ 31 ພຶດສະພາ 2024, ເນື່ອງໃນໂອກາດວັນປູກຕົ້ນແຫ່ງຊາດ ປະຈໍາປີ 2024 ຄົບຮອບ 44 ປີ, ກະຊວງປ້ອງກັນປະເທດ ໄດ້ຈັດກິດ
ຈະກຳປູກຕົ້ນໄມ້ຂຶ້ນ ທີ່ກອງຍິງປືນ 199, ໂດຍການເປັນປະທານຂອງ ສະຫາຍ ພົນເອກ ຈັນສະໝອນ ຈັນຍາລາດ ຮອງນາຍົກລັດຖະມົນຕີ, ລັດ
ຖະມົນຕີກະຊວງປ້ອງກັນປະເທດ, ມີຄະນະນໍາຈາກ 4 ກົມໃຫຍ່, ຫ້ອງວ່າການກະຊວງ, ຄະນະພັກ-ຄະນະບັນຊາ ກອງຍິງປືນ 199, ຫ້ອງການ,
ກົມກອງອ້ອມຂ້າງກະຊວງ, ມີບ້ານ ແລະ ອົງການສໍານັກງານປົກຄອງເມືອງໄຊທານີ ເຂົ້າຮ່ວມ.
ໃນໂອກາດດັ່ງກ່າວ, ສະຫາຍ ພົນຈັດຕະວາ ຈັນດີ ສຸລິວົງສັກ ຮອງຫົວໜ້າກົມໃຫຍ່ພະລາທິການກອງທັບ ໄດ້ກ່າວເຖິງຈຸດປະສົງໃນການຈັດ
ຕັ້ງພິທີປູກຕົ້ນໄມ້ນີ້ຂຶ້ນ ເພື່ອເປັນການເຫັນຄວາມສໍາຄັນ ແລະ ຄຸນປະໂຫຍດຢ່າງຫຼວງຫຼາຍທີ່ຕິດພັນກັບຊີວິດການເປັນຢູ່ຂອງປະຊາຊົນບັນດາເຜົ່າ
ພັກ ແລະ ລັດຖະບານລາວ ຈິ່ງໄດ້ກຳນົດເອົາວັນທີ 1 ມິຖຸນາ ຂອງທຸກໆປີ ເຊິ່ງກົງກັບວັນເດັກນ້ອຍສາກົນເປັນວັນປູກຕົ້ນໄມ້ແຫ່ງຊາດ. ໂດຍທຸກໆ
ປີ ພະນັກງານ, ທະຫານ, ຕໍາຫຼວດ, ນັກຮຽນຮູ້ປັນຍາຊົນ ແລະ ຊັ້ນຄົນຕ່າງໆຢູ່ຂັ້ນສູນກາງ ແລະ ທ້ອງຖິ່ນ ໃນຂອບເຂດທົ່ວປະເທດ ໄດ້ພາກັນຈັດ
ກິດຈະກຳຢ່າງເປັນຂະບວນຟົດຟື້ນ ເພື່ອປູກຕົ້ນໄມ້ໃຫ້ເປັນປ່າ ແນໃສເຮັດໃຫ້ເນື້ອທີ່ປ່າປົກຫຸ້ມທົ່ວປະເທດ ໃຫ້ໄດ້ 70%, ໃນປີ 2024 ຕາມທິດ
ທາງ ແລະ ຄາດໝາຍຂອງລັດຖະບານ. ຕະຫຼອດໄລຍະທີ່ຜ່ານມາ ພັກ ແລະ ລັດຖະບານ ສປປ ລາວ ເຫັນໄດ້ຄວາມສໍາຄັນຂອງວຽກງານຄຸ້ມຄອງ
ປົກປັກຮັກສາຊັບພະຍາກອນທໍາມະຊາດ ແລະ ສິ່ງແວດລ້ອມ ໂດຍສະເພາະແມ່ນການປົກປັກຮັກສາປ່າໄມ້ ເຊິ່ງສະແດງອອກໃນການກຳນົດເອົາ
ຫຼາຍເຂດໃນທົ່ວປະເທດ ເປັນປ່າປ້ອງກັນ ແລະ ປ່າສະຫງວນແຫ່ງຊາດ. ອອກກົດໝາຍລະບຽບການ ແລະ ນິຕິກຳຕ່າງໆທີ່ກ່ຽວຂ້ອງ ໃນການຄຸ້ມ
