ສະຫາຍ ພົນເອກ ຈັນສະໝອນ ຈັນຍາລາດ ຕ້ອນຮັບການເຂົ້າຢ້ຽມຂ່ຳນັບ
ຂອງລັດຖະມົນຕິກະຊວງປ້ອງກັນປະເທດ ຫວຽດນາມ
ໃນວັນທີ 1 ພະຈິກ 2022 ນີ້, ສະຫາຍ ພົນເອກ ຈັນສະໝອນ ຈັນຍາລາດ ກຳມະການກົມການເມືອງສູນກາງພັກ, ຮອງນາຍົກລັດຖະມົນຕີ,
ລັດຖະ
ມົນຕີກະຊວງປ້ອງກັນປະເທດ ແຫ່ງ ສປປ ລາວ ໄດ້ໃຫ້ກຽດຕ້ອນຮັບການເຂົ້າຢ້ຽມຂໍ່ານັບຂອງ ສະຫາຍ ພົນໂທ ຫວູ້ຫາຍສານ ຄະນະເລຂາທິການສູນກາງ
ພັກກອມມູນິດຫວຽດນາມ ຮອງລັດຖະມົນຕີກະຊວງປ້ອງກັນປະເທດ ສສ ຫວຽດນາມ ພ້ອມດ້ວຍຄະນະ ໃນໂອກາດທີ່ເດີນທາງມາເຄື່ອນໄຫວຢ້ຽມຢາມ
ແລະ ເຮັດວຽກ ຢູ່ ສປປ ລາວ ໃນລະຫວ່າງວັນທີ 1-5 ພະຈິກ 2022 ນີ້.
ໂອກາດນີ້, ສະຫາຍ ພົນເອກ ຈັນສະໝອນ ຈັນຍາລາດ ໄດ້ສະແດງຄວາມຍິນດີຕ້ອນຮັບ ແລະ ຕີລາຄາສູງຕໍ່ຄະນະຜູ້ແທນດັ່ງກ່າວທີ່ໄດ້ເດີນທາງມາ ຢ້ຽມຢາມ ແລະ ເຮັດວຽກຢູ່ລາວໃນຄັ້ງນີ້. ເຊິ່ງມັນເປັນການປະກອບສ່ວນອັນສຳຄັນເຂົ້າໃນການສະເຫຼີມສະຫຼອງປີສາມັກຄີມິດຕະພາບ ລາວ-ຫວຽດນາມ 2022 ເວົ້າລວມ, ເວົ້າສະເພາະ ແມ່ນວັນສ້າງຕັ້ງສາຍພົວພັນການທູດ ລາວ-ຫວຽດນາມ ຄົບຮອບ 60 ປີ ແລະ ວັນເຊັນສົນທິສັນຍາມິດຕະພາບ ແລະ ການຮ່ວມມື ລາວ-ຫວຽດນາມ ຄົບຮອບ 45 ປີ ໃຫ້ມີບັນຍາກາດຟົດຟື້ນ ແລະ ເປັນຂະບວນການກວ້າງຂວາງ, ທັງເປັນການປະກອບສ່ວນໃນການເພີ່ມ ພູນຄູນສ້າງສາຍພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງສອງພັກ, ສອງລັດ ກໍຄືສອງກອງ ທັບ ລາວ-ຫວຽດນາມ ທີ່ເຄີຍມີມາແຕ່ດົນນານແລ້ວນັ້ນໃຫ້ໝັ້ນຄົງທະນົງແກ່ນຕະຫຼອດໄປ. ໂອກາດນີ້, ສະຫາຍຍັງໄດ້ອວຍພອນໃຫ້ການມາຢ້ຽມຢາມ ແລະ ເຮັດວຽກຢູ່ ສປປ ລາວ ຂອງຄະນະຜູ້ແທນດັ່ງກ່າວໃນຄັ້ງນີ້ຈົ່ງປະສົບຜົນສຳເລັດຢ່າງຈົບງາມ.