ຄອງ ແລະ ການຈັດຕັ້ງປະຕິບັດຕົວຈິງ ເຊັ່ນ: ກົດໝາຍວ່າດ້ວຍປ່າໄມ້, ກົດໝາຍວ່າດ້ວຍສິ່ງແວດລ້ອມ, ກົດໝາຍວ່າດ້ວຍນໍ້າ-ຊັບພະຍາກອນນໍ້າ,
ເຫຼົ່ານີ້ເປັນຕົ້ນ. ດັ່ງນັ້ນ,ຈິ່ງຮຽກຮ້ອງໃຫ້ທຸກພາກສ່ວນໃນສັງຄົມ ຈົ່ງພ້ອມກັນເປັນເຈົ້າການໃນການໂຄສະນາ ປູກຈິດສໍານຶກ ໃຫ້ແກ່ພະນັກງານ, ທະ
ຫານ, ຕໍາຫຼວດ ແລະ ພໍ່ແມ່ປະຊາຊົນບັນດາເຜົ່າ ໃຫ້ເຂົ້າມາມີສ່ວນຮ່ວມ ໃນການປົກປັກຮັກສາຊັບພະຍາກອນທໍາມະຊາດ ໃຫ້ມີຄວາມອຸດົມສົມ
ບູນ. ເປັນຕົ້ນແມ່ນພູຜາປ່າໄມ້ ໃຫ້ຄົງຢູ່ຄູ່ກັບ ສປປ ລາວ ກໍຄືປະຊາຊົນລາວ ແລະ ລູກຫຼານລາວ ຕະຫຼອດໄປ. ພາຍໃນຖັນແຖວກອງທັບພວກເຮົາ
ຫຼາຍກົມກອງ, ກໍາລັງຫຼວງ-ກຳລັງທ້ອງຖິ່ນ ກໍໄດ້ພ້ອມກັນຈັດຕັ້ງສ້າງຂະບວນການປູກຕົ້ນໄມ້ຢ່າງຟົດຟື້ນ. ເຊິ່ງກະຊວງປ້ອງກັນປະເທດຂອງພວກເຮົາ
ກໍໄດ້ຈັດຕັ້ງພິທີປູກຕົ້ນໄມ້ເປັນປະຈໍາ ໃນທຸກໆປີ ໂດຍຈັດຕັ້ງປູກໃສ່ບັນດາກົມກອງທີ່ເປັນກຳລັງຫຼວງທີ່ເຫັນວ່າມີເງື່ນໄຂ ແລະ ຄວາມເໝາະສົມ.
ເພື່ອເປັນການປະກອບສ່ວນໃນການສ້າງຄວາມສົມດຸນ ໃຫ້ແກ່ທໍາມະຊາດ, ກໍຄືການປະກອບສ່ວນໃຫ້ແກ່ສັງຄົມ ໃນການປູກຕົ້ນໄມ້ໃຫ້ເປັນປ່າ,
ເວົ້າລວມ, ເວົ້າສະເພາະ ກໍແມ່ນເປັນການສ້າງໃຫ້ກົມກອງມີສີຂຽວ, ສະອາດງາມຕາ. ດັ່ງນັ້ນ,ກະຊວງປ້ອງກັນປະເທດ ຈິ່ງໄດ້ຈັດຕັ້ງພິທີປູກຕົ້ນໄມ້
ແຫ່ງຊາດ ປະຈໍາປີ 2024 ຢູ່ບໍລິເວນຂອບເຂດພື້ນທີ່ຂອງກອງພັນຍິງປືນ 199 ຂຶ້ນ, ເຊິ່ງເຫັນວ່າມີຄວາມເໝາະສົມທີ່ຈະຖືເອົາພິທີປູກຕົ້ນໄມ້ນີ້ເປັນ
ການປະກອບສ່ວນສ້າງໃຫ້ພື້ນທີ່ຂອບເຂດຂອງກອງຍິງປືນ 199 ໃຫ້ມີສີຂຽວງາມຕາ ເພື່ອກ້າວຂຶ້ນເປັນໜຶ່ງໃນສະຖານທີ່ຕົວແບບຂອງກະຊວງປ້ອງ
ກັນປະເທດ.
ແຫຼ່ງຂ່າວໂດຍ ຂກທ
ວັນທີ 03/06/2024