ໃນໂອກາດດຽວກັນນີ້, ສະຫາຍຮອງລັດຖະມົນຕີກະຊວງປ້ອງກັນປະເທດ ສສ ຫວຽດນາມ
ກໍໄດ້ສະແດງຄວາມຂອບໃຈຕໍ່ການຕ້ອນຮັບອັນອົບອຸ່ນ
ທີ່ເຕັມໄປດ້ວຍໄມຕີຈິດມິດຕະພາບອັນສະໜິດສະໜົມຖານສະຫາຍ ອ້າຍ-ນ້ອງ. ພ້ອມດຽວກັນນີ້, ສະຫາຍຍັງໄດ້ແຈ້ງຈຸດປະສົງຂອງການມາຢ້ຽມຢາມ
ແລະ
ເຮັດວຽກຢູ່ ສປປ ລາວ ໃນຄັ້ງນີ້ໃຫ້ສະຫາຍລັດຖະມົນຕີກະຊວງປ້ອງກັນປະເທດ ໄດ້ຮັບຊາບນຳອີກ. ຂ່າວໃຫ້ຮູ້ຕື່ມອີກວ່າ:
ໃນຕອນເຊົ້າຂອງວັນ
ດຽວກັນ
ຄະນະຜູ້ແທນຂັ້ນສູງກອງທັບປະຊາຊົນ ຫວຽດນາມ ຍັງໄດ້ເຂົ້າຮ່ວມພົບປະໂອ້ລົມກັບ ສະຫາຍ ພົນຕີ ວົງຄຳ ພົມມະກອນ
ຮອງລັດຖະມົນຕີ
ກະຊວງປ້ອງກັນປະເທດ ແຫ່ງ ສປປ ລາວ ຢູ່ທີ່ໂຮງແຮມເມືອງແທັງ ພາຍຫຼັງທີ່ສຳເລັດພິທີຕ້ອນຮັບທາງການ.
ເຊິ່ງການພົບປະທັງສອງຝ່າຍກໍໄດ້ເຫັນດີເປັນ
ເອກະພາບ
ບົນພື້ນຖານແມ່ນປະຕິບັດຕາມການຕົກລົງຂອງກົມການເມືອງສູນກາງພັກຂອງທັງສອງຝ່າຍ ແລະ ອະນຸສັນຍາ
ວ່າດ້ວຍການຮ່ວມມືຊ່ວຍເຫຼືອ
ເຊິ່ງ ແລະ ກັນ ລະຫວ່າງສອງກະຊວງປ້ອງກັນປະເທດ ລາວ-ຫວຽດນາມ, ຫວຽດນາມ-ລາວ ແລະ ແຜນການຮ່ວມມືໃນປີ 2022.
ການຮ່ວມມືທາງດ້ານ
ວຽກງານພັກ-ວຽກງານການເມືອງ, ການກໍ່ສ້າງກຳລັງ, ການແລກປ່ຽນຄະນະຜູ້ແທນ, ແລກປ່ຽນຂໍ້ມູນຂ່າວສານ ແລະ
ສືບຕໍ່ຈັດຕັ້ງປະຕິບັດວຽກງານກໍ່ສ້າງ
ບ້ານ ແລະ ກຸ່ມບ້ານພັດທະນາຕາມບໍລິເວນຊາຍແດນ, ສືບຕໍ່ວຽກງານຂຸດຄົ້ນອັດຖິທະຫານອາສາສະໝັກ ແລະ
ຊ່ຽວຊານຫວຽດນາມທີ່ເສຍສະຫຼະຊີວິດ
ຢູ່ລາວໃນສະໄໝສົງຄາມກັບຄືນປະເທດ, ສືບຕໍ່ຊຸກຍູ້ວຽກງານເຕັກນິກ ແລະ ອຸດສາຫະກຳປ້ອງກັນຊາດ, ສືບຕໍ່ຊຸກຍູ້ວຽກງານຮ່ວມມື ແລະອຳນວຍຄວາມ
ສະດວກໃນການຂົນສົ່ງອຸປະກອນເຕັກນິກການທະຫານຜ່ານດິນແດນຂອງຫວຽດນາມມາຍັງ ສປປ ລາວ,
ເອົາໃຈໃສ່ຍົກສູງຄຸນນະພາບຂອງວຽກງານກໍ່
ສ້າງພະນັກງານທະຫານໜຸ່ມລາວ ຢູ່ ສສ ຫວຽດນາມ ໃຫ້ໄດ້ທັງດ້ານປະລິມານ ແລະ ຄຸນນະພາບ,
ສະເໜີໃຫ້ສອງກະຊວງປ້ອງກັນປະເທດເຮົາສືບຕໍ່ສ້າງ
ບັນດາກິດຈະກຳພົບປະສ້າງສັນ ເຊັ່ນ: ແລກປ່ຽນທາງດ້ານສິລະປະການສະແດງ, ວັດທະນະທຳ ແລະ ແລກປ່ຽນນາຍທະຫານໜຸ່ມເຊິ່ງກັນ ແລະ ກັນ
ເພື່ອ
ເຮັດໃຫ້ສອງກອງທັບໃຫ້ມີບັນຍາກາດເບີກບານມ່ວນຊື່ນ ລວມໄປເຖິງບັນຫາອື່ນໆທີ່ທັງສອງຝ່າຍໄດ້ຕົກລົງ ແລະ ເຫັນດີຮ່ວມກັນ.
ແຫຼ່ງທີ່ມາ: ຈັນທະວົງ ອຸ່ນວິໄລຫົງ
ວັນທີ 02/11/2